24-nji dekabrda paýtagtymyzyň Mas­­lahat köşgünde “Ýy­lyň parlak ýyldyzy -2016” atly döredijilik bäs­leşiginiň jemleýji tap­­gyry geçirildi, on­da aýdymçylaryň bäs­le­şiginiň jemleri jem­le­nil­­di we ýeňijileriň atlary yglan edildi. Bu ýere belli estrada aýdymçylary, saz ussatlary, medeniýet iş­gär­­leri, kompozitorlar we şahyrlar, şeýle hem öňki ýyllarda geçirilen bäsleşikleriň ýe­ňi­­jileri ýygnandylar. Bäsleşigiň şertleri boýunça ola­ryň sesleri öňki tomaşaçylaryň seslerine goşulýar we “Ýy­lyň parlak ýyldyzy” diýen adyň eýesini kes­git­leýär.
Tomaşaçylar ýüzleri belgili ýörite kartoçkalar ar­kaly ses berdiler, netijede alyp baryjylar bäsleşigiň jem­­lerini yglan etdiler. Şeýlelikde, bäsleşigiň baş baý­­ragynyň eýesi diýlip Züleýha Kakaýewa yglan edil­di. Ol jemleýji ga­la-konsertinde “Çal, sazanda” di­­ýen aýdymy bilen to­maşaçylary özüne bendi etdi. Oňa “Ýylyň parlak ýyl­dyzy” göçme Kubogy we hö­wes­len­di­riji baýrak gow­şu­ryldy. Ikinji we üçünji orunlary de­gişlilikde Leýli Ök­di­ro­wa we Merdan Nurgylyjow eýelediler.

Gyzykly bolup bilerЕЩЕ ОТ АВТОРА