Şu ýy­lyň Gon­kur baý­ra­gy­na 69 ýaş­ly fran­suz ýa­zy­jy­sy Žan-Pol Dýu­bua my­na­syp bol­dy. Ede­bi­ýat bo­ýun­ça be­ril­ýän bu ab­raý­ly baý­ra­ga “Hem­me adam­lar bir tüýs­li ýa­şa­ýar­lar” at­ly ro­ma­ny üçin eýe bol­dy. Ol bu ese­ri­ni soň­ky 30 ýy­lyň do­wa­myn­da ýa­zyp­dyr. 2004-nji ýyl­da Žan-Pol­ Dýu­bua­ “Fran­suz dur­mu­şy” at­ly ese­ri üçin ab­raý­ly “Fe­mi­na” baý­ra­ga my­na­syp bo­lup­dy.

Gon­kur baý­ra­gy fran­suz di­lin­de ýa­zy­lan iň go­wy ro­man­la­ra be­ril­ýär. Ol fran­suz ýa­zy­jy­la­ry – do­gan­lar Ed­mon de Gon­ku­ryň we Žýul de Gon­ku­ryň ady­ny gö­ter­ýär. Ed­mon de Gon­ku­ryň wes­ýet­na­ma­sy bi­len, 1900-nji ýyl­da do­gan­lar Gon­ku­ryň Aka­de­mi­ýa­sy dö­re­dil­ýär we 1903-nji ýyl­da il­kin­ji Gon­kur baý­ra­gy gow­şu­ryl­ýar. Baý­rak aka­de­mi­ýa­nyň 10 ag­za­sy­nyň ses ber­me­gi esa­syn­da, her ýyl Pa­ri­žiň “Drouant” res­to­ra­nyn­da gow­şu­ryl­ýar.

Gon­ku­ryň eýe­si­ne be­ril­ýän pul sy­la­gy sim­wo­li­ki hä­si­ýe­te eýe bo­lup, ba­ry-ýo­gy 10 ýew­ro­dan yba­rat­dyr. Bu baý­ra­ga my­na­syp bol­mak, uly ti­raž bi­len eser­le­ri­ňi çy­kar­ma­ga, köp­çü­lik­le­ýin ha­bar be­riş se­riş­de­le­rin­de ma­ha­ba­ty­ňy ýe­ti­rip, ki­ta­byň has köp sa­tyl­ma­gy­na ýar­dam ber­ýär. Gon­kur baý­ra­gy Aka­de­mi­ýa­nyň düz­gün­na­ma­sy­na gö­rä, “ýy­lyň dö­re­di­ji­lik­li açy­şy üçin” gow­şu­ryl­ýar. Ge­çen ýyl bu baý­ra­ga “Olar­dan soň­ky ça­ga­lar” ro­ma­ny­nyň aw­to­ry fran­suz ýa­zy­jy­sy Ni­kol­ýa Mat­ýe my­na­syp bo­lup­dy.

Gyzykly bolup bilerЕЩЕ ОТ АВТОРА