“Soyuz MS-16” atly kosmos gämisi bilen Gazagystanyň Baýkonur kosmodromyndan Halkara kosmos bekedine üç sany kosmonawt uçuryldy. Russiýadan Anatoliý Iwanişin, Iwan Wagner hem-de ABŞ-ly Kristofer Kassidi 6 sagatdan soňra Halkara kosmos bekedine barar. Kosmonawtlar öňümizdäki 6,5 aýyň dowamynda bekediň işleýşi we enjamlaşdyrylyşyna, dürli synag-tejribe işlerine gatnaşarlar. Ol ýerde iş alyp barýan Jessika Meýr, Endrýu Morgan hem-de Oleg Skripoçka 17-nji aprelde yzyna – Ýere dolanar. Adatça, Halkara kosmos bekedinde 6 ekipaž bolup, olaryň hersi 6 aý çemesi wagt ol ýerde bolup, dürli ylmy-barlaglara gatnaşýar.
