“Boeing” kompaniýasynyň “777X” modeliniň synag uçuşy geçirildi. Howa gämisi iki hereketlendirijili iň uly ýolagçy uçary hasaplanýar. Uzynlygy 77 metre barabar bolan uçar ilkinji synagynda 4 sagat uçdy. Geljek ýyl adaty gatnawlaryny amala aşyryp başlajak uçar, oňa çenli ýene-de birnäçe synagdan geçiriler. “Boeing” eýýäm bu uçardan 309 sanysyna sargyt kabul edipdir. Dünýäniň iri uçargurluşyk kompaniýasy bolan “Boeing”-iň täze howa gämisi 2013-nji ýylda öndürilen “Airbus A350” bilen bäsdeşlik eder. Uçaryň iki görnüşi bolup, biri 16 müň kilometrden uzak aralyga uçup 365 orunly, beýlekisi 14 müň kilometre golaý aralyga uçup, 414 orunly bolar.
