Rus­si­ýa­nyň Mosk­wa we Kronş­tadt şä­her­le­rin­de sy­nag mak­sa­dy bi­len 5G inf­rast­ruk­tu­ra­sy­ dö­re­dil­di. Şu ýy­lyň iýu­nyn­da ge­çi­ri­len Sankt-Pe­ter­burg yk­dy­sa­dy fo­ru­myn­da Rus­si­ýa­nyň we Hy­ta­ýyň ýol­baş­çy­la­ry­nyň ara­syn­da bu ugurda yla­la­şyk ga­za­ny­lyp­dy. Hy­ta­ýyň “Hua­wei” kom­pa­ni­ýa­sy­nyň or­naş­dy­ran 5G to­ry Moskwanyň Ser­gi­ler Mer­ke­zini (WDNH) öz içi­ne al­ýar. 28GHz we 4.9GHz ýy­gy­lyk ara­lyk­la­ryn­da iş­le­ýän ul­gam “akyl­ly” şä­her teh­no­lo­gi­ýa­la­ry­ny bar­lap gör­mek üçin ula­ny­lar. Bu teh­no­lo­gi­ýa ila­ta be­ril­ýän hyz­ma­ty ýo­kar­lan­dyr­ma­ga we jem­gy­ýet­çi­lik gat­na­wy­ny go­wu­lan­dyr­ma­ga ýar­dam eder. “Hua­wei” kom­pa­ni­ýa­sy­nyň Rus­si­ýa­da­ky we­ki­li Žao Leý 5G-niň go­log­ra­fik te­le­fon gep­le­şi­gi ýa­ly kä­bir yl­my-fan­tas­ti­ki ki­no­lar­da­ky ga­bat gel­ýän hyz­mat­la­ry ýo­la goý­ma­ga hem müm­kin­çi­lik ber­jek­di­gi­ni aýd­ýar. Mosk­wa­nyň In­for­ma­si­on teh­no­lo­gi­ýa­la­ry bö­lü­mi­niň baş­ly­gy Ed­ward Li­sen­ko 5G-niň sü­rü­ji­siz ulag­lar bi­len gat­na­wy kä­mil­leş­dir­mä­ge ýar­dam et­jek­di­gi­ni bel­le­ýär.
Sankt-Pe­ter­bur­gyň go­la­ýyn­da­ky Kronş­tadt şä­he­rin­de dö­re­di­len 5G inf­rast­ruk­tu­ra­sy bol­sa, tu­tuş şä­he­ri öz içi­ne al­ýar. 5G aý­ra­tyn­ly­gy bo­lan smart­fon­la­ryň in­ter­net tiz­li­gi 1,2 Gbps-e
ba­ra­bar bol­ýar. Bu bol­sa “Full HD” du­ru­ly­gyn­da­ky bir fil­mi 1 mi­nut çe­me­si wagt­da gö­çü­rip al­ma­ga müm­kin­çi­lik ber­ýär. Ge­çen aýyň ba­şyn­da “Te­le2” ara­gat­na­şyk kom­pa­ni­ýa­sy Şwe­si­ýa­nyň “Ericsson” kom­pa­ni­ýa­sy bi­len Mosk­wa­nyň Twers­ka­ýa şa­ýo­lun­da­ 5G to­ru­ny dö­re­dip­di. Şu ýy­lyň iýun-iýul aý­la­ryn­da ýurt­da ge­çi­ri­len dün­ýä Ku­bo­gyn­da hem “Me­ga­Fon” kom­pa­ni­ýa­sy “No­kia”-nyň 5G en­jam­la­ryn­dan peý­da­la­nyp, VR ýaý­ly­my­ny hö­dür­läp­di. Hä­zir­ki wagt­da bu kom­pa­ni­ýa Rus­si­ýa­da 5G ül­ňü­le­ri­ni iş­läp taý­ýar­la­mak we dur­mu­şa ge­çir­mek üçin “Hua­wei” bi­len hyz­mat­daş­lyk ed­ýär.

Gyzykly bolup bilerЕЩЕ ОТ АВТОРА