Hor­mat­ly Pre­zi­den­ti­mi­ziň: “Hä­zir­ki dö­wür­de Aş­ga­bat dün­ýä­niň dur­nuk­ly ös­ýän şä­her­le­ri­niň bi­ri­ne öw­rül­di. Aş­ga­ba­dy ös­dür­me­giň we aba­dan­laş­dyr­ma­gyň baş me­ýil­na­ma­sy­na la­ýyk­lyk­da, ge­çen san­ly­ja ýyl­lar­da paý­tag­ty­myz bi­ziň gö­zü­mi­ziň al­nyn­da tä­sin hem-de owa­dan bi­na­la­ryň ha­tar­la­ry bi­len öz çäk­le­ri­ni has-da gi­ňelt­di. Şol be­lent yma­rat­lar baş şä­he­ri­mi­ziň gör­kü­ni has-da art­dyr­dy we türk­men paý­tag­ty ak mer­mer­li bi­na­la­ryň has köp jem­le­nen şä­he­ri hök­mün­de Gin­ne­siň re­kord­lar ki­ta­by­na gi­ri­zil­di” di­ýen söz­le­ri bi­ziň kal­by­my­zy buý­san­ja bes­le­ýär.
Aş­ga­ba­dyň ýer­leş­ýän ýe­ri­niň ga­dy­my Nu­sa­ýa go­laý­dy­gy­ny ýat­la­mak bi­len, bi­ziň aý­ra­tyn nyg­ta­mak is­le­ýän pi­ki­ri­miz bu ýer­le­riň yn­san ýa­şaý­şy hem baý ösüm­lik dün­ýä­si­niň pa­jar­lap ös­me­gi üçin ju­da amat­ly te­bi­gy şert­le­re eýe­di­gi­dir. Gadymy Nusaý topragynda en­da­my lo­wur­dap du­ran, toý­na­gy ýe­re deg­män ýer­läp uç­ýan ahal­te­ke be­dew­le­ri­niň ýe­tiş­di­ril­endigi mälimdir. Aş­ga­bat türk­men te­bi­ga­ty­nyň iň bir joş­gun­ly, iň bir ha­ýyr­ly kün­je­gin­de ýer­le­şip, bu ýer­de ösüm­lik­le­riň hem agaç­la­ryň ju­da köp gör­nü­şi­ni ös­dü­rip ýe­tiş­dir­mek müm­kin. Şo­nuň üçi­nem Aş­ga­ba­t di­ňe bir ak mer­mer­li şä­her bolman, eýsem, uzak ýyl­la­ryň do­wa­myn­da te­bi­gy taý­dan baý bio­dür­li land­şaf­ty sak­la­nyp gel­ýän şä­her­dir. Ber­ka­rar döw­le­ti­mi­ziň bag­ty­ýar­lyk döw­rün­de Gah­ry­man Ar­ka­da­gy­my­zyň ýur­du­my­zy eko­lo­gi­ýa taý­dan has-da baý­laş­dyr­mak ug­run­da alyp bar­ýan iş­le­ri­niň ne­ti­je­sin­de bol­sa, Aş­ga­bat we onuň daş-tö­we­re­gi iň bir jan­ly te­bi­gy gö­zel­lik­le­re eýe bo­lan ýe­re öw­rül­di.
Her ýyl ýur­du­myz­da, şol san­da Aş­ga­bat­da we onuň tö­we­rek­le­rin­de tä­ze agaç na­hal­la­ry­nyň müň­ler­çe düý­bi ekil­ýär. Na­hal­lar do­ly boý al­ýan­ça de­ger­li ide­gi ýe­ti­ril­ýär. Paý­tag­ty­my­zyň gü­nor­ta bö­le­gin­de, Kö­pet­da­gyň ete­gin­de köp ýyl­la­ryň do­wa­myn­da dö­re­di­len şu­nuň ýa­ly ýa­şyl zo­lak­la­ry syn­la­ma­ga göz ge­rek. Bahar ge­lip, dal-da­ragt­lar öz gö­zel keş­bi­ne eýe bo­lan­da Aş­ga­ba­dyň döw­re­bap keş­bin­de ak mer­mer bi­len ýa­şyl reňk­li ösüm­lik dün­ýä­si­niň öz­bo­luş­ly saz­la­şy­gy eme­le gel­ýär.
Gür ilat­ly şä­her­ler­de da­ragt­la­ryň we ýa­şyl zo­lak­la­ryň dö­re­dil­me­gi ze­rur­lyk­dyr. Çün­ki da­ragt­lar aý­dy­ly­şy ýa­ly, şä­her­le­riň “öý­ke­ni­dir”, ho­wa­ny kis­lo­rod bi­len baý­laş­dyr­ýan te­bi­gy se­riş­de­dir. Azi­ýa­nyň mer­je­ni ady­na my­na­syp bo­lan Aş­ga­bat­da döw­re­bap şä­her­gur­lu­şyk-binagärlik keşbine we land­şaft bio­dür­lü­li­gi­ne aý­ra­tyn orun be­ril­me­gi­niň çuň­ňur ma­ny­sy bar. Çün­ki te­bi­gy gö­zel­lik­ler haý­ran gal­dy­ry­jy ar­hi­tek­tu­ra­ny es­te­ti­ki taý­dan baý­laş­dyr­ýar we şä­he­riň ýa­şaý­jy­la­ry­nyň dem al­ýan ho­wa­sy­nyň aras­sa­ly­gy­na örän ýo­ka­ry tä­sir ed­ýär. Aş­ga­bat bu ba­bat­da iň baý şä­her­le­riň ha­ta­ryn­da bolup, eko­lo­gi­ýa taý­dan iň aras­sa, has dog­ru­sy, gö­rel­de alar­lyk şä­her­le­riň bi­ri­dir. Bu ha­ky­kat di­ňe bir Türk­me­nis­tan­da däl, eý­sem, dün­ýä ýü­zün­de hem aý­dyň­dyr.
Aş­ga­bat şä­he­ri­ni ös­dür­me­giň mak­sat­na­ma­sy­na la­ýyk­lyk­da, gu­rul­ýan her bir des­ga­nyň daş-tö­we­re­gi ýa­şyl zo­lak bi­len baý­laş­dy­ryl­ýar, agaç­la­ryň we gül­le­riň dür­li gör­nüş­le­ri bi­len be­zel­ýär. Paý­tag­ty­myz­da dö­re­dil­ýän toplumlarynda des­ga­la­ryň daş-tö­we­re­gi­ni ýa­şyl meý­dan­ça­la­ryň we dür­li da­ragt­la­ryň gur­şap al­ma­gy aý­ra­tyn üns mer­ke­zin­de sak­lan­ýar. Bu bol­sa, paý­tag­ty­my­zyň ho­wa­sy­nyň aras­sa bol­ma­gyn­da, gur­şa­wyň gö­zel­li­gi­ne, ýa­şaý­jy­la­ryň dynç al­şy­ny aras­sa ho­wa­da ge­çir­me­gi­ne şert dö­red­ýär.
Daş­ky gur­şa­wyň ta­la­bala­ýyk pä­ki­ze­li­gi, eko­lo­gi­ýa taý­dan aras­sa ho­wa­dan dem al­mak yn­san öm­rü­ni uzald­ýan şert­le­riň bi­ri bo­lup dur­ýar. Aş­ga­bat sö­züň do­ly ma­ny­syn­da dur­mu­şy­my­zy gö­zel­leş­dir­ýän, yn­san öm­rü­ni uzald­ýan aja­ýyp kün­jek­dir. Paý­tag­ty­my­zyň ýer­leş­ýän te­bi­gy gi­ňiş­li­gin­de hut şu­nuň ýa­ly üýt­ge­şik gud­rat bar. Hor­mat­ly Pre­zi­den­ti­mi­ziň ýo­ka­ry ta­lap­la­ry bi­len binagärlik, se­na­gat we dur­muş taý­dan giň müm­kin­çi­lik­le­riň dö­re­dil­me­gi bi­len bol­sa, Aş­ga­bat dün­ýä­niň iň bir aras­sa şä­her­le­ri­niň bi­ri­ne öw­rül­ýär.
Paý­tag­ty­my­zyň te­bi­gy taý­dan ju­da baý şä­her­di­gi­ne şa­ýat­lyk ed­ýän se­ýil­gäh­ler­dir se­ýil­bag­la­ryň en­çe­me­si bar. Ge­çen аsуryň baş­la­ryn­da dö­re­di­len Aş­ga­bat şä­he­ri­niň Bo­ta­ni­ka ba­gy şeý­le ýer­le­riň bi­ri­dir. Bu bag­da ösüm­lik­le­riň, agaç­la­ryň we gül­le­riň dür­li gör­nüş­le­ri ösdürilip ýetişdirilýär. Bu ba­ga paý­tag­ty­my­zyň ýa­şaý­jy­la­ry we myhmanlary ge­ze­len­je bar­ýar­lar. Mek­dep okuw­çy­la­ry üçin gu­ral­ýan öw­re­di­ji usul­ly ge­ze­lenç­ler bol­sa, has-da tä­sir­li bol­ýar.
Aş­ga­ba­dy şu­nuň ýa­ly iri se­ýil­gäh zo­lak­la­ry­nyň bir­nä­çe­si be­ze­ýär. Aş­ga­ba­dy ös­dür­me­giň baş me­ýil­na­ma­syn­da beý­le­ki des­ga­lar bi­len bi­le­lik­de se­ýil­gäh­le­ri, se­ýil bag­la­ry­ny ke­ma­la ge­tir­mek, ýa­şyl zo­lak­la­ry kö­pelt­mek ýa­ly iş­le­re aý­ra­tyn üns be­ril­ýär. Ber­ka­rar döw­le­ti­mi­ziň bag­ty­ýar­lyk döw­rün­de paý­tag­ty­myz­da döredilen “Aşgabat”, “Yl­ham”, “Ar­ka­dag” se­ýil­gäh­le­ri­ni mu­ňa my­sal ge­ti­rmek bo­lar. Bu se­ýil­gäh­ler­de hem Aş­ga­ba­dyň gö­zel ag­şam­la­ryn­da dynç al­ýan il­deş­le­ri­miz te­bi­ga­tyň gym­mat­ly peş­ge­şin­den paý­ly bol­ýar­lar.
Kö­pet­da­gyň ete­gin­de dö­re­di­len ýa­şyl zo­lak­la­ryň, müň­ler­çe düýp ar­ça na­hal­la­ry­nyň we “Sag­lyk ýo­lu­nyň” baş­lan­ýan ýer­le­rin­de ke­ma­la ge­ti­ri­len te­bi­gy gym­mat­lyk­la­ryň bel­li ba­ha­sy ýok­dur. Paý­tag­ty­my­zyň hä­zir­ki te­bi­gy gö­zel­lik­le­ri­ni ke­ma­la ge­tir­mek, ony ýyl­dan-ýyl­la­ra go­rap sak­la­mak we baý­laş­dyr­mak üçin um­ma­syz ta­gal­lalar edil­ýär.
Gah­ry­man Ar­ka­da­gy­my­zyň çuň­ňur paý­ha­sy bi­len dün­ýä ýü­zün­de iň aras­sa we te­bi­gy taý­dan gö­zel şä­her­le­riň ha­ta­ryn­da ta­nal­ýan Aş­ga­bat bag­ty­my­zyň göz­ba­şy­dyr. Ber­ka­rar döw­le­ti­mi­ziň bag­ty­ýar­lyk döw­rün­de il­deş­le­ri­mi­ziň bagt şä­he­ri­ni gur­ýan, gel­jek ne­sil­le­ri­mi­ziň bag­ty­ýar­ly­gy­na um­man gi­ňiş­li­gi­ni ba­gyş­la­ýan Gah­ry­man Ar­ka­da­gy­my­zyň jany sag, öm­ri uzak, be­lent ba­şy aman bol­sun!

Meý­lis NUR­SÄ­HE­DOW,
S. A. Ny­ýa­zow adyn­da­ky TO­HU-nyň mu­gal­ly­my.

Gyzykly bolup bilerЕЩЕ ОТ АВТОРА