Soň­ky dö­wür­de dün­ýä­niň dür­li se­bit­le­rin­de kom­pa­ni­ýa­la­ryň ara­syn­da öza­ra ge­le­şik­le­riň bag­la­şyl­ýan­dy­gy ba­ra­da­ky ha­bar­la­ra köp duş ge­lin­ýär. Halk ho­ja­ly­gy­nyň dür­li ugur­la­ryn­da iş­le­ýän iri kom­pa­ni­ýa­lar ge­ri­mi­ni gi­ňel­dip, öz ug­run­da iş­le­ýän şe­re­ket­le­ri sa­tyn al­ýar.

“Luft­han­sa” ge­ri­mi­ni gi­ňeld­ýär

Ger­ma­ni­ýa­nyň “Luft­han­sa” awia­kom­pa­ni­ýa­sy müş­de­ri­le­ri­ne ed­ýän hyz­mat­la­ry­nyň hi­li­ni has-da go­wu­lan­dyr­mak hem-de ama­la aşyr­ýan uçar gat­naw­la­ry­nyň ge­ri­mi­ni gi­ňelt­mek mak­sa­dy bi­len “Brus­sels Air­li­nes” şe­re­ke­ti­ni sa­tyn al­ma­gy göz öňün­de tut­ýar.
“Luft­han­sa”-nyň ýol­baş­çy­la­ry awia­kom­pa­ni­ýa­ny sa­tyn al­mak bo­ýun­ça gep­le­şik­le­ri çalt­lan­dyr­ma­gy me­ýil­leş­dir­ýär. 2009-njy ýyl­dan bä­ri “Brus­sels Air­li­nes” kom­pa­ni­ýa­sy­nyň gym­mat­ly ka­gyz­la­ry­nyň 45 gö­te­ri­mi “Luft­han­sa” de­giş­li­dir. Ger­ma­ni­ýa­ly hyz­mat­daş­lar ka­gyz­la­ryň ga­lan 55 gö­te­ri­mi­ni hem sa­tyn al­mak­çy. Soň­ky mag­lu­mat­la­ra gö­rä, ge­le­şi­giň ba­ha­sy 140 mil­li­on ýew­ro möç­be­rin­de bo­lar.

“Deutsche Post” “Uk Ma­il”-i sa­tyn al­ýar

“Deutsche Post DHL Group” Be­ýik Bri­ta­ni­ýa­nyň “UK Ma­il Group” kom­pa­ni­ýa­sy­ny sa­tyn al­mak ba­bat­da yla­laş­dy. Mu­nuň üçin 242,7 mil­li­on funt ster­ling, yag­ny, 315,5 mil­li­on dol­lar möç­be­rin­dä­ki ge­le­şi­ge gol çe­ki­ler. Ger­ma­ni­ýa­nyň, ga­ly­ber­se-de, Ýew­ro­pa­nyň iri poç­ta kom­pa­ni­ýa­sy ha­sap­lan­ýan “Deutsche Post” bu ge­le­şik­den soň­ra Be­ýik Bri­ta­ni­ýa­nyň ba­za­ryn­da­ky or­nu­ny has-da güýç­len­di­rer.
– Tä­ze ge­le­şik­den soň­ra biz ge­ri­mi­mi­zi has-da gi­ňel­de­ris. Ýew­ro­pa­nyň 3 sa­ny iri ba­za­ryn­da – Ger­ma­ni­ýa­da, Be­ýik Bri­ta­ni­ýa­da hem-de Fran­si­ýa­da ba­zar pa­ýy­myz ar­tar. Bu ýurt­lar Ýew­ro­pa se­bi­tin­dä­ki on­laýn ul­ga­myn­da­ky söw­da­nyň 60 gö­te­ri­mi­ni eýe­le­ýär – di­ýip, “Deutsche Post” kom­pa­ni­ýa­sy­nyň we­ki­li Ýur­gen Ger­des gür­rüň ber­ýär.
“Do­lan­dyr­jy­lar ge­ňe­şi “UK Ma­il” kom­pa­ni­ýa­sy üçin bu ge­le­şi­giň oňat ne­ti­je­ler ber­jek­di­gi­ne ynan­ýar. Ger­ma­ni­ýa­nyň poç­ta kom­pa­ni­ýa­sy­nyň müm­kin­çi­lik­le­rin­den peý­da­la­nyp, has köp müş­de­rä hat äki­dip be­re­ris” – di­ýip, “UK Ma­il” kom­pa­ni­ýa­nyň baş­ly­gy Pi­ter Keýn ha­bar ber­ýär.

“Twit­ter” sa­tu­wa çy­ka­ry­lar

In­ter­net ul­ga­myn­da adam­la­ryň öza­ra ha­bar­laş­ýan por­ta­ly “Twit­ter”-iň sa­tu­wa çy­ka­ryl­jak­dy­gy mä­lim edil­di. Onuň ba­ha­sy­nyň 16 mil­liard dol­lar­dan gow­rak bol­jak­dy­gy aý­dyl­ýar. Bu ba­ra­da “Bloom­berg” ha­bar­lar gul­lu­gy ha­bar ber­ýär.
Met­bu­gat­da­ky ha­bar­la­ra gö­rä, “Twit­ter Inc” kom­pa­ni­ýa­sy bu ugur­da bir­nä­çe teh­no­lo­gi­ýa şe­re­ket­le­ri bi­len gep­le­şik­le­ri ge­çir­ýän­di­gi mä­lim edil­di. Gys­ga wagt­da res­mi tek­li­biň gel­me­gi­ne ga­ra­şyl­ýar. Sa­tyn al­ma­ga is­leg bil­dir­ýän kom­pa­ni­ýa­la­ryň ara­syn­da “Go­og­le” hem-de “Sa­les­force.com” ýa­ly iri teh­no­lo­gi­ýa şe­re­ket­le­ri hem bar. Olar 16 mil­liard dol­lar tö­läp, bu kom­pa­ni­ýa­nyň gym­matba­ha­ly ka­gyz­la­ry­ny sa­tyn al­ma­gy göz öňün­de tut­ýar­lar.
Ýö­ne, ha­ky­kat­da­nam, “Twit­ter” kom­pa­ni­ýa­sy­na res­mi tek­lip ge­lip go­wuş­ma­dy. Şo­nuň üçin bu ugur­da de­giş­li iş­le­ri ge­çir­mek üçin “Gold­man Sachs и Al­len & Co.” fir­ma­sy bi­len yla­laş­dy.
ABŞ-nyň “Twit­ter Inc” kom­pa­ni­ýa­sy 2006-njy ýyl­da dö­re­dil­di. Kom­pa­ni­ýa­nyň ama­la aşyr­ýan esa­sy işi – ony ula­ny­jy­la­ryň ara­syn­da­ky ha­bar­laş­ma­gy üp­jün et­mek­den yba­rat. Onuň mer­ke­zi bi­na­sy Ka­li­for­ni­ýa şta­ty­nyň San-Fran­sis­ko şä­he­rin­de ýer­leş­ýär.

Gyzykly bolup bilerЕЩЕ ОТ АВТОРА