Kanadanyň “Har­bo­ur Air” at­ly kom­pa­ni­ýa awiaf­lo­tun­da­ky äh­li uçar­la­ry­nyň he­re­ket­len­di­ri­ji­le­ri­ni elekt­rik ener­gi­ýa­sy bi­len iş­le­ýän mo­tor­lar bi­len üýt­get­mek ka­ra­ry­na gel­di. Dün­ýä­de de­ňiz uçar­la­ry bi­len iş­le­ýän iň iri kom­pa­ni­ýa­la­ry­ň bi­ri bo­lan “Har­bo­ur Air”-iň şeý­le ne­ti­jä gel­me­gi beý­le­ki kom­pa­ni­ýa­la­ryň hem elekt­rik ener­gi­ýa­ly uçar­la­ra geç­me­gi­ni hö­wes­len­di­rer. Kom­pa­ni­ýa­nyň “Hacil­land Beaver”, “Ot­ter”, “Twin Ot­ter” we “Cess­na Caravan” ýa­ly mo­del­le­re de­giş­li 41 uça­ry bar. Bu uçar­la­ra elekt­rik ener­gi­ýa­sy bi­len iş­le­ýän mo­tor­la­ryň otur­dyl­ma­gy ola­ryň ne­ti­je­li­li­gi­ni art­dy­rar hem-de teh­ni­ki ideg üçin edil­ýän çyk­da­jy­la­ry­ny azal­dar. Hä­zir­ki wagt­da kom­pa­ni­ýa Sietl, Wan­ku­wer we şol se­bit­ler­dä­ki beý­le­ki şä­her­le­riň ara­ly­gyn­da ýo­lag­çy gat­na­wy­ny ama­la aşyr­yp, her ýyl­da 500 müň ýo­lag­ça hyz­mat ed­ýär. Şe­re­ke­tiň esas­lan­dy­ry­jy­sy Greg Mak­Du­gall için­den ýan­ýan he­re­ket­len­di­ri­ji­le­ri mun­dan beý­läk ös­dür­me­giň ze­rur däl­di­gi­ni, gel­je­kde elekt­rik ener­gi­ýa­nyň has köp peý­da­la­nyl­jak­dy­gy­ny aýt­dy. Kom­pa­ni­ýa uçar­la­ry­ny döw­re­bap­laş­dyr­mak üçin “mag­niX” at­ly şe­re­ket bi­len hyz­mat­daş­lyk eder. “mag­niX” bu uçar­lar üçin kuw­wa­ty 750 at güý­jü­ne ba­ra­bar mo­tor­la­ry we ola­ry ener­gi­ýa bi­len bir sa­gat­ üp­jün et­jek ba­ta­re­ýa­la­ry ön­dür­er. “Har­bo­ur Air”-iň äh­li uçuş­la­ry­nyň 30 mi­nut­dan az bo­la­ndy­gy se­bäp­li bu he­re­ket­len­di­ri­ji­ler aň­ry­ýa­ny bi­len ýe­ter­lik. Şeý­le hem tä­ze mo­tor­la­ryň otur­dyl­ma­gy bi­len kö­ne­len uçar­lar has uzak wagt­lap peý­da­la­ny­lar. Uçar­la­ryň he­re­ket­len­di­ri­ji­le­ri­niň ada­ty ýan­gyç­ hem-de elekt­rik ener­gi­ýa­­sy bi­len iş­le­ýä­ni­niň ba­ha­sy­nyň ara­syn­da ta­pa­wut ýok. Üs­te­si­ne elekt­rik ener­gi­ýa­sy bi­len iş­le­ýän uçar­lar has az teh­ni­ki ideg ta­lap ed­ýär. Için­den ýan­ýan mo­tor­lar 2500-3000 sa­gat uçan­dan soň­ra gaý­ta­dan abat­lan­ma­ly bol­ýar.

Gyzykly bolup bilerЕЩЕ ОТ АВТОРА