Golaýda Mer­ke­zi Ga­ra­gu­muň jüm­mü­şin­dä­ki oba­la­ryň ýe­ne bi­rin­de – Ak bug­daý et­ra­by­nyň Ýer­bent oba­syn­da Azia­da 2017 my­na­sy­bet­li ge­çi­ril­ýän at­ly ýö­ri­şe gat­na­şy­jy­la­ry da­ba­ra­ly gar­şy­la­mak çä­re­si bol­dy. Giň çöl säh­ra­syn­da­ky da­ba­ra­nyň Türk­men ha­ly­sy­nyň baý­ra­my­na ga­bat gel­me­gi bu çä­rä aja­ýyp öwüş­gin ber­di. Da­ba­ra gat­naş­ma­ga ýa­şu­lu­lar, kü­müş saç­ly mäh­rem ene­ler, ýaş­lar, çe­per el­li ha­ly­çy ge­lin-gyz­lar, eda­ra-kär­ha­na­la­ryň zäh­met­keş­le­ri ýyg­nan­dy­lar.

Aý­dym-saz­la­ryň joş­gun­ly owaz­la­ry, şi­rin mu­kam­lary ir sä­her­den baý­ram­çy­lyk ly­ba­sy­ny geý­nen giň säh­ra­ny ala­ýa­za öwür­di.
Türk­me­nis­ta­nyň Döw­let baý­da­gy­ny, Azi­ýa­nyň Olim­pi­ýa Ge­ňe­şi­niň baý­da­gyny, Azi­ýa oýun­la­ry­nyň ala­wy­nyň ny­şa­ny­ny gö­te­rip, at­ly ýö­ri­şiň öňü­ni çe­kip gel­ýän at­ly ýi­git­ler bel­le­nen ýer­de türk­me­niň myh­man­sö­ýer­lik dä­bi­ne eýe­ri­lip, duz-çö­rek bi­len gar­şy­lan­dy. Sa­lam­la­şy­lyp, sag­lyk-aman­lyk so­ra­şy­lan­dan soň­ra, ýa­şu­ly nes­liň baş bol­ma­gyn­da at­ly ýö­ri­şe gat­na­şy­jy­lar ga­dy­my türk­men oba­sy­ny ala­mat­lan­dyr­ýan ýer­dä­ki to­ma­şa­la­ry syn­la­dy­lar. At­ly ýö­ri­şe gat­na­şy­jy­lar ol ýer­dä­ki to­ma­şa­la­ra çäk­siz gy­zyk­lan­ma bi­len syn et­di­ler.
Ozal ha­bar ber­li­şi ýa­ly, bu at­ly to­par Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­nyň baş­lan­ma­gy­na 500 gü­nüň gal­ma­gy my­na­sy­bet­li ga­dy­my Nu­saý ga­la­syn­dan ba­dal­ga alyp­dy. At­ly to­par ýö­ri­şi­ni do­wam et­dir­ýär.

Gyzykly bolup bilerЕЩЕ ОТ АВТОРА