Paýtagtymyz Aşgabatdaky Olimpiýa şäherjiginiň başa-baş söweş sungatlary toplumynda sambo boýunça Aziýanyň çempionaty geçirilýär. Çempionata 17 döwletden 400 töweregi türgen gatnaşýar. Halkara ýaryşyň ilkinji gününde türkmenistanly türgenler 23 medala — 9 altyn, 7 kümüş we 7 bürünç medala eýe boldular. Bu bolsa ildeşlerimiziň umumy toparlaýyn hasapda birinji orna ynamly çykmagyny üpjün etdi.
Türkmenistanyň milli ýygyndysynyň düzüminde Muhammet Kössekow, Sapa Sapaýew, Ahmet Taňryberdiýew, Çarymyrat Annagurbanow, Margarita Filippowa, Zöhre Mätreýimowa, Gülbahar Mätreýimowa, Dinara Jumadurdyýewa, hem-de Nilufar Muhiddinowa hormat münberiniň iň ýokary basgançagyna çykdylar.
Maksatjan Öwlüýägulyýew, Mergen Joraýew, Göwher Atdaýewa, Dinara Hallyýewa, Ogulgerek Nurmedowa, Farida Mämmedowa hem-de Mähriban Gurbanowa kümüş medala mynasyp boldular.
Alty Altyýew, Kuwwat Gurbanow, Nyýazmyrat Şahmyradow, Arslan Hojamämmedow, Begenç Annaýew, Kadyr Rejepgulyýew, Arslan Hojanyýazow bürünç medala eýe boldular.
(“www.ashgabat2017.gov.tm” saýtynyň esasynda taýýarlandy).
