Entomologiýa ugrundan tanymal amerikan hünärmeni Larri Merdýuk, ýaşynyň soňunda öz arhiwlerini dörüp otyrka, olaryň arasyndan batgalykda ýaşaýan kebelekler baradaky kitabyň üstünden barýar. Professor geň galyp, bu neşiriň özüne nädip düşenligi bilen gyzyklanyp başlaýar, hernä bagtyna huşy oňa ikilik etmändir. Goja alyma wyždany ezýet berip başlaýar, görüp otursa, ol bu kitaby ABŞ-nyň Indiana ştatyndaky kitaphanalaryň birinden ýetginjeklik ýyllary alyp, soňra ony yzyna gaýtarmagy unudan eken.
Munuň üstesine-de, bu kitap, köp babatda onuň gelejekki ykbalyny kesgitläp, hünär saýlamaga ýardam beren eken. Merdýuk öz huşsuzlygyna geň galyp, şu ylmy ýoldan ýöremeli gelejekki nesillere päsgel berendigine juda gynanypdyr. Professor aýgytly ädim ädip, bu ýazygy üçin jemagatyň öňünde boýun almaly we batgalykda ýaşaýan kebelekler baradaky kitaby kitaphananyň gaznasyna gaýtaryp bermeli diýen karara gelipdir. Professoryň ötünji kabul edilipdir, ýöne bu ony şeýle ýagdaýda düzgünleşdirilen jerimeden halas etmändir. Ol üstünden 60 ýyl geçenligi üçin 450 dollar möçberinde jerime tölemeli bolupdyr. Merdýuk bu puly töläpdir, kitaphana bolsa, bu pullary öz edarasynyň tehniki üpjünçiligine gönükdiripdir.
