Futbol boýunça Türk­me­nis­tanyň kubogyny almak ug­run­daky ýaryşyň finalynda “Altyn asyr” bilen “Aşgabat” toparlary duşuşdy. Da­şoguz şäherindäki stadionda oý­nalan fi­nalda halkara derejeli emin Ça­rymyrat Gur­banow jürlewük çaldy. Du­şuşyga aragatnaşykçylar erjel baş­la­dy. Olar 1-nji ýarymda birnäçe hü­jüm amala aşyr­dylar. Şolaryň birinde, has takygy 33-nji minutda Murat Ýakşiýew hasaby açdy. Oýnuň 1-nji ýa­ry­my 1–0 ha­sabynda “Altyn asyryň” üstünligi bilen ta­mam­landy. 2-nji ýarymda “Aşgabat” topary-da hasaby deň­lemek üçin alada baryny etdi.

Ýö­ne olar to­py der­we­zä dürs urup bil­me­di­ler. Du­şu­şy­gyň soň­ky 15 mi­nu­tyn­da “Al­tyn asyr” ýe­ne-de 3 pök­gi ge­çir­di. 76-njy mi­nut­da Ak­my­rat Ju­ma­na­za­row ha­sa­by 2–0-a ýe­tir­di. Şon­dan 6 mi­nut soň, 1-nji go­luň aw­to­ry Mu­rat Ýak­şi­ýew özü­niň 2-nji, to­pa­ry­nyň 3-nji to­pu­ny der­we­zä ýol­la­dy. 85-nji mi­nut­da-da ez­ber hü­jüm­çi Sü­leý­man Mu­ha­dow oý­na soň­ky no­ka­dy goý­dy. Şeý­le­lik­de, “Al­tyn asyr” to­pa­ry “Aş­ga­bat” klu­bu­ny 4–0 ha­sa­byn­da utup, 23-nji ge­zek gu­ra­lan ku­bok ýa­ry­şy­nyň ýe­ňi­ji­si bol­dy. Ýe­ri ge­len­de aýt­sak, Türk­me­nis­ta­nyň ku­bo­gy ýa­ry­şy­nyň 1993-nji ýyl­da oý­na­lan il­kin­ji fi­na­lyn­da-da şeý­le ne­ti­je ha­sa­ba al­nyp, şon­da “Kö­pet­dag” “Mer­wi” 4–0 ha­sa­by bi­len ýe­ňip­di. Bas­syr 2-nji, umu­my­lyk­da 3-nji sa­par ku­bo­gy alan “Al­tyn asyr” ge­çen 2015-nji ýyl­da “Şa­ga­dam­dan”, 2009-njy ýyl­da-da “Merw­den” üs­tün çy­kyp­dy. Olar 2 ge­ze­gem, 2010-njy ýyl­da “Bal­kan­dan”, 2013-nji ýyl­da-da “Ahal­dan” utul­dy­lar.
“Al­tyn asyr” to­pa­ry ýur­du­my­zyň ku­bo­gy­ny iň köp eýe­län klub­la­ryň sa­na­wyn­da 3-nji or­na geç­di. Bu ugur­da paý­tag­ty­my­zyň “Kö­pet­da­gy” 1-nji orun­da bar­ýar. Olar 6 ge­zek Türk­me­nis­ta­nyň ku­bo­gy­na my­na­syp bol­du­lar. “Kö­pet­dag” to­pa­ry 3 ge­ze­gem fi­nal­da gar­şy­daş­la­ryn­dan as­gyn gel­di. 2-nji bas­gan­çak­da “Bal­kan” bo­lup, ýur­du­my­zyň gün­ba­tar we­la­ýa­ty­nyň we­ki­li 4 sa­par ku­bo­gy as­ma­na gö­te­rip, şon­ça ge­ze­gem fi­nal­da ýeň­li­şe se­ze­war bol­du­lar.
Bir hep­de­de iki ýe­ňiş
Ku­bok ýa­ry­şy­nyň fi­na­lyn­dan san­ly­ja gün soň, “Al­tyn asyr” 24-nji Mil­li çem­pio­na­ty­myz­da-da wag­tyn­dan öň no­bat­da­ky çem­pi­on­ly­gy­ny yg­lan et­di. Olar 31-nji tap­gy­ryň çäk­le­rin­de myh­man­çy­lyk­da “Şa­ga­dam” bi­len du­şuş­dy. Eý­ýäm 8-nji mi­nut­da ýer eýe­le­ri tej­ri­be­li hü­jüm­çi Mäm­me­da­ly Ka­ra­da­no­wyň go­ly bi­len öňe saý­lan­dy. Ýö­ne 39-njy mi­nut­da Sü­leý­man Mu­ha­dow ha­sa­by deň­le­di. 56-njy mi­nut­da-da Be­genç An­na­gur­ba­now ýe­ňiş pök­gü­si­ni öz ady­na ýaz­dyr­dy. Ga­za­ny­lan bu 3 utuk “Al­tyn asyr” to­pa­ry­ny möw­sü­miň ta­mam­lan­ma­gy­na 5 tap­gyr ga­lan­da, bas­syr 3-nji çem­pi­on­ly­gy­na ýe­tir­di. Şeý­le­lik­de, “Al­tyn asyr” 2014-nji we 2015-nji ýyl­lar­dan soň, 2016-njy ýyl­da-da ýur­du­my­zyň çem­pi­on­ly­gy­na my­na­syp bol­dy. “Al­tyn asyr” to­pa­ry fut­bol bo­ýun­ça Türk­me­nis­ta­nyň Mil­li çem­pio­na­tyn­da bas­syr 3 çem­pi­on­lyk ga­za­nan 3-nji klub bo­lup, on­dan öň “Kö­pet­dag” hem-de “Bal­kan” to­par­la­ry şeý­le ba­şar­nyk gör­ke­zip­di­ler. Şeý­le hem bu to­par hem ku­bo­gy, hem-de çem­pi­on­ly­gy 1 möw­süm­de eý­ýäm 2-nji sa­par eýe­le­ýär. “Al­tyn asyr” klu­by 31-nji tap­gy­ryň du­şu­şy­gyn­dan öň 19-njy tap­gyr­dan gal­dy­ry­lan oýun­da “Kö­pet­dag­dan” 5–0 (Ba­tyr­gy­lyç Ber­di­ýew 22, 64, Al­ty­my­rat An­na­dur­dy­ýew 73, Yh­las Mag­ty­mow 75, Sü­leý­man Mu­ha­dow 86) ha­sa­byn­da üs­tün çy­kyp­dy.
31-nji tap­gyr­da “Bal­kan” to­pa­ry myh­man­çy­lyk­da “Aş­ga­bat” bi­len du­şuş­dy. Çe­ke­le­şik­li ge­çen oýun 2–2 ha­sa­byn­da deň­lik­de ta­mam­lan­dy. Il­kin­ji ýa­rym sa­gat­da ýer eýe­le­ri 2 pök­gi ge­çir­di (Di­dar Dur­dy­ýew 4, Mer­dan Gur­ba­now 31). 2-nji ýa­rym­da özü­ni dür­sän bal­ka­na­bat­ly­lar 55-nji mi­nut­da Azat Ga­ra­ja­ýe­wiň, 90-njy mi­nut­da-da Me­kan Sa­pa­ro­wyň gol­la­ry bi­len ha­sa­by deň­le­di. 3-nji­lik ýa­ry­şyn­dan az-ow­lak yza ga­lan “Ahal” to­pa­ry öz meý­dan­ça­syn­da “Tu­ra­ny” ka­bul et­di. Ýer eýe­le­ri­niň ar­tyk­maç­ly­gyn­da ge­çen du­şu­şyk 3–0 ha­sa­byn­da “Aha­lyň” peý­da­sy­na gu­tar­dy. Gol­la­ry Wa­hyt Oraz­sä­he­dow, Hem­ra Aman­mäm­me­dow hem-de Pir­my­rat Sul­ta­now to­ra gi­riz­di. “Merw” bi­len “Kö­pet­da­gyň” ara­syn­da­ky oýun­da myh­man­lar 3–1 ha­sa­byn­da ýe­ňiş ga­zan­dy. Du­şu­şyk­da ýer eýe­le­rin­den Il­ýa Ta­mur­kin, myh­man­lar­dan Il­ýa Şa­low, Ýaz­gy­lyç Gur­ba­now hem-de Ke­rim Ho­ja­ber­di­ýew ta­pa­wut­lan­dy.
Iň köp pök­gi ge­çi­ren­le­riň sa­na­wyn­da “Al­tyn asyr­dan” Sü­leý­man Mu­ha­dow 26 gol bi­len 1-nji ha­tar­da bar­ýar. To­pa­ryň baş­ga bir hü­jüm­çi­si Mu­rat Ýak­şi­ýew 18 pök­gi ge­çi­rip, 2-nji or­ny eýe­le­ýär.
31-nji tap­gy­ryň ne­ti­je­le­ri: “Aş­ga­bat”–“Bal­kan”: 2–2 (Di­dar Dur­dy­ýew, Mer­dan Gur­ba­now — Azat Ga­ra­ja­ýew, Me­kan Sa­pa­row), “Ahal”–“Tu­ran”: 3–0 (Wa­hyt Oraz­sä­he­dow, Hem­ra Aman­mäm­me­dow, Pir­my­rat Sul­ta­now), “Merw”–“Kö­pet­dag”: 1–3 (Il­ýa Ta­mur­kin — Il­ýa Şa­low, Ýaz­gy­lyç Gur­ba­now, Ke­rim Ho­ja­ber­di­ýew), “Şa­ga­dam”–“Al­tyn asyr”: 1–2 (Mäm­me­da­ly Ka­ra­da­now – Sü­leý­man Mu­ha­dow, Be­genç An­na­gur­ba­now), “Ýe­di­gen”–“Ener­ge­tik”: – – +.

Gyzykly bolup bilerЕЩЕ ОТ АВТОРА