Hor­mat­ly Pre­zi­den­ti­mi­ziň taý­syz ta­gal­la­ry bi­len gü­neş­li Di­ýa­ry­myz özü­niň ösüş ýo­lun­da uly üs­tün­lik­le­re hem-de ösüş­le­re eýe bol­ýar. Ber­ka­rar döw­le­ti­mi­ziň ber­ka­rar­lyk döw­rün­de mil­li Li­de­ri­mi­ziň pa­ra­sat­ly ýol­baş­çy­ly­gyn­da ata-ba­ba­la­ry­myz­dan ga­lan mil­li yn­san­per­wer­lik däp­le­re eýe­rip, äh­li uruş­lar­da we­pat bo­lan wa­tan ger­çek­le­ri­ni as­la unut­ma­ýar hem-de ola­ry her ýyl ýat­lap geç­ýär.
Geç­en ýyl­lar­da bol­şy ýa­ly, şu ýyl hem 6-njy okt­ýabr – Ha­ty­ra gü­nün­de ýur­du­my­zyň äh­li ýe­rin­de Döw­let baý­dak­la­ry aşak dü­şü­ril­di, wa­tan ger­çek­le­rini hor­mat­lap, di­kel­di­len ýa­dy­gär­lik­ler top­lum­la­ry­na gül des­se­le­ri go­ýul­dy, sa­da­ka­lar be­ril­di we aýat-do­ga­lar okal­dy.
Türk­me­nis­tan­da äh­li uruş­la­ryň sö­weş meý­dan­la­ryn­da we­pat bo­lan­la­ryň, şeý­le hem 1948-nji ýy­lyň Aş­ga­bat ýer­tit­re­me­sin­de şe­hit bo­lan­la­ryň ýat­la­ma gü­ni – Ha­ty­ra gü­ni my­na­sy­bet­li paý­tag­ty­myz Aş­ga­bat­da­ky “Halk ha­ky­da­sy” ýa­dy­gär­lik­ler top­lu­myn­da ge­çi­ri­len gül goý­mak çä­re­si­ne hor­mat­ly Pre­zi­den­ti­miz hem gat­naş­dy.
68 ýyl mun­dan ozal, te­bi­gy he­läk­çi­lik türk­men hal­ky­na uly ýit­gi ge­tir­di, ýüz­ler­çe müň ada­myň ömür ta­na­py­ny üz­di. Te­bi­gy bet­bagt­çy­lyk birsa­ly­myň için­de owa­dan we gül­läp ös­ýän şä­he­ri hem-de onuň ete­gin­dä­ki oba­la­ry weý­ran et­di. Bu pa­jy­ga­ly wa­ka ba­ra­da­ky ýat­la­ma­lar he­ni­ze çen­li türk­me­nis­tan­ly­la­ryň ýü­rek­le­rin­de ýa­şa­ýar.
6-njy okt­ýabr gü­nü­niň ir sä­he­rin­de aş­ga­bat­ly­la­ryň we myh­man­la­ryň müň­ler­çe­si paý­tag­ty­my­zyň gü­nor­ta-gün­ba­tar bö­le­gin­de ýer­le­şen hem-de gaý­duw­syz gah­ry­man­la­ra çuň­ňur sar­pa­nyň, türk­men hal­ky­nyň özü­niň be­ýik geç­mi­şi­ne hor­ma­ty­nyň ägirt uly ny­şa­ny bo­lan “Halk ha­ky­da­sy” ýa­dy­gär­lik­ler top­lu­my­na gel­di­ler.
Da­ba­ra gat­na­şan mil­li Li­de­ri­miz Türk­me­nis­ta­nyň Döw­let se­na­sy ýe­ri­ne ýe­ti­ri­len­den soň­ra adam­zat ta­ry­hyn­da iň weý­ran­çy­lyk­ly te­bi­gy bet­bagt­çy­lyk­la­ryň bi­ri bo­lan 1948-nji ýy­lyň Aş­ga­bat ýer­tit­re­me­sin­de gur­ban bo­lan­la­ryň äh­li­si­ni ha­ty­ra­la­mak üçin “Ru­hy tag­zym” ýa­dy­gär­li­gi­ne gül des­se­le­ri­ni go­ýup, çuň­ňur ma­ta­myň ny­şa­ny hök­mün­de baş eg­di. Döw­let Baş­tu­ta­ny­myz bu se­nä aý­ra­tyn duý­gy bi­len ga­ra­ýar. Çün­ki şol pa­jy­ga­ly gi­je­de te­bi­gy he­läk­çi­lik hor­mat­ly Pre­zi­den­ti­mi­ziň ata­sy – 1941-1945-nji ýyl­la­ryň ur­şu­nyň ga­zap­ly sö­weş­le­ri­ne gat­na­şan, il­ha­lar yn­san, mu­gal­lym we tu­tuş öm­rü­ni asyl­ly işe – ýaş­la­ry ter­bi­ýe­le­mä­ge ba­gyş­lan Ber­di­mu­ham­met An­na­ýe­wiň ömür ta­na­py­ny üz­di.
Soň­ra döw­let Baş­tu­ta­ny­myz türk­men top­ra­gy­nyň eder­men ogul­la­ry­nyň öç­me­jek halk ha­ky­da­sy­nyň ny­şa­ny­na öw­rü­len “Mil­le­tiň ogul­la­ry” ýa­dy­gär­li­gi­niň ete­gi­ne aja­ýyp gül çe­me­ni­ni goý­dy. Türk­men jem­gy­ýe­ti­niň mi­ze­mez ýö­rel­ge­le­ri­niň bi­ri-de mil­li gah­ry­man­la­ry­nyň ha­ty­ra­sy­ny he­mi­şe sak­la­mak bi­len bag­la­ny­şyk­ly­dyr. Ola­ryň ha­ta­ryn­da Gök­de­pe ga­la­sy­ny go­raý­jy­lar we adam­zat ta­ry­hy­n­da iň aýyl­ganç he­läk­çi­lik bo­lan 1941-1945-nji ýyl­la­ryň ur­şu­nyň sö­weş­le­ri­ne gat­na­şy­jy­lar bar.
Şeý­le hem hor­mat­ly Pre­zi­den­ti­miz fa­şiz­me gar­şy sö­weş­ler­de we­pat bo­lan türk­me­nis­tan­ly es­ger­le­riň we mäh­ri­ban Wa­ta­ny­my­zyň azat­ly­gy ug­run­da­ky sö­weş­ler­de baş go­ýan gah­ry­man­la­ryň hor­ma­ty­na bi­na edi­len “Ba­ky şöh­rat” ýa­dy­gär­li­gi­ne gül çe­me­ni­ni goý­dy.
Döw­let Baş­tu­ta­ny­my­zyň yz­ýa­ny ýa­dy­gär­lik­le­re Mej­li­siň ýol­baş­çy­la­ry, Mi­nistr­ler Ka­bi­ne­ti­niň Baş­ly­gy­nyň orun­ba­sar­la­ry, we­la­ýat­la­ryň hem-de Aş­ga­bat şä­he­ri­niň hä­kim­le­ri, har­by we hu­kuk go­raý­jy eda­ra­la­ryň, mi­nistr­lik­le­riň hem-de pu­dak eda­ra­la­ry­nyň, Türk­me­nis­tan­da iş­le­ýän dip­lo­ma­tik we­kil­ha­na­la­ryň ýol­baş­çy­la­ry, jem­gy­ýet­çi­lik gu­ra­ma­la­ry­nyň, da­şa­ry ýurt kom­pa­ni­ýa­la­ry­nyň we­kil­le­ri, hor­mat­ly ýa­şu­lu­lar we ýaş­lar, türk­men paý­tag­ty­nyň ýa­şaý­jy­la­ry hem-de myh­man­la­ry gül des­se­le­ri­ni goý­du­lar.
Ýa­dy­gär­lik­le­re gül goý­mak çä­re­si ta­mam­la­nan­dan soň, hor­mat­ly Pre­zi­den­ti­miz we bu ýe­re ýyg­na­nan­lar sa­da­ka ber­mek üçin ni­ýet­le­nen ýö­ri­te ýe­re bar­dy­lar. Döw­let Baş­tu­ta­ny­myz bu ýe­re ýyg­na­nan­la­ra ýüz­le­nip, her ýyl şu gün Türk­me­nis­tan­da Ha­ty­ra gü­nü­niň bel­le­nil­ýän­di­gi­ni aýt­dy. Bi­ziň bor­ju­myz te­bi­gy he­läk­çi­lik­de şe­hit bo­lan­la­ry, duş­man­la­ra gar­şy gö­reş­de gaý­duw­syz­lyk, es­ger­lik bor­ju­na, eziz Wa­ta­ny­my­za we­pa­ly­lyk gör­ke­zen­le­ri he­mi­şe ýa­dy­myz­da sak­la­ma­ly­dy­rys di­ýip, döw­let Baş­tu­ta­ny­myz aýt­dy.
Döw­let Baş­tu­ta­ny­my­zyň bel­leý­şi ýa­ly, ýur­du­myz­da mäh­ri­ban hal­ky­my­zyň däp-des­sur­la­ry­ny aýaw­ly sak­la­ma­ga aý­ra­tyn üns be­ril­ýär. Ga­dym­dan gel­ýän ýö­rel­gä eýe­rip, Ha­ty­ra gü­ni my­na­sy­bet­li ýur­du­my­zyň äh­li ýer­le­rin­de sa­da­ka be­ril­ýär, ýag­şy umyt bi­len do­ga-di­leg­ler edil­ýär. “Ber­len sa­da­ka­lar Be­ýik Bi­ri­ba­ryň der­gä­hin­de ka­bul bol­sun!” di­ýip, mil­li Li­de­ri­miz aýt­dy.
Soň­ra hor­mat­ly Pre­zi­den­ti­miz ýur­du­my­zyň müf­tü­si­ne söz ber­di, ol te­bä­rek çyk­dy, şon­dan soň­ra na­har çe­kil­di. Na­har­dan soň, öten-ge­çen­le­riň ru­hu­nyň şat bol­ma­gy di­leg edi­lip, aýat-tö­wir okal­dy. Bu gün ha­ty­ra çä­re­le­ri we sa­da­ka­lar paý­tag­ty­myz­da hem-de Türk­me­nis­ta­nyň äh­li we­la­ýat­la­ryn­da ge­çi­ril­di.
Goý, Be­ýik Bi­ri­bar şu gün oka­lan äh­li aýat-do­ga­la­ry öz der­gä­hin­de ka­bul et­sin! Goý, türk­men top­ra­gyn­da asu­da­lyk we ag­zy­bir­lik, aba­dan­çy­lyk we ro­waç­lyk hö­küm sür­sün! Be­ren sa­da­ka­la­ry­ňyz ka­bul bol­sun!

Gyzykly bolup bilerЕЩЕ ОТ АВТОРА