“Adam jemgyýetiň we döwletiň esasy gymmatlygydyr” diýen ýörelgeden ugur alýan hormatly Prezidentimiz ýurdumyzda şypahana-dynç alyş pudagynyň ösdürilmegine, dynç alyş, saglygy goraýyş we syýahatçylyk ulgamynyň netijeli häsiýete eýe bolmagyna möhüm ähmiýet berýär. Ýurdumyzyň özboluşly howa gurşawy şypahana hem-de dynç alyş düzümini ösdürmegiň möhüm şertini emele getirýär. Dürli tebigy aýratynlyklar döwletimiziň halkara derejesindäki dynç alyş ulgamyna öwrülmegine mümkinçilik döredýär.

Ýur­du­my­zyň äh­li kün­je­gin­de bol­şy ýa­ly, paý­tag­ty­myz Aş­ga­bat­da hem dynç alyş ul­ga­my­ny döw­re­bap de­re­je­de ös­dür­mä­ge uly äh­mi­ýet be­ril­ýär. Hor­mat­ly Prezidentimiziň pa­ra­sat­ly baş­tu­tan­ly­gyn­da Aş­ga­ba­dyň de­mir­ga­zyk bö­le­gin­dä­ki kö­lüň ke­na­ryn­da aja­ýyp hem-de döw­re­bap dynç alyş zo­la­gy ke­ma­la gel­ýär. Mil­li Li­de­ri­mi­ziň taý­syz ta­gal­la­sy bi­len bu ýer­de dynç alyş hyz­ma­ty­nyň ýo­ka­ry ül­ňü­le­ri­ne la­ýyk gel­ýän dü­zü­m dö­re­di­lip, il­kin­ji myh­man­la­ry ka­bul edip baş­la­dy.
Aş­ga­ba­dyň de­mir­ga­zyk kün­je­gin­de ýer­leş­ýän aja­ýyp kö­lüň keş­bi gys­ga wag­tyň için­de ta­nal­maz de­re­je­de öz­ger­di we tä­ze gör­nü­şe eýe bol­dy. Bu ýer­de paý­tag­ty­my­zyň ila­ty we onuň myh­man­la­ry üçin boş wagt­la­ry­ny gy­zyk­ly hem-de peý­da­ly ge­çir­mä­ge ni­ýet­le­nen oňyn müm­kin­çi­lik­ler dö­re­dil­di we dö­re­dil­ýär. Bu se­bit­de kot­tej­ler top­lu­myn­dan, dur­muş mak­sat­ly des­ga­lar­dan yba­rat bo­lan iri dynç alyş zo­la­gy­nyň dö­re­dil­me­gi kö­lüň ke­na­ryn­da iş­jeň dynç al­mak üçin öz­bo­luş­ly müm­kin­çi­lik­le­riň ge­ri­mi­ni has-da gi­ňel­der.
Mil­li Li­de­ri­miz ta­ra­pyn­dan bu kö­lüň “Al­tyn köl” diý­lip at­lan­dy­ryl­ma­gy jem­gy­ýe­tiň gym­mat­ly ha­zy­na­sy bo­lan adam­la­ryň sag­dyn hem-de bag­ty­ýar bol­ma­gy bi­len şert­le­nen­dir. Bu se­bit gys­ga wag­tyň için­de paý­tag­ty­my­zyň ýa­şaý­jy­la­ry­nyň hem-de onuň myh­man­la­ry­nyň iň bir ge­lim-gi­dim­li, söý­gü­li kün­je­gi­ne öw­rül­jek­di­gi ikuç­suz­dyr.
Bu dynç alyş zo­la­gyn­da kot­tej­le­riň, çaý­ha­na­la­ryň, söw­da mer­kez­le­ri­niň, ýaht-klu­bu­nyň, myh­man­ha­na­la­ryň, fit­nes zal­la­ry­nyň we ýa­pyk gör­nüş­li ho­wuz­la­ryň, res­to­ran­la­ryň, ça­ga­lar üçin oýun meý­dan­ça­la­ry­nyň, sport meý­dan­ça­la­ry­nyň, açyk aw­to­du­ral­ga­la­ryň, ak­wa­park­la­ryň, me­de­ni çä­re ge­çi­ril­ýän ýer­le­riň, we­lo­si­ped­le­riň kä­ren­de­si­ne be­ril­ýän no­ka­dyň we ulag sü­rül­ýän ýo­da­nyň, se­ýil­gäh­le­riň, sag­lyk öýü­niň, ke­nar­ýa­ka ga­ýyk du­ral­ga­sy­nyň, söw­da no­kat­la­ry­nyň gu­rul­ma­gy hem-de dö­re­dil­me­gi adam­la­ryň ra­hat dynç al­ma­gy­nyň üp­jün edil­me­gi­ne uly iter­gi be­rer.
Hä­zir­ki wagt­da bu ýer­de dynç al­mak üçin amat­ly bas­syr­ma­lar, göw­ne­jaý en­jam­laş­dy­ry­lan ça­ga­lar üçin oýun we sport meý­dan­ça­la­ry, fut­bol, wo­leý­bol we bas­ket­bol oý­na­mak üçin meý­dan­ça­lar ýer­leş­di­ri­lip­dir. Ça­ga­la­ryň dynç al­ma­gy üçin otag­la­ryň 10-sy, hyz­mat ed­ýän iş­gär­ler üçin ýa­şa­ýyş otag­la­ry, sag­lyk no­ka­dy we “Tiz luk­man­çy­ly­k kö­me­gi” üçin bas­syr­ma­lar göz öňün­de tu­tu­lyp­dyr. Su­wa düş­mek üçin ni­ýet­le­nen zo­la­gyň go­la­ýyn­da eşik çal­şy­ryl­ýan bi­na gur­na­lyp­dyr. To­mus­ky su­wa dü­şül­ýän möw­süm­de ha­las ediş no­ka­dy we howp­suz­lyk gö­zeg­çi­li­gi üçin iki sa­ny gö­zeg­çi­lik di­ňi, söw­da no­ka­dy, 160 ulag üçin aw­to­du­ral­ga bar.
Bu dynç alyş zo­la­gy to­mus­ky dynç alyş­da bol­ýan ça­ga­lar üçin gu­wan­dy­ry­jy wa­ka bol­dy. Ýaş türk­me­nis­tan­ly­la­ryň sag­dyn hem-de berk be­den­li, döw­re­bap de­re­je­de ösüp ýe­tiş­me­gi ug­run­da taý­syz ta­gal­la­lar ed­ýän hormatly Pre­zi­den­ti­mi­ziň baştutanlygynda ýur­du­my­zyň bag­ty­ýar ne­sil­le­ri­niň dynç al­ma­gy üçin äh­li müm­kin­çi­lik­ler dö­re­dil­ýär. Soň­ky ýyl­lar­da ýur­du­my­zyň dür­li kün­jek­le­rin­de dö­re­dil­ýän me­de­ni-dynç alyş mer­kez­le­rin­de, sport we sa­gal­dyş top­lum­la­ryn­da ösüp bar­ýan ýaş ne­sil­le­riň öz ukyp­la­ry­ny açyp gör­kez­me­gi üçin äh­li müm­kin­çi­lik­ler üp­jün edil­ýär. “Al­tyn kö­lüň” ke­na­ryn­da­ky dynç alyş zo­la­gy hem sag­dyn dur­muş ýö­rel­ge­le­ri­niň ke­ma­la gel­me­gi­ne ýar­dam be­rer.
Ki­çi we mek­dep ýaş­ly ça­ga­la­ryň, ýaş­la­ryň sag­dyn­ly­gy, işe ukyp­ly ila­tyň sag­ly­gy­nyň ber­ki­dil­me­gi we ýa­şu­ly adam­la­ryň sag­ly­gy­nyň go­ral­ma­gy hem-de or­ta­ça öm­rüň do­wam­ly­gy­nyň art­dy­ryl­ma­gy ýur­du­my­zyň şy­pa­ha­na-dynç alyş pu­da­gy­nyň öňün­de dur­ýan mö­hüm we­zi­pe­le­riň bi­ri bo­lup dur­ýar.
Hor­mat­ly Pre­zi­den­ti­mi­ziň baş­tu­tan­ly­gyn­da Ha­zar deň­zi­niň eko­lo­gi­ýa taý­dan aras­sa türk­men ke­na­ryn­da “Awa­za” mil­li sy­ýa­hat­çy­lyk zo­la­gy dö­re­dil­di, in­di bol­sa, paý­tag­ty­my­zyň go­la­ýyn­da ýer­leş­ýän “Al­tyn kö­lüň” ke­na­ryn­da dö­re­dil­ýän aja­ýyp dynç alyş mes­ge­ni türk­men top­ra­gy­nyň ha­ky­kat­dan-da, mel­hem­ler mes­ge­ni bo­lup, özün­de sag­ly­gy di­kelt­mek we ber­kit­mek üçin ägirt uly müm­kin­çi­lik­le­ri jem­le­ýän­di­gi­niň aý­dyň su­but­na­ma­sy­dyr.
Gel­jek­de ägirt uly kuw­wa­ta eýe bo­lan pu­dak hök­mün­de şy­pa­ha­na-dynç alyş ul­ga­my­nyň ös­dü­ril­me­gi­ne tä­ze­çe çe­me­leş­mek sag­ly­gy go­ra­ýyş ul­ga­my­nyň hem-de tu­tuş­ly­gy­na, mil­li yk­dy­sa­dy­ýe­ti­mi­ziň ösü­şi­niň kuw­wat­ly şer­ti­ne öw­rü­ler.

Je­ren MU­HAM­ME­DO­WA,
S. A. Ny­ýa­zow adyn­da­ky Türk­men oba ho­ja­lyk uni­wer­si­te­ti­niň mu­gal­ly­my.

Gyzykly bolup bilerЕЩЕ ОТ АВТОРА