ISPANIÝA. Is­pa­ni­ýa­nyň ku­bo­gy bo­lan “Copa del Rey”-iň bu möw­sü­mi “Bar­se­lo­na­nyň” ýeň­şi bi­len ta­mam­lan­dy. “La Li­ga­nyň” çem­pio­ny Mad­rid­dä­ki “Wi­sen­te Kal­de­ron” sta­dio­nyn­da oý­na­lan fi­nal­da Ýew­ro­pa li­ga­sy­nyň ýe­ňi­ji­si “Se­wil­ýa” bi­len du­şuş­dy. Oý­nuň esa­sy wag­tyn­da ha­sap açyl­ma­dy. Ýe­ňi­ji goş­ma­ça ber­len 30 mi­nut­da bel­li bol­dy. 97-nji mi­nut­da Hor­di Al­ba hem-de 120-nji mi­nut­da-da Neý­mar ta­pa­wut­la­nyp, “Bar­se­lo­na” ýe­ňiş ga­zan­dyr­dy. 2 go­luň pa­sy­ny-da Lio­nel Mes­si ber­di. Şeý­le-de dart­gyn­ly bo­lan oý­nuň do­wa­myn­da “Bar­se­lo­na­dan” 36-njy mi­nut­da Ha­wi­er Mas­ke­ra­no, “Se­wil­ýa­dan” we­lin, 90+2-nji mi­nut­da Ewer Ba­ne­ga hem-de 120-nji mi­nut­da-da Da­ni­el Kar­ri­ço gy­zyl pe­tek al­dy. Şeý­le­lik­de, “Bar­se­lo­na” 38-nji fi­na­lyn­da 28-nji Şa ku­bo­gy­ny ga­za­nyp, bu ba­bat­da ha­sam öňe saý­lan­dy.
* * *
ANGLIÝA. Ang­li­ýa­nyň FA Ku­bo­gy­ny “Man­çes­ter Ýu­naý­ted” eýe­le­di. Olar Lon­don­da­ky “Wemb­li” sta­dio­nyn­da­ky fi­nal­da “Kris­tal Pa­las” bi­len du­şu­şyp, gar­şy­da­şy­ny 2–1 ha­sa­byn­da ýeň­li­şe se­ze­war et­me­giň höt­de­sin­den gel­di. 1-nji ýa­rym­da ha­sap açyl­ma­dy. Du­şu­şy­gyň 78-nji mi­nu­tyn­da lon­don­ly­la­ryň oýun­çy­sy Jeý­son Pun­çe­on ha­sa­by aç­dy. Ýö­ne mu­ňa “man­ku­ni­an­la­ryň” jo­ga­by gi­jik­me­di. 81-nji mi­nut­da Hu­an Ma­ta ha­sa­by deň­le­di we esa­sy wagt 1–1 ha­sa­byn­da deň­lik­de ta­mam­lan­dy. 105-nji mi­nut­da Kris Smol­ling 2-nji sa­ry pe­te­gi­ni alyp, meý­dan­ça­dan çy­ka­ryl­dy. Em­ma ruh­dan düş­me­dik “ýu­naý­ted­li­ler” 110-njy mi­nut­da Lin­gar­dyň owa­dan go­ly bi­len öňe saý­lan­dy­lar. Bu du­şu­şyk­da­ky soň­ky gol bo­lup, “Man­çes­ter Ýu­naý­ted” 19-njy fi­na­lyn­da 12-nji sa­par ku­bo­gy ga­zan­dy. Şun­luk­da, “Man­çes­ter Ýu­naý­ted” bu ugur­da “Ar­se­nal” bi­len deň­leş­di.
* * *
GERMANIÝA. Ger­ma­ni­ýa­nyň ku­bok ýa­ry­şy­nyň (DFB-Pokal) fi­na­lyn­da “Ba­wa­ri­ýa” bi­len “Bo­rus­sia Dort­mund” to­par­la­ry du­şuş­dy. Ber­lin­dä­ki Olim­pi­ýa sta­dio­nyn­da bo­lan oý­nuň esa­sy we goş­ma­ça wagt­la­ryn­da ha­sap açyl­ma­dy. Oýun­dan soň­ky 11 metr­lik je­ri­me ur­gu­la­ry ar­ka­ly ýe­ňi­ji bel­li bol­dy. Bu ur­gu­lar­da 4–3 ha­sa­byn­da öňe saý­la­nan “Ba­wa­ri­ýa” 18-nji sa­par Ger­ma­ni­ýa­nyň ku­bo­gy­ny eýe­le­me­gi ba­şar­dy. “Bo­rus­sia Dort­mund” bol­sa, bas­syr 3-nji ýo­la fi­nal­dan boş gaýt­dy. Bu du­şu­şyk Pep Gu­ar­dio­la­nyň “Ba­wa­ri­ýa­nyň” tä­lim­çi­si hök­mün­de iň soň­ky oý­ny bo­lup, ol tä­ze möw­süm­den baş­lap “Man­çes­ter Si­tä” tä­lim be­rer. To­par onuň or­nu­na ita­li­ýa­ly Kar­lo An­çe­lot­ti­ni we­zi­pä bel­lär.
* * *
ITALIÝA. Ita­li­ýa­nyň ku­bo­gy­na (Cop­pa Ita­lia) “Se­ria A-nyň” çem­pi­on­ly­gy­ny-da ga­za­nan “Ýu­wen­tus” to­pa­ry my­na­syp bol­dy. Olar Rim­dä­ki fi­nal­da “Mi­lan” bi­len du­şuş­dy. Oý­nuň esa­sy wag­tyn­da ha­sap açyl­ma­dy. “Mi­la­nyň” şow­ly oýun gör­ke­zen du­şu­şy­gyn­da 108-nji mi­nut­da meý­dan­ça gi­ren Al­wa­ro Mo­ra­ta 2 mi­nut soň, ha­sa­by aç­dy. Bu gol “Ýu­wen­tu­sa” ýe­ňiş üçin ýe­ter­lik bol­dy. Bas­syr 2-nji ýo­la ýe­ňiş ga­za­nan “Ýu­wen­tus” 11-nji sa­par ku­bo­gy eýe­le­di. Bu ugur­da ep-es­li öň­de bar­ýan “Ýu­wen­tus” yz­ly-yzy­na 2 möw­süm­de hem çem­pi­on­ly­gy, hem-de ku­bo­gy alan il­kin­ji to­par bol­dy. 2003-nji ýyl­dan bä­ri ku­bo­gy alyp bil­me­ýän “Mi­lan” tä­ze möw­süm­de-de Ýe­wro­ku­bok­la­ra gat­naş­mak müm­kin­çi­li­gi­ni el­den gi­der­di.
* * *
FRANSIÝA. Fran­si­ýa­nyň ku­bo­gy­ny (Coupe de France) eýe­le­mek ug­run­da­ky du­şu­şy­gyň fi­na­ly örän çe­ke­le­şik­li geç­di. PSŽ bi­len “Mar­se­liň” ara­syn­da­ky bu oýun­da jan­kö­ýer­ler 6 go­luň şa­ýa­dy bol­du­lar. “Stad de Frans­” sta­dio­nyn­da­ky du­şu­şyk­da 4–2 (Blai­si 3, Ib­ra­hi­mo­wiç 47 p, 82, Ka­wa­ni 57 – Tau­win 12, Bat­şua­ýi 87) ha­sa­byn­da ýeň­şi­ni baý­ram eden PSŽ bas­syr 2-nji, umu­my­lyk­da 10-njy ge­zek ýur­duň ku­bo­gy­ny as­ma­na gö­te­rip, bu ugur­da “Mar­sel” bi­len deň­leş­di. “Mar­sel” we­lin, iň soň­ky sa­par 1989-njy ýyl­da ga­za­nan ku­bo­gy­ny ýe­ne-de alyp bil­me­di. PSŽ ge­çen ýy­lam 3 ku­bo­gy (“Li­gue 1”, Li­ga ku­bo­gy, Fran­si­ýa­nyň ku­bo­gy) eýe­läp­di.
* * *
ŞOTLANDIÝA. 4 ýyl­dan soň, ýo­ka­ry li­ga do­la­nan “Glaz­go Reýn­jers” to­pa­ry Şot­lan­di­ýa­nyň ku­bo­gy ýa­ry­şy­nyň fi­na­lyn­da 2-nji li­ga­nyň we­ki­li “Hi­ber­ni­an” bi­len du­şuş­dy. Diý­seň çe­ke­le­şik­li bo­lan oýun­da 90+2-nji mi­nut­da ge­çi­ri­len gol bi­len “Hi­ber­ni­an” ýeň­şi­ni baý­ram et­di (3–2; En­to­ni Sto­kes 3, 80, De­wid Greý 90+2 – Ken­ni Mil­ler 27, En­di Hal­li­deý 64). Şeý­le-de 114 ýyl­dan soň, 3-nji ge­zek ýur­duň ku­bo­gy­ny alan “Hi­ber­ni­an” pleý-off tap­gy­ryn­da “Fal­kirk­den” as­gyn ge­lip, bu ýy­lam ýo­ka­ry li­ga çy­kyp bil­me­di. Bu ýa­ryş­da iň soň­ky ge­zek 2009-njy ýyl­da ýe­ňi­ji bo­lan “Reýn­jers” je­mi 33 ku­bok bi­len “Sel­tik­den” (36) soň, 2-nji ha­tar­da bar­ýar.
* * *
PORTUGALIÝA. Por­tu­ga­li­ýa­nyň ku­bo­gy­ny fi­nal­da “Por­to­dan” üs­tün çy­kan “Bra­ga” eýe­le­me­gi ba­şar­dy. Lis­sa­bon­da oý­na­lan fi­na­lyň esa­sy wag­ty 2–2 ha­sa­byn­da deň­lik­de gu­tar­dy. “Bra­ga­nyň” gol­la­ry­ny Rui Fon­te (2) bi­len Jo­sue (58), “Por­to­nyň” pök­gü­le­ri­ni-de And­re Sil­wa (61, 90) der­we­zä gi­riz­di. Goş­ma­ça wagt­da ha­sap üýt­ge­me­di. Pe­nal­ti ur­gu­la­ry­ny has dürs (4–2) ýe­ri­ne ýe­ti­ren “Bra­ga” 50 ýyl­dan soň, 2-nji sa­par Por­tu­ga­li­ýa­nyň ku­bo­gy­nyň eýe­si bol­dy. Ge­çen ýyl fi­nal­da “Spor­ting­den” utu­lan “Bra­ga” mun­dan ozal, 1966-njy ýyl­da ku­bo­gy alyp­dy.
* * *
UKRAINA. Lwow­da oý­na­lan Uk­rai­na­nyň ku­bo­gy ýa­ry­şy­nyň fi­na­lyn­da “Şaht­ýor Do­nesk” bi­len “Zor­ýa Lu­gansk” to­par­la­ry du­şuş­dy. Çem­pio­nat­da­ky çem­pi­on­ly­gy “Di­na­mo Ki­ýe­we” al­dy­ran Mir­çea Lu­çes­ku­nyň şä­girt­le­ri gar­şy­da­şy­ny 2–0 ha­sa­byn­da ýeň­li­şe se­ze­war et­di. Do­nesk­li­le­riň 2 go­lu­ny-da 42-nji we 57-nji mi­nut­lar­da Olek­sandr Glad­kiý der­we­zä gi­riz­di. Bu üs­tün­lik “Şaht­ýo­ryň” ku­bok ýa­ry­şyn­da­ky 10-njy ýeň­şi­dir. Ga­ly­ber­se-de, bu oýun to­pa­ryň 12 ýyl­lyk tä­lim­çi­si Lu­çes­ku­nyň “Şaht­ýor­da­ky” iň soň­ky du­şu­şy­gy bol­dy.
* * *
TÜRKIÝE. Tür­ki­ýä­niň ku­bo­gy­nyň fi­na­ly Stam­bu­luň güýç­li 2 klu­by – “Ga­la­ta­sa­raý” bi­len “Fe­ner­bah­çä­niň” ara­syn­da oý­nal­dy. An­tal­ýa şä­he­rin­dä­ki aja­ýyp sta­di­on­da oý­na­lan fi­nal­da “Ga­la­ta­sa­raý” 1–0 ha­sa­byn­da ýeň­şi­ni baý­ram et­di. Ola­ra ýe­ňiş ge­ti­ren ýe­ke-täk go­ly 30-njy mi­nut­da ger­ma­ni­ýa­ly hü­jüm­çi Lu­kas Po­dols­ki der­we­zä gi­riz­di. “Ga­la­ta­sa­raý” ku­bok ýa­ry­şyn­da bas­syr 3-nji ge­zek ýe­ňiş ga­za­nyp, soň­ky 50 ýyl­da mu­ny ba­şa­ran il­kin­ji to­par bol­dy. Olar hä­zi­re çen­li 17-nji ge­zek Tür­ki­ýä­niň ku­bo­gy­ny eýe­läp, “Fe­ner­bah­çe” bi­len oý­nan 5-nji fi­na­lyn­da-da ýe­ňiş ga­zan­ma­gy ba­şar­dy.

Gyzykly bolup bilerЕЩЕ ОТ АВТОРА