Düýn «Awa­za» mil­li sy­ýa­hat­çy­lyk zo­la­gyn­da Türk­me­nis­ta­nyň VII Hal­ka­ra gaz kong­re­si we onuň bi­len bag­ly gu­ral­ýan hal­ka­ra ser­gi­si öz işi­ne baş­la­dy. Bu hal­ka­ra fo­rum dün­ýä­niň en­çe­me ýur­dun­dan bu ugur­da iş­le­ýän iri hal­ka­ra kom­pa­ni­ýa­la­ry­ny, bi­ler­men­le­ri hem-de ugur­daş pu­dak­la­ýyn eda­ra­la­ryň we­kil­le­ri­ni bir ýe­re jem­le­di. Ol dün­ýä­niň iri hal­ka­ra fo­rum­la­ryň ha­ta­ry­na go­şu­lyp, dün­ýä­niň işe­wür­lik jem­gy­ýe­ti­niň ün­sü­ni ýur­du­my­za gö­nük­dir­di.
VII Hal­ka­ra gaz kong­re­si­niň gün ter­ti­bi­ne ener­ge­ti­ka ul­ga­myn­da öza­ra bäh­bit­li hal­ka­ra hyz­mat­daş­ly­gy­ny gi­ňelt­mek, türk­men te­bi­gy ga­zy­nyň eks­port ugur­la­ry­ny di­wer­si­fi­ka­si­ýa­laş­dyr­mak, döw­le­ta­ra gaz ge­çi­ri­ji­le­ri­ni gur­mak, dün­ýä gaz ba­za­ry­nyň hä­zir­ki ýag­da­ýy hem-de ony mun­dan beý­läk-de ös­dür­me­giň müm­kin­çi­lik­le­ri ýa­ly me­se­le­ler gi­ri­zil­di. Fo­ru­myň çäk­le­rin­de TOPH gaz ge­çi­ri­ji­si­niň gur­lu­şy­gy­nyň tas­la­ma­sy­na ma­ýa go­ýum­la­ry­ny çek­mek, şeý­le hem “Gün­do­gar-Gün­ba­tar” ener­ge­ti­ka ge­çi­ri­ji­le­ri­ni dö­ret­mek me­se­le­le­ri­ne ba­gyş­la­nan “te­ge­lek sto­luň” ba­şyn­da du­şu­şy­gyň ge­çi­ril­me­gi göz öňün­de tu­tul­ýar. Ga­zy gaý­ta­dan iş­le­mek pu­da­gyn­da in­no­wa­si­ýa teh­no­lo­gi­ýa­la­ry­ny or­naş­dyr­mak­da hal­ka­ra tej­ri­be­si­ne aý­ra­tyn üns ber­ler.
Türk­me­nis­tan ug­le­wo­do­rod se­riş­de­le­ri­niň ägirt uly gor­la­ry­na eýe bol­mak bi­len ener­gi­ýa se­riş­de­le­ri­ni di­wer­si­fi­ka­si­ýa ýo­ly bi­len dün­ýä ba­za­ry­na çy­kar­mak ug­ru­na yg­rar­ly bo­lup dur­ýar. Ýur­du­my­zyň çä­gin­dä­ki “Gal­ky­nyş” gaz kä­ni eýe­le­ýän go­ry bi­len ýur­du­my­zyň iri ener­gi­ýa döw­le­ti­di­gi­ni tas­syk­la­dy.
Mer­ke­zi Azi­ýa­nyň te­bi­gy ga­zy eks­port et­mek­de öň­de­ba­ry­jy döw­let­le­riň bi­ri bo­lan ýur­du­myz­da ener­gi­ýa se­riş­de­le­ri­niň önüm­çi­li­gi­ni has-da art­dyr­mak ug­run­da uly ta­gal­la edil­ýär. Türk­me­nis­tan te­bi­gy ga­zy eks­port et­mek bi­len çäk­len­män, eý­sem, te­bi­gy ga­zy se­na­gat önüm­çi­li­gin­de peý­da­la­nyp, eks­port ug­ru­na de­giş­li dür­li önüm­le­ri ön­dür­mä­ge-de uly äh­mi­ýet ber­ýär. Bu ugur­da iri tas­la­ma­lar dur­mu­şa ge­çi­ril­ýär. Ýa­po­ni­ýa­nyň, Ko­re­ýa­nyň, Tür­ki­ýä­niň we beý­le­ki döw­let­le­riň iri kom­pa­ni­ýa­la­ry­nyň gat­naş­ma­gyn­da esa­sy çig ma­ly te­bi­gy gaz bo­lan se­na­gat des­ga­la­ry­nyň en­çe­me­si­ni gur­mak ba­bat­da de­giş­li iş­ler ýo­la go­ýul­dy. Se­bit­de, ga­ly­ber­se-de, dün­ýä­de de­ňi-ta­ýy bol­ma­dyk tas­la­ma­la­ryň bir­nä­çe­si­niň gur­lu­şy­gy­na baş­lan­dy. Ola­ryň ha­ta­ryn­da Owa­dan­de­pe­dä­ki te­bi­gy gaz­dan ben­zin ön­dür­ýän des­ga­ny gör­kez­mek bo­lar. Bu des­ga­da ula­nyl­ýan tä­ze in­no­wa­si­on teh­no­lo­gi­ýa­la­ryň il­kin­ji­le­riň ha­ta­ryn­da bi­ziň ýur­du­myz­da işe gi­ri­zil­me­gi uly buý­san­dy­ry­jy wa­ka­dyr.
Mah­la­sy, ýur­du­myz­da dä­be öw­rü­len hal­ka­ra gaz kong­re­si soň­ky ýyl­lar­da yan­gyç-ener­ge­ti­ka pu­da­gyn­da ýo­ka­ry dep­gin­ler­de al­nyp ba­ryl­ýan hal­ka­ra hyz­mat­daş­ly­gy­nyň gel­jek­de-de has-da ös­dü­ril­me­gi­ne hem-de pug­ta­lan­ma­gy­na uly iter­gi be­rer.

Gyzykly bolup bilerЕЩЕ ОТ АВТОРА