Omanly ýazyjy zenan Jokha Alharthi 2019-njy ýylyň Halkara “Buker” baýragynyň eýesi boldy. Bu barada 21-nji maýda Londonyň “Roundhouse” konsert merkezinde geçirilen dabarada mälim edildi. Baýragyň emin agzalary Alharthiniň oman maşgalasynyň üç nesli barada gürrüň berýän “Asman jisimi” (Celestial Bodies) atly kitabyny saýladylar. Ýazyjy zenan abraýly baýrakdan başga-da, 50 müň funt sterling (63,6 müň dollar) möçberindäki baýraga eýe boldy.
Abraýly baýragy almaga geçen ýylyň ýeňijisi Olga Tokarçuk özüniň 2009-njy ýylda neşir etdiren “Drive Your Plow…” romany bilen gatnaşdy.
Nemes ýazyjy zenany Marion Poşmanyň “Sosna adasy” (The Pine Islands), kolumbiýaly Huan Gabriel Waskesiň “Harabanyň sudury” (The Shape of the Ruins), fransuz ýazyjy zenany Anni Ernonyň “Ýyllar” (The Years), Çiliniň çagalar ýazyjysy Aliýa Trabukko Zeranyň “Galdyrylan” (The Remainder) ýaly romanlary aprel aýynda neşir edilen gysga sanawa girdi.
Halkara “Buker” baýragy 2004-nji ýylda esaslandyryldy. Baýragyň puly 50 müň funt sterling bolup, awtor ony terjimeçisi bilen paýlaşmaly.
