Ýag­şyň köp ýag­ýan dö­wür­le­rin­de tä­sin te­bi­gy ha­dy­sa – älem­go­şa­ra syn eden bol­sa­ňyz ge­rek. Ýag­şyň yzýa­ny gü­neş­li ho­wa­da peý­da bol­ýan älem­go­şa­ryň seý­rek ha­lat­lar­da iki­si bir wagt­da hem çy­kyp bil­ýär. Adat­ça, älem­go­şar ir­den ýa­gyş ýa­gan bol­sa, gün­ba­tarda, öý­län ýa­gan bol­sa, gün­do­garda peýda bolýar. Ýag­ny ony gör­mek üçin Gü­n si­ziň arka ta­ra­py­ňyz­da bol­ma­ly. Gü­n süýr depede wagty älem­go­şar bol­ma­ýar. Adat­ça onuň 7 reň­ki bol­ýar – gy­zyl, na­rynç, sa­ry, ýa­şyl, gök, mawy we be­new­şe. Kä­ha­lat­lar­da alty, kämahal ýe­di­den hem köp reň­ki­ni saý­ga­ryp bolýar.
Älem­go­şar ho­wa­da­ky suw bö­le­jik­le­ri­niň Gün şöh­le­si­ni döw­me­gi ne­ti­je­sin­de eme­le gel­ýär. Köp­lenç şag­la­wuk­lar­da ýa-da çüw­dü­rim­ler­de hem ki­çi­jik älem­go­şa­ryň peý­da bol­ýan­dy­gy­ny gör­mek bol­ýar.
Iki­si bir­den ýü­ze çyk­ýan älem­go­şa­ryň bi­ri­niň reň­ki beý­le­kiňki­den has so­lak bol­ýar. Ola­ryň reňk­le­ri­niň ýer­le­şi­şi bol­sa bi­ri-bi­ri­niň­ki­niň ter­si­ne bol­ýar. Has aý­dyň gö­rün­ýän älem­go­şar­da ýo­kar­da gy­zyl, aşak­da be­new­şe reňk bol­ýar. Go­şa älem­go­şa­ryň bi­ri­ni suw dam­ja­la­ry­nyň ýo­kar­syn­dan geç­ýän, beý­le­ki­si­ni bol­sa, aşa­gyn­dan geç­ýän suw damjajyklary eme­le ge­tir­ýär.
Aşak­dan se­re­di­len­de, ýa­rym Aý şekilli bo­lup gö­rün­ýän älem­go­şa­ryň iki ta­ra­py hem Ýe­re deg­ýän ýa­ly­dyr. Em­ma oňa uçar­dan se­re­di­len­de, te­ge­lek bo­lup gö­rün­ýär.
Is­lan­di­ýa­da­ky Skou­gau der­ýa­sy­nyň ug­run­da­ky Skou­ga­foss şag­la­wu­gyn­da gü­neş­li gün­ler­de köp­lenç go­şa älem­go­şar peý­da bol­ýar. Ini 25 met­re, be­ýik­li­gi 60 met­re ba­ra­bar bo­lan bu gö­zel­li­gi gör­mä­ge bar­ýan ja­han­keş­de­le­riň sa­ny ýyl­sa­ýyn art­ýar. Ol ýer­de bir­nä­çe film hem su­ra­ta dü­şü­ri­lip­dir.

Gyzykly bolup bilerЕЩЕ ОТ АВТОРА