“Panasonic” kompaniýasy çydamlylygy bilen tapawutlanýan iki sany täze telefonyny tanyşdyrdy. “Toughbook T1” atly smartfon ýeňil we ýukalygy bilen ünsi özüne çekýär. Ekranynyň ululygy 5 dýuýmlyk telefonyň agramy 230 gram, galyňlygy 13,1 mm. Smartfon urga we 1,5 metrden gaçanynda döwülmeýär. Kompaniýanyň 7 dýuýmlyk L1 planşetinde hem şeýle aýratynlyklar bar. Harby enjamlara berilýän MIL-STD-810G şahadatnamasy bolan enjamlar aşa yssy we sowuk howada, basyşyň pes ýerinde, Gün şöhlesiniň astynda, 0 derejeden sowukda işleýär. “Android 8.1 Oreo” amaly ulgamynda işleýän iki enjamda hem dört ýadroly “Snapdragon” mikroprosessor bar. Ekranynyň durulygy 1280×720 piksellik mobil enjamlaryň ýokary aýratynlyklary bar. Bahasy 1500 dollardan başlaýan enjamlar üçin 1 ýyllyk kepillik berilýär. Isleg bildirýänler üçin bu möhleti 3 ýyla çenli uzaldyp bolýar.
