Möw­sü­miň soň­ky “Uly tu­wul­ga” ten­nis ýa­ry­şy “Ame­ri­ka Açyk” ta­mam­lan­dy. Iki hep­de­läp do­wam eden ýa­ryş­da ze­nan­lar­dan ger­ma­ni­ýa­ly An­je­li­ka Ker­ber, er­kek­le­riň ara­syn­da-da şweý­sa­ri­ýa­ly Sta­nis­las Waw­rin­ka çem­pi­on bol­dy. Umu­my pul gaz­na­sy 46,3 mil­li­on dol­la­ra deň bo­lan bäs­le­şik­de, ýe­ňi­ji­le­riň her­si­ne aý­ra­tyn­lyk­da, 3,5 mil­li­on dol­lar­lyk pul sy­la­gy be­ril­di.
136-njy gezek geçirilen “Ame­ri­ka Açyk­da” ze­nan­la­ryň ara­syn­da­ky fi­nal­da ger­ma­ni­ýa­ly An­je­li­ka Ker­ber bi­len çe­hi­ýa­ly Ka­ro­li­na Plis­ko­wa du­şuş­dy. Nýu-Ýork­da­ky Ar­tur Eş adyn­da­ky ten­nis meý­dan­ça­syn­da oý­na­lan fi­nal 2 sa­gat 7 mi­nut­lap do­wam et­di. Oý­nuň 1-nji se­tin­de ger­ma­ni­ýa­ly Ker­ber 6–3 ha­sa­byn­da ýe­ňiş ga­zan­dy. Çe­ke­le­şik­li ge­çen 2-nji set­de Plis­ko­wa 6–4 ha­sa­byn­da üs­tün­li­ge eýe bo­lup, umu­my ha­sa­by deň­le­di. 3-nji set­de-de şol ha­sap gaý­ta­lan­dy. Ýö­ne bu sa­par Ker­ber öňe saý­la­nyp, “Ame­ri­ka Açyk­da­ky” il­kin­ji çem­pi­on­ly­gy­ny, kar­ýe­ra­syn­da­ky 2-nji “Uly tu­wul­ga­sy­ny” ga­zan­dy. 28 ýaş­ly ten­nis­çi şu ýy­lyň ba­şyn­da “Awst­ra­li­ýa Açyk­da” ýe­ňi­ji bo­lup­dy. Ker­ber 22 “Uly tu­wul­ga­sy” bo­lan Ştef­fi Graf­dan soň, “Ame­ri­ka Açyk­da” çem­pi­on­lyk ku­bo­gy­ny ga­za­nan 2-nji ne­mes ten­nis­çi di­ýen ady eýe­le­di. Bu ýeňiş onuň WTA-nyň ýa­ryş­la­ryn­daky 10-njy çem­pi­onlygydyr. Bu bäs­le­şik­den soň, An­je­li­ka Ker­ber umu­my sa­naw­da 1-nji bas­gan­çaga geç­di. Şun­luk­da, ol 186 hep­de­läp, bi­rin­ji­li­gi sak­lan Se­re­na Wil­li­am­syň or­nu­ny eýeledi. Il­kin­ji ge­zek “Uly tu­wul­ga­lar­da” fi­nal­da çy­kyş eden çe­hi­ýa­ly Ka­ro­li­na Plis­ko­wa ýa­rym fi­nal­da ame­ri­ka­ly Se­re­na Wil­li­am­sy ýe­ňip, onuň sa­naw­da 2-nji or­na düş­me­gi­ne se­bäp bo­lup­dy.
Er­kek­le­riň ara­syn­da­ky fi­nal­da ATP-niň 1-nji we 3-nji bel­gi­li ra­ket­ka­çy­la­ry – ser­bi­ýa­ly No­wak Jo­ko­wiç bi­len şweý­sa­ri­ýa­ly Sta­nis­las Waw­rin­ka du­şuş­dy. Fi­nal oý­ny 3 sa­gat 54 mi­nut­lap do­wam edip, 1-nji set­de soň­ky çem­pi­on Jo­ko­wiç 7–6 ha­sa­byn­da ýe­ňiş ga­zan­dy. Ýö­ne şon­dan soň, özü­ni dür­sän Waw­rin­ka 2-nji set­de 6–4, 3-nji set­de 7–5 hem-de 4-nji set­de 6–3 ha­sa­byn­da gar­şy­da­şyn­dan üs­tün çy­kyp, ta­ry­hy çem­pi­on­ly­ga eýe bol­dy. Bu ýe­ňiş 31 ýaş­ly Waw­rin­ka­nyň “Ame­ri­ka Açyk­da­ky” il­kin­ji, umu­my­lyk­da­ky 3-nji “Uly tu­wul­ga” ku­bo­gy­dyr. Ol 2014-nji ýyl­da “Awst­ra­li­ýa Açyk­da” hem-de 2015-nji ýyl­da “Fran­si­ýa Açyk­da” çem­pi­on­lyk ga­za­nyp­dy. Ga­ly­ber­se-de, Waw­rin­ka 1970-nji ýyl­dan bä­ri “Ame­ri­ka Açyk­da” ýe­ňi­ji bo­lan iň ýa­şu­ly ten­nis­çi bol­dy. Şol ýyl­da awst­ra­li­ýa­ly Ken Ro­uz­woll “Ame­ri­ka Açyk­da” çem­pi­on bo­lan­da 35 ýa­şyn­da­dy.
13-nji “Uly tu­wul­ga” ku­bo­gy­ny in­di­ki bäs­le­şik­le­re goý­ma­ly bo­lan fi­nal­çy No­wak Jo­ko­wiç bu ýa­ryş­dan soň, yg­lan edi­len tä­ze sa­naw­da bi­rin­ji­li­gi­ni sak­la­ma­gy ba­şar­dy. 2014-nji ýy­lyň iýu­lyn­dan bä­ri or­nu­ny go­rap gel­ýän Jo­ko­wi­çiň 14 müň 40 utu­gy bar. En­di Mýur­reý 2-nji, “Ame­ri­ka Açy­gyň” çem­pio­ny Stan Waw­rin­ka-da 3-nji orun­da bar­ýar.

Gyzykly bolup bilerЕЩЕ ОТ АВТОРА