Ber­ka­rar döw­le­ti­mi­ziň bag­ty­ýar­lyk döw­rün­de te­le­ke­çi­li­ge döw­let ta­ra­pyn­dan giň gol­daw ber­mek ýur­du­my­zy dur­muş-yk­dy­sa­dy taý­dan ös­dür­me­giň ile­ri tu­tul­ýan mö­hüm ugur­la­ry­nyň bi­ri­dir. Yk­dy­sa­dy­ýe­ti­mi­ziň pu­dak­la­ry­ny öň­de­ba­ry­jy teh­no­lo­gi­ýa­lar bi­len üp­jün et­mek, ýo­ka­ry hil­li, bäs­le­şi­ge ukyp­ly önüm­le­ri ön­dür­mek, ýur­du­myz­da azyk bol­çu­ly­gy­ny dö­ret­mek bo­ýun­ça öňü­miz­de go­ýan we­zi­pe­le­ri­mi­zi ama­la aşyr­mak­da hu­su­sy pu­da­ga uly orun de­giş­li­dir.
Ýur­du­my­zyň te­le­ke­çi­le­ri mil­li yk­dy­sa­dy­ýe­ti­mi­ziň dür­li ugur­la­ryn­da, şol san­da se­na­gat­da, oba ho­ja­ly­gyn­da, gur­lu­şyk­da, sy­ýa­hat­çy­lyk, söw­da we dur­muş hyz­ma­ty ul­gam­la­ryn­da, halk se­net­çi­li­gin­de hem-de beý­le­ki ugur­lar­da ukyp-ba­şar­nyk­la­ry­ny gör­kez­ýär­ler. Bu bol­sa, ýur­du­my­zyň yk­dy­sa­dy kuw­wa­ty­ny has-da pug­ta­lan­dyr­ma­ga uly ýar­dam ed­ýär. Türk­me­nis­ta­nyň hu­su­sy kär­ha­na­la­ry­nyň, te­le­ke­çi­le­ri­niň önüm­le­ri bu gün di­ňe bir içer­ki sarp edi­ji­le­ri­mi­ziň is­leg­le­ri­ni ka­na­gat­lan­dyr­mak bi­len çäk­len­män, eý­sem, da­şa­ry ýurt­la­ryň ba­zar­la­ryn­da hem bar­ha giň orun al­ýar.
Go­laý­da Aş­ga­bat şä­he­ri­niň Oguz han şa­ýo­lu­nyň ug­run­da “Audi”, “Toyo­ta”, “Volks­wa­gen” kom­pa­ni­ýa­la­ry­nyň Türk­me­nis­tan­da­ky res­mi wekili “Ga­ra­gum Ulag” ho­ja­lyk jem­gy­ýe­tin­de “Audi” ulag­la­ry­nyň tä­ze ser­gi za­ly açyl­dy. Tä­ze döw­re­bap des­ga­nyň açy­lyş da­ba­ra­syn­da çy­kyş eden­ler ýur­du­myz­da ki­çi we or­ta te­le­ke­çi­li­gi ös­dür­mek­de hor­mat­ly Pre­zi­den­ti­mi­ziň uly ta­gal­la ed­ýän­di­gi­ni aý­dyp, te­le­ke­çi­lik pu­da­gyn­da­ky dö­re­dil­ýän giň müm­kin­çi­lik­ler üçin Gah­ry­man Ar­ka­da­gy­my­za ho­şal­lyk bil­dir­di­ler. Da­ba­ra­nyň çäk­le­rin­de bu ýe­re ýyg­na­nan myh­man­la­ra dür­li so­wal­lar ber­lip, dog­ry jo­ga­by­ny bi­len­le­re sow­gat­lar gow­şu­ryl­dy. Da­ba­ra­nyň ahy­ryn­da ne­mes bren­di­niň iň soň­ky ulag­la­ry­nyň dür­li gör­nüş­le­ri bi­len ta­nyş­dy­ryl­dy. Dün­ýä­de yg­ty­bar­ly­ly­gy ba­bat­da köp ýyl­dan bä­ri yk­rar edi­len kom­pa­ni­ýa­nyň A5, A6, A7 we Q7 mo­del­le­ri­niň iň soň­ky gör­nüş­le­ri gör­ke­zil­di. Ýan­gy­jy tyg­şyt­la­ma­gy, daş­ky gur­şaw üçin zy­ýan­syz bol­ma­gy, yg­ty­bar­ly­ly­gy, giň aw­to­mat­laş­dy­ry­lan ul­ga­my­nyň bol­ma­gy bu bren­di beý­le­ki önüm ön­dü­ri­ji­ler­den ta­pa­wut­lan­dyr­ýar.
Ge­çen asy­ryň ba­şyn­dan bä­ri aw­tou­lag önüm­çi­li­gi bi­len meş­gul­lan­ýan kom­pa­ni­ýa “Volks­wa­gen” to­pa­ry­na de­giş­li­dir. Dür­li ýyl­lar­da beý­le­ki aw­tou­lag, mo­to­sikl we we­lo­si­ped ön­dü­ri­ji kom­pa­ni­ýa­lar bi­len hyz­mat­daş­lyk eden kom­pa­ni­ýa ge­çen asy­ryň ikin­ji ýa­ry­myn­dan soň­ra has kuw­wat­ly ulag­la­ry ön­dü­rip baş­la­ýar. Bren­diň kuw­wat­ly he­re­ket­len­di­ri­ji­li ulag­la­ry Hal­ka­ra aw­tou­lag ýa­ryş­la­ryn­da hem uly ab­raý­dan peý­da­lan­ýar. Kom­pa­ni­ýa­nyň ulag­la­ryn­da onuň şy­ga­ry bo­lan “Vorsp­rung durch Technik” (Teh­no­lo­gi­ýa ar­ka­ly ösüş) ýö­rel­ge­si­niň dur­mu­şa ge­çi­ri­len­di­gi­ne göz ýe­tir­ýär­siň. Hä­zir­ki wagt­da kom­pa­ni­ýa ki­çi we or­ta göw­rüm­li ulag­lar bi­len bir ha­tar­da su­per­kar­la­ry, ku­pe­le­ri, ýa­ryş aw­tou­lag­la­ry­ny, kab­rio­let­le­ri, maş­ga­la we sport ulag­la­ry­ny hem-de dür­li gör­nüş­li ka­şaň ulag­la­ry ön­dür­ýär.

Gyzykly bolup bilerЕЩЕ ОТ АВТОРА