Daş­ky gur­şa­wy go­ra­mak, te­bi­ga­ty aýaw­ly sak­la­mak dün­ýä ýurt­la­ry­nyň hem­me­si­niň üns mer­ke­zin­de dur­ýar. Bu ugur­da dür­li tas­la­ma­la­r dur­mu­şa ge­çir­il­ýär. Gol­lan­di­ýa­da “Recycled Is­land” gaz­na­sy go­laý­da tä­ze tas­la­ma­ny dur­mu­şa ge­çir­di. Rot­ter­dam şä­he­rin­dä­ki der­ýa we de­ňiz port­la­ryn­dan ýyg­na­lan plast­mas­sa zy­ňyn­dy­la­ryn­dan peý­da­la­nyp, su­wüs­ti se­ýil­gäh dö­re­dil­di. “Recycled Is­land” (gaý­ta­dan ula­ny­lan ada) at­ly bu eme­li ada al­ty­burç gur­luş­lar­dan ýa­sa­lyp­dyr. Daş-tö­we­re­gi­ne dür­li ösüm­lik­ler eki­len her bir bö­le­giň or­ta­sy­na adam­la­ryň dynç al­ma­gy üçin otur­gyç­lar ýer­leş­di­ri­lip­dir. Hü­när­men­ler tu­tuş­ly­gy­na öň ula­ny­lan plast­mas­sa­lar­dan ýa­sa­lan bölekleriň de­ňiz jan­dar­la­ry we guş­lar üçin hem peý­da­ly­dy­gy­na ün­si çek­ýär­ler. Mik­ro we mak­ro fau­na üçin peý­da­ly ada­jyk­lar guş­la­ryň, ba­lyk­gu­lak­la­ryň, mör-mö­jek­le­riň we beý­le­ki jan­dar­la­ryň ýa­şa­ma­gy, iý­mit­len­me­gi, kö­pel­me­gi üçin şert dö­re­der. Ke­nar­dan o di­ýen uzak­da bol­ma­dyk ýüz­ýän se­ýil­gäh su­wuň ýü­zün­de 140 ine­dör­dül met­ri eýe­le­ýär.
“Recycled Is­land” gaz­na­sy­nyň we­kil­le­ri akar su­wuň deň­ze guý­ýan ýer­le­rin­de üý­şüp du­ran zy­ňyn­dy­la­ry ýyg­nap, ola­ryň gaý­ta­dan çig mal hök­mün­de ula­nyl­ma­gy­ny ga­zan­ýar­lar. Gaz­na­nyň esas­lan­dy­ry­jy­sy Ra­mon Knoes­ter plast­mas­sa gap­la­ryň gaý­ta­dan ula­ny­lan ýag­da­ýyn­da yk­dy­sa­dy­ýe­te uly go­şant goş­jak­dy­gy­ny aýd­ýar. Olar akar suw­da­ky plast­mas­sa önüm­le­ri­ni ýyg­na­mak üçin ýö­ri­te tor ýa­sap­dyr­lar. 1,5 ýyl sy­nag­dan ge­çi­ri­len bu ab­zal go­wy ne­ti­je be­rip­dir. Rot­ter­da­myň ýer­li hä­ki­mi­ýe­ti bi­len bi­le­lik­de dur­mu­şa ge­çi­ri­len tas­la­ma­nyň çäk­le­rin­de şä­her­dä­ki por­tuň tö­we­re­gin­de daş­ky gur­şaw üçin äh­mi­ýet­li iş­ler edi­lip­dir.

Gyzykly bolup bilerЕЩЕ ОТ АВТОРА