Londonda “Buker” baýragynyň uzyn sanawy mälim edildi. Oňa Kanadadan, ABŞ-dan, Irlandiýadan, Beýik Britaniýadan, Meksikadan we Nigeriýadan 13 ýazyjynyň eseri girizildi. Olaryň arasynda, Margaret Etwud, Janet Uinterson ýaly belli ýazyjylar göze ilýär.
Dalaşgärleriň doly sanawy
şeýle tertipde berilýär:
Margaret Etwud “Wesýetler” (The Testaments), Kewin Barry “Tanjera çenli gijeki gämi” (Night Boat to Tangier), Oinkan Braýtweýt “Meniň uýam, ganhor” (My Sister, The Serial Killer), Lýusi Ellman “Nýuberiportuň ördekleri” (Ducks, Newburyport), Bernardin Ewaristo “Gyz, Aýal, Beýlekiler” (Girl, Woman, Other), Jon Lançester “Diwar” (The Wall), Debora Lewi “Ähli zady gören adam” (The Man Who Saw Everything), Waleriýa Luiselli “Ýitirilen çagalaryň arhiwi” (Lost Children Archive), Çigozi Obioma “Azlygyň Orkestry” (An Orchestra of Minorities), Maks Porter “Lenni” (Lanny), Elif Şafak “10 minut 38 sekunt bu täsin dünýäde” (10 Minutes 38 Seconds in This Strange World), Janet Uinterson “Frankisşteýn” (Frankissstein). Dalaşgärler 2018-nji ýylyň 1-nji oktýabryndan 2019-njy ýylyň 30-njy sentýabry aralygynda Beýik Britaniýada ýa-da Irlandiýada çap edilen we ediljek 151 eseriň içinden saýlanylandygy bellenilýär. Gysga sanaw 3-nji sentýabrda mälim edilip, oňa giriziljekleriň ählisi 2500 funt sterlinge we öz kitabynyň ýörite neşir edilmek hukugyna eýe bolarlar. 14-nji oktýabrda baýragyň ýeňijisi mälim edilip, 50 müň funt sterlinge we halkara ykraryýetine eýe bolar. Geçen ýyl “Buker” baýragynyň eýesi britan ýazyjy zenany Anna Berns bolupdy.
