23-nji de­kabr­da ýur­du­my­zyň Baş ar­ça­sy dür­li öwüş­gin­li yşyk­la­ra bes­len­di. Tä­ze ýyl ar­ça­sy­nyň yşyk­la­ry­nyň ýa­kyl­ma­gy­na ba­gyş­la­nan da­ba­ra “Älem” me­de­ni-dynç alyş mer­ke­zin­de ge­çi­ril­di. Bu mer­ke­ziň meý­dan­çasyn­da 39 metr­lik ar­ça baý­ram­çy­lyk ähe­ňin­de be­ze­lip­dir. Da­ba­ra Aýaz­ba­ba we Gar­pa­myk, meş­hur est­ra­da aý­dym­çy­la­ry, teatr iş­gär­le­ri we ýaş ar­tist­ler gat­naş­dy­lar. Ola­ryň ara­syn­da “Şat­lyk”, “Ak­pa­myk”, “Ru­hu­be­lent ça­ga­lar”, “Gy­zyl gyz­ja­gaz”, Joş­gun” we beý­le­ki bel­li ça­ga­lar tans to­par­la­ry, Alp Ars­lan adyn­da­ky mil­li dra­ma teat­ry­nyň hem-de Türkmen döw­let gur­jak teat­ry­nyň ar­tist­le­ri, Türk­men döw­let sir­ki­niň şa­dy­ýan ýo­mak­çy­la­ry hem-de hok­ga­baz­la­ry, Türk­men döw­let me­de­ni­ýet ins­ti­tu­ty­nyň sirk to­pa­ry­nyň çak­gan ak­ro­bat­la­ry bar.
Ýa­şa­jyk türk­me­nis­tan­ly­la­ryň hem-de tä­ze ýy­lyň öňü­sy­ra­syn­da ge­çi­ri­len bu da­ba­ra gat­na­şy­jy­la­ryň hem­me­si­niň adyn­dan Aýaz­ba­ba bi­len Gar­pa­myk hor­mat­ly Pre­zi­den­ti­mi­ze hem-de äh­li türk­men hal­ky­na bagt we sag­lyk, mäh­ri­ban Wa­ta­ny­my­zyň aba­dan­çy­ly­gy­nyň we gül­läp ös­me­gi­niň bäh­bi­di­ne üs­tün­lik­le­ri ar­zuw edip, ýe­tip ge­len 2017-nji – Tä­ze ýyl bi­len gut­lag­la­ry­ny ýol­la­dy­lar.
Ça­ga­la­ryň ar­zu­wy hem-de Aýaz­ba­ba­nyň ja­dy­ly ta­ýa­jy­gy bi­len yşa­rat et­me­gi bo­ýun­ça Tä­ze ýy­lyň aja­ýyp ar­ça­sy­nyň yşyk­la­ry­nyň lo­wur­dap ýan­ma­gy tä­ze ýyl şü­we­le­ňi­niň iň bir gy­zyk­ly pur­sa­dy bol­dy. Şol gün tä­sin Tä­ze ýyl çy­kyş­la­ry ge­çi­ril­ýän, aý­dym aý­dy­lyp, goş­gy okal­ýan, bag­ty­ýar ça­ga­la­ryň gol tu­tu­şyp da­şyn­dan aý­lan­ýan, ýur­du­my­zyň äh­li oba-şä­her­le­ri­niň baş meý­dan­ça­la­ryn­da goý­lan Tä­ze ýyl ar­ça­la­ry­nyň hem­me­si­niň tä­sin yşyk­la­ry ýal­pyl­dap ýan­dy.
Da­ba­ra baş­la­maz­dan ozal, Tä­ze ýyl ker­we­ni be­dew­le­re at­la­nan ji­git­le­riň ug­rat­ma­gyn­da Aş­ga­bat bo­ýun­ça ge­ze­lenç et­di. Aýaz­ba­ba ýur­du­my­zyň baş ar­ça­sy­na öz ýo­lu­ny Le­bap we­la­ýa­ty­nyň Köý­ten­dag et­ra­byn­da­ky Aý­ry­ba­ba dag be­lent­li­gin­den baş­la­dy. Ýur­du­my­zyň Baş ar­ça­sy­nyň ýa­nyn­da­ky il­kin­ji da­ba­ra ça­ga­lar ho­ru­nyň, bel­li est­ra­da aý­dym­çy­la­ry­nyň ýe­ri­ne ýe­tir­me­gin­de Tä­ze ýy­la ba­gyş­la­nan şa­dy­ýan aý­dym-saz­ly kon­sert bi­len jem­len­di.

Gyzykly bolup bilerЕЩЕ ОТ АВТОРА