Ber­ka­rar döw­le­ti­mi­ziň bag­ty­ýar­lyk döw­rün­de hor­mat­ly Pre­zi­den­ti­mi­ziň ýol­baş­çy­ly­gyn­da dün­ýä döw­let­le­ri bi­len öza­ra bäh­bit­li gat­na­şyk­lar has-da ös­dü­ril­ýär. Döw­le­ta­ra gat­na­şyk­la­ryň ös­dü­ril­me­gi­ne ýo­ka­ry de­re­je­dä­ki sa­par­lar özü­niň oňyn tä­si­ri­ni ýe­tir­ýär. Mu­ňa go­laý­da hor­mat­ly Pre­zi­den­ti­mi­ziň Be­la­rus Res­pub­li­ka­sy­na ama­la aşy­ran we üs­tün­lik­li ta­mam­la­nan iki gün­lük res­mi sa­pa­ry hem aý­dyň su­but­na­ma bo­lup dur­ýar.
Be­la­rus Res­pub­li­ka­sy ýur­du­my­zyň esa­sy söw­da-yk­dy­sa­dy hyz­mat­daş­la­ry­nyň bi­ri­dir. Bu döw­let bi­len dip­lo­ma­tik gat­na­şyk­lar 1993-nji ýyl­da ýo­la go­ýul­dy. Soň­ky ýyl­lar­da türk­men-be­la­rus gat­na­şyk­la­ry hil taý­dan tä­ze de­re­je­le­re çy­ka­ryl­dy. Döw­le­ta­ra gat­na­şyk­la­ry­ny maz­mun taý­dan baý­laş­dyr­ýan iki­ta­rap­la­ýyn yla­la­şyk­la­ryň yzy­gi­der­li ga­za­nyl­ma­gy iki ýur­duň ara­syn­da­ky söw­da-yk­dy­sa­dy hyz­mat­daş­ly­gyň stra­te­gik de­re­jä çyk­ma­gy­na müm­kin­çi­lik ber­di. Türk­me­nis­ta­nyň Be­la­rus Res­pub­li­ka­sy­nyň paý­tag­ty Minsk şä­he­rin­dä­ki il­çi­ha­na­sy 1995-nji ýyl­dan bä­ri he­re­ket ed­ýär. Be­la­rus Res­pub­li­ka­sy­nyň paý­tag­ty­myz Aş­ga­bat­da­ky il­çi­ha­na­sy 2002-nji ýyl­da açyl­dy.
Hor­mat­ly Pre­zi­den­ti­mi­ziň Be­la­rus Res­pub­li­ka­sy­na ama­la aşy­ran no­bat­da­ky sa­pa­ry hem üs­tün­lik­li ta­mam­lan­dy. Bu sa­par iki ýur­duň ara­syn­da­ky sy­ýa­sy, söw­da-yk­dy­sa­dy, ylym-bi­lim we halk ho­ja­ly­gy­nyň beý­le­ki pu­dak­la­ryn­da­ky hyz­mat­daş­ly­gyň has-da ös­dü­ril­me­gi­ne uly iter­gi ber­di.
Hor­mat­ly Pre­zi­den­ti­miz Be­la­rus Res­pub­li­ka­sy­nyň Pre­zi­den­ti­niň Ga­raş­syz­lyk köş­gün­de res­mi taý­dan gar­şy­lan­dy. Soň­ra iki ýur­duň Pre­zi­dent­le­ri­niň ara­syn­da iki­çäk du­şu­şyk ge­çi­ril­di. Li­der­ler bi­rek-bi­re­ge dü­şü­niş­mek, yna­nyş­mak we iş­jeň ýag­daý­da ge­çen gep­le­şik­le­riň bar­şyn­da ozal ga­za­ny­lan yla­la­şyk­la­ry dur­mu­şa ge­çir­me­giň çäk­le­rin­de türk­men-be­la­rus gat­na­şyk­la­ry­nyň giň ugur­la­ry­ny ara alyp mas­la­hat­laş­dy­lar hem-de hä­zir­ki za­ma­nyň ýag­da­ýy­ny, gel­jek­ki ösü­şi na­za­ra al­mak bi­len, hyz­mat­daş­ly­gyň mö­hüm ugur­la­ry­ny kes­git­le­di­ler. Ta­rap­lar öza­ra gy­zyk­lan­ma bil­di­ril­ýän se­bi­ta­ra we hal­ka­ra sy­ýa­sa­ty­nyň bir­nä­çe mö­hüm ugur­la­ry bo­ýun­ça-da pi­kir alyş­dy­lar.
Soň­ra gep­le­şik­ler Türk­me­nis­ta­nyň we Be­la­rus Res­pub­li­ka­sy­nyň res­mi we­ki­li­ýet­le­ri­niň gat­naş­ma­gyn­da gi­ňiş­le­ýin dü­züm­de Uly mas­la­hat­lar za­lyn­da do­wam et­di. Gi­ňiş­le­ýin dü­züm­de ge­çi­ri­len gep­le­şik­ler ta­mam­la­nan­dan soň, Be­la­rus ta­ra­py­nyň adyn­dan hor­mat­ly Pre­zi­den­ti­mi­ze ýa­dy­gär­lik sow­gat gow­şu­ryl­dy.
Soň­ra iki­ta­rap­la­ýyn res­mi­na­ma­la­ra gol çek­mek da­ba­ra­sy bol­dy. Iki ýur­duň döw­let Baş­tu­tan­la­ry­nyň gat­naş­ma­gyn­da Be­la­rus Res­pub­li­ka­sy­nyň çä­gi­ne Türk­men-be­la­rus söw­da öýü­niň hem-de Türk­me­nis­ta­nyň çä­gi­ne Be­la­rus-Türk­men söw­da öýü­niň ge­tir­ýän ha­ryt­la­ry­na go­şu­lan ba­ha­lar üçin sal­gyt­dan bo­şat­mak ha­kyn­da Türk­me­nis­ta­nyň Hö­kü­me­ti bi­len Be­la­rus Res­pub­li­ka­sy­nyň Hö­kü­me­ti­niň ara­syn­da­ky Yla­la­şy­ga; Türk­me­nis­ta­nyň Hö­kü­me­ti bi­len Be­la­rus Res­pub­li­ka­sy­nyň Hö­kü­me­ti­niň ara­syn­da me­de­ni­ýet we sun­gat ba­bat­da 2017-2020-nji ýyl­lar üçin hyz­mat­daş­ly­gyň Mak­sat­na­ma­sy­na; Türk­me­nis­ta­nyň Sport ba­ra­da­ky döw­let ko­mi­te­ti bi­len Be­la­rus Res­pub­li­ka­sy­nyň Sport we sy­ýa­hat­çy­lyk mi­nistr­li­gi­niň ara­syn­da be­den­ter­bi­ýe we sport ba­bat­da hyz­mat­daş­ly­gyň 2016-2017-nji ýyl­lar üçin Mak­sat­na­ma­sy­na; Öza­ra hyz­mat­daş­lyk ha­kyn­da S.A.Ny­ýa­zow adyn­da­ky Türk­men oba ho­ja­lyk uni­wer­si­te­ti bi­len Be­la­rus döw­let ag­rar teh­ni­ki uni­wer­si­te­ti­niň ara­syn­da Şert­na­ma; Türk­men döw­let ulag we ara­gat­na­şyk ins­ti­tu­ty bi­len Be­la­rus döw­let in­for­ma­ti­ka we ra­dioe­lekt­ro­ni­ka uni­wer­si­te­ti­niň ara­syn­da­ky Şert­na­ma­nyň çäk­le­rin­de 2016-2017-nji ýyl­lar üçin hyz­mat­daş­ly­gyň Mak­sat­na­ma­sy­na; Türk­men döw­let ulag we ara­gat­na­şyk ins­ti­tu­ty bi­len Be­la­rus döw­let ara­gat­na­şyk aka­de­mi­ýa­sy­nyň ara­syn­da hyz­mat­daş­lyk et­mek ha­kyn­da­ky Şert­na­ma; Türk­men döw­let bi­na­gär­lik-gur­lu­şyk ins­ti­tu­ty­nyň we Be­la­rus mil­li teh­ni­ki uni­wer­si­te­ti­niň ara­syn­da hyz­mat­daş­lyk et­mek ha­kyn­da Yla­la­şy­gy ýe­ri­ne ýe­tir­mek bo­ýun­ça 2016-2020-nji ýyl­lar üçin çä­re­le­riň Me­ýil­na­ma­sy­na; Türk­me­nis­ta­nyň Te­le­wi­de­ni­ýe, ra­dio­gep­le­şik­ler we ki­ne­ma­tog­ra­fi­ýa ba­ra­da­ky döw­let ko­mi­te­ti bi­len Be­la­rus Res­pub­li­ka­sy­nyň Döw­let mil­li te­le­ra­dio kom­pa­ni­ýa­sy­nyň ara­syn­da hyz­mat­daş­lyk et­mek ha­kyn­da­ky Yla­la­şy­ga gol çe­kil­di.
Bu ýe­re ýyg­na­nan­la­ryň el çar­pyş­ma­la­ry as­tyn­da Pre­zi­den­tler Bi­le­lik­dä­ki be­ýan­na­ma gol çek­di­ler.
Iki­ta­rap­la­ýyn res­mi­na­ma­la­ra gol çek­mek da­ba­ra­sy ta­mam­la­nan­soň, Pre­zi­dent­ler Gurbanguly Berdimuhamedow we Alek­sandr Lu­ka­şen­ko iki­ta­rap­la­ýyn gep­le­şik­le­riň ne­ti­je­le­ri bo­ýun­ça met­bu­ga­ta ýüz­len­me bi­len çy­kyş et­di­ler.

fd7c46fe2a48283125e2fc80976e2e88

Mil­li Li­de­ri­miz Be­la­rus Res­pub­li­ka­sy­na ama­la aşy­ran sa­pa­ry­nyň çäk­le­rin­de bu ýur­duň paý­tag­ty Minsk şä­he­rin­de gur­lan Türk­me­nis­ta­nyň il­çi­ha­na­sy­nyň tä­ze bi­na­lar top­lu­my­nyň açy­lyş da­ba­ra­sy­na gat­naş­dy. Iki ýur­duň ara­syn­da­ky dost­luk­ly gat­na­şyk­la­ryň ber­ke­me­gi­ne hyz­mat et­jek bu bi­na­nyň düý­bi hor­mat­ly Pre­zi­den­ti­mi­ziň Be­la­rus Res­pub­li­ka­sy­na 2014-nji ýyl­da ama­la aşy­ran sa­pa­ry­nyň çäk­le­rin­de tu­tu­lyp­dy.
Döw­let Baş­tu­ta­ny­myz ýyg­na­nan­la­ry mü­bä­rek­läp, türk­men-be­la­rus gat­na­şyk­la­ry ba­ra­da du­rup ge­çip, ola­ryň açyk hem-de öza­ra yna­nyş­mak hä­si­ýe­ti­ne eýe­di­gi­ni aý­ra­tyn nyg­ta­dy. Hä­zir­ki wagt­da Türk­me­nis­tan bi­len Be­la­rus Res­pub­li­ka­sy­nyň ara­syn­da­ky gat­na­şyk­lar ha­ky­ky dost­lu­gyň, öza­ra hor­mat goý­ma­gyň, bi­rek-bi­re­ge ynan­ma­gyň hem-de deň­hu­kuk­ly­ly­gyň aja­ýyp my­sa­ly bo­lup dur­ýar. Hor­mat­ly Pre­zi­den­ti­miz ok­gun­ly ösü­şi, kö­pu­gur­ly­ly­gy, stra­te­gi­ki we­zi­pe­le­re oňat dü­şü­nil­ýän­di­gi­ni döw­le­ta­ra hyz­mat­daş­ly­gy­nyň aý­ra­tyn­lyk­la­ry hök­mün­de gör­kez­di.

Be­la­rus Res­pub­li­ka­sy­nyň Pre­zi­den­ti hem öz ge­ze­gin­de il­çi­ha­na­nyň iş­gär­le­ri­ni tä­ze jaý to­ýy bi­len gut­lap, bir ýa­rym ýyl mun­dan ozal, Türk­me­nis­ta­nyň Pre­zi­den­ti bi­len bi­le­lik­de bu bi­na­nyň bin­ýa­dy­nyň tu­tu­lan­dy­gy­ny aýt­dy. Şeý­le hem dost­luk­ly ýur­duň ýol­baş­çy­sy il­çi­ha­na­nyň be­la­rus-türk­men hyz­mat­daş­ly­gy­nyň mer­ke­zi­ne öw­rül­jek­di­gi­ni bel­läp, türk­men dip­lo­mat­la­ry­nyň iki hal­kyň ara­syn­da­ky dost­lu­gy hem-de döw­let­le­riň ara­syn­da­ky iş­jeň hyz­mat­daş­ly­gy pug­ta­lan­dyr­ma­ga sal­dam­ly go­şant goş­jak­dy­gy­na ynam bil­dir­di.
Da­ba­ra­nyň çäk­le­rin­de iki dost­luk­ly döw­le­tiň Li­der­le­ri il­çi­ha­na­nyň iş­gär­le­ri üçin ni­ýet­le­nen ýa­şa­ýyş ja­ýy bi­len ta­nyş­dy­lar. 8 gat­ly ja­ýyň umu­my meý­da­ny 1622 ine­dör­dül met­re ba­ra­bar­dyr. Bu ýer­de 4 otag­ly öý­le­riň 2-si, 3 otag­ly öý­le­riň 2-si hem-de 2 otag­ly öý­le­riň 4-si ýer­leş­ýär. Türk­me­nis­ta­nyň we Be­la­rus Res­pub­li­ka­sy­nyň Pre­zi­dent­le­ri 1-nji gat­da ýer­leş­ýän öý­le­riň bi­ri­ne bar­ýar­lar we türk­men dip­lo­mat­la­ry­nyň äh­li amat­lyk­la­ryň hö­zi­ri­ni gö­rüp, ýa­şa­mak­la­ry üçin dö­re­di­len şert­ler bi­len ta­nyş­ýar­lar. Öý­le­riň äh­li­si oňaý­ly ýer­le­şi­şi bi­len ta­pa­wut­lan­ýar. Ze­rur bo­lan me­bel­ler, dur­muş­da ula­nyl­ýan teh­ni­ka we beý­le­ki­ler tä­ze jaýlara gö­çüp ba­ran­la­ryň yg­ty­ýa­ryn­da­dyr.
Üç gat­ly ak mer­mer­li bi­na Minsk şä­he­ri­niň iň meş­hur et­rap­la­ry­nyň bi­rin­de gu­rul­dy. Top­lu­myň bi­na­gär­lik keş­bin­de döw­re­bap gur­lu­şyk ýö­rel­ge­le­ri hem-de türk­men bi­na­gär­li­gi­niň we mil­li be­ze­giň ga­dym­dan gel­ýän däp­le­ri öz be­ýa­ny­ny tap­dy. Bu ýer­de eda­ra bi­na­sy, ýa­şa­ýyş ja­ýy we de­giş­li teh­ni­ki des­ga­lar ýer­leş­ýär.
Meý­da­ny 5615 ine­dör­dül met­re ba­ra­bar bo­lan bi­na­da dip­lo­ma­tik we­kil­ha­nanyň iş­gär­le­ri­niň iş otag­la­ry hem-de gep­le­şik­le­ri ge­çir­mek üçin ni­ýet­le­nen otag­lar, kon­sul­lyk bö­lü­mi, ar­hiw ota­gy ýer­leş­ýär. Ola­ryň äh­li­si döw­re­bap eda­ra me­be­li hem-de öň­de­ba­ry­jy teh­no­lo­gi­ýa­lar bi­len üp­jün edil­di. Şeý­le hem bu ýer­de mas­la­hat­lar zal­la­ry, ser­gi za­ly we ban­ket za­ly ýer­leş­ýär. Aw­tou­lag du­ral­ga­sy, aş­ha­na we na­har­ha­na hem iş­gär­le­riň yg­ty­ýa­ryn­da­dyr. Top­lu­myň çä­gin­de uly gyş­ky bag bar.
ME­DE­NI GAT­NA­ŞYK­LAR BAR­HA ÖS­DÜ­RIL­ÝÄR
Mil­li Li­de­ri­mi­ziň sa­pa­ry­na ga­bat­lap, Be­la­rus Res­pub­li­ka­sy­nyň paý­tag­tyn­da Türk­me­nis­ta­nyň Me­de­ni­ýet gün­le­ri ge­çi­ril­di. Onuň çäk­le­rin­de şä­he­riň ila­ty we myh­man­lary hal­ky­my­zyň dö­re­di­ji­lik däp­le­ri, baý mi­ra­sy we ýur­du­my­zyň hä­zir­ki za­man sun­ga­ty bi­len ta­nyş­ma­ga müm­kin­çi­lik al­dy.
Be­la­ru­suň ýa­şaý­jy­la­ry ozal – 2010-njy we 2014-nji ýyl­lar­da bu ýer­de Türk­me­nis­ta­nyň Me­de­ni­ýet gün­le­ri ge­çi­ri­len ma­hal­la­ry türk­men sun­ga­ty hem-de däp-des­sur­la­ry bi­len ta­nyş­ma­ga müm­kin­çi­lik al­ypdy­lar. 2012-nji ýyl­da Be­la­rus döw­let sir­kin­de meş­hur “Gal­ky­nyş” mil­li at üs­tün­dä­ki oýun­lar to­pa­ry­nyň çy­ky­şy uly üs­tün­lik­le­re bes­len­di.

MIL­LI LI­DE­RI­MI­ZIŇ SA­PA­RY BE­LA­RUS MET­BU­GA­TYN­DA
Hor­mat­ly Pre­zi­den­ti­mi­ziň Be­la­rus Res­pub­li­ka­sy­na ama­la aşy­ran sa­pa­ry dost­luk­ly ýur­duň met­bu­ga­tyn­da giň­den be­ýan edil­di. Köp­çü­lik­le­ýin ha­bar be­riş se­riş­de­le­ri­niň sa­hy­pa­la­ryn­da sa­pa­ryň bar­şyn­da döw­le­ta­ra gat­na­şyk­la­ry­ny ös­dür­mä­ge go­şant goş­ýan bi­le­lik­dä­ki yk­dy­sa­dy tas­la­ma­la­ryň dur­mu­şa ge­çi­ril­me­gi ba­bat­da ga­za­ny­lan yla­la­şyk­la­ra uly orun be­ril­di.
Met­bu­gat sa­hy­pa­la­ryn­da ýer­leş­di­ri­len ha­bar­lar­da ýa­rym ýyl mun­dan ozal, Pre­zi­dent Alek­sandr Lu­ka­şen­konyň Türk­me­nis­tan­da sa­par­da bo­lan­dy­gy, Aş­ga­bat­dan Minsk şä­he­ri­ne Be­la­ru­syň we­kil­çi­lik­li to­pa­ry­nyň köp san­ly yla­la­şyk­lar bi­len gaý­dyp ge­len­di­gi mä­lim edil­di. Bu ge­zek Türk­me­nis­ta­nyň Pre­zi­den­ti­niň res­mi sa­par bi­len ge­len­di­gi hem-de ýo­ka­ry de­re­je­dä­ki türk­men-be­la­rus gep­le­şik­le­rin­de dür­li ugur­lar­da hyz­mat­daş­ly­gy ös­dür­mek ba­bat­da yla­la­şyk­la­ryň ga­za­ny­lan­dy­gy met­bu­ga­tyň üs­ti bi­len oky­jy­lar köp­çü­li­gi­ne gyz­gy­ny bi­len ýe­ti­ril­di.
Be­la­ru­syň ne­şir­le­rin­de iki ýur­duň ara­syn­da­ky söw­da-yk­dy­sa­dy gat­na­şyk­la­ryň saz­la­şyk­ly ös­dü­ril­ýän­di­gi, ha­ryt do­la­ny­şy­gy­nyň 70 gö­te­rim ar­tan­dy­gy, Türk­me­nis­ta­nyň Be­la­rus üçin Mer­ke­zi Azi­ýa­da­ky esa­sy we stra­te­gik hyz­mat­da­şy bo­lup dur­ýan­dy­gy be­ýan edil­di.

“Za­man-Türk­me­nis­tan”.

Gyzykly bolup bilerЕЩЕ ОТ АВТОРА