38-nji Dakar Rallisi tamamlandy

Dün­ýä­niň iň kyn­çy­lyk­ly spor­ty ha­sap­lan­ýan Da­kar Ral­li­si­niň 38-nji­si ta­mam­lan­dy. 9-njy ýo­la Gü­nor­ta Ame­ri­ka yk­ly­myn­da ge­çi­ri­len ýa­ryş 12 gün­läp do­wam et­di. 12 tap­gy­ryň 2-si ho­wa şert­le­ri­niň oňaý­syz­ly­gy we te­bi­gy ha­dy­sa­lar se­bäp­li ge­çi­ril­me­di. Pa­rag­wa­ýyň mer­ke­zi Asun­si­on­dan bat alan ýa­ryş Bo­li­wi­ýa­nyň top­rak­la­ryn­dan ge­çip, Ar­gen­ti­na­nyň paý­tag­ty Bue­nos Aý­res­de ta­mam­lan­dy. Umu­mu­lyk­da, gat­na­şan 300-den gow­rak sü­rü­ji 8782 ki­lo­metr­lik ýol geç­di­ler. Çöl­lük, bat­ga­lyk, ba­ýyr­lyk ýer­ler­de ge­çi­ri­len ýa­ryş­da bu ýyl il­kin­ji ge­zek UTV ulag­la­ry­nyň sü­rü­ji­le­ri-de bäs­leş­di­ler.

13-nji çem­pi­on­ly­gy­ny ga­zan­dy
Soň­ky tap­gy­ra çen­li örän dart­gyn­ly do­wam eden ýe­ňil aw­tou­lag­la­ryň ara­syn­da­ky ýa­ryş­da ýe­ne-de ge­çen ýyl­ky ýa­ly fran­si­ýa­ly Ste­fan Pe­ter­han­sel ýe­ňi­ji bol­dy. “Pe­žo” to­pa­ry­nyň we­ki­li Da­kar Ral­li­sin­dä­ki 13-nji çem­pi­on­ly­gy­ny ga­zan­dy. Ol partn­ýo­ry Žan-Pol Kott­re bi­len bi­le­lik­de, WRC-niň 9 ge­zek ýe­ňi­ji­si fran­si­ýa­ly Se­bas­ti­en Lýob – pol­şa­ly Da­ni­el Ýe­le­na (“Pe­žo”) iki­sin­den öňe saý­lan­ma­gy ba­şar­dy. Soň­ky 3 tap­gyr­da has ti­je­nen Pe­ter­han­sel güýç­li bäs­de­şin­den 5,13 mi­nut öň pel­le­ha­na­dan geç­di. Bu ugur­da 3-nji ýe­ri-de Da­kar Ral­li­si­niň tej­ri­be­li pi­lot­la­ryn­dan, fran­si­ýa­ly Si­ril Dep­re (“Pe­žo”) eýe­le­di. 51 ýa­şyn­da­ky Ste­fan Pe­terha­n­sel mun­dan öňem Da­kar Ral­li­siniň ýe­ňil aw­tou­lag­lar ug­ry bo­ýun­ça 7 (“Mit­su­bi­şi” – 2004, 2005, 2007; “Mi­ni” – 2012, 2013; “Pe­žo” – 2016, 2017) mo­to­sikl­de-de 6 (“Ýa­ma­ha” – 1991, 1992, 1993, 1995, 1997, 1998) ge­zek çem­pi­on bo­lup­dy.
Mo­to­sikl sü­rü­ji­le­rin­den Be­ýik bri­ta­ni­ýa­ly Sem San­der­lend (KTM) ahy­ry ar­zu­wy­na ýet­di. 2012-nji ýyl­dan bä­ri gat­na­şyp gel­ýän sü­rü­ji 5-nji tap­gyr­dan soň li­der­li­ge geç­di. Ne­ti­je­de, ol hem­me­den öňe saý­la­nyp, 32 mi­nut­lyk ara­ta­pa­wut bi­len ýe­ňi­ji bol­ma­gy ba­şar­dy. KTM to­pa­ry­nyň sü­rü­ji­le­rin­den awst­ri­ýa­ly Mat­ti­as Wolk­ner 2-nji, is­pa­ni­ýa­ly Že­rar Far­res 3-nji or­ny eýe­le­di.

Ýe­ne-de “Ka­maz”
Ýük ulag­la­ry diý­len­de, Da­kar Ral­li­sin­de il­ki-il­ki­ler “Mer­se­des-Benz”, “Per­li­ni” we “Tat­ra” to­par­la­ry ýe­ňi­ji bol­ýar­dy. Ýö­ne 2000-nji ýyl­dan bä­ri Rus­si­ýa­nyň “Ka­ma­zy­na” taý ta­py­lmaýar. Il­kin­ji çem­pi­on­ly­gy­ny 1996-njy ýyl­da ga­za­nan “Ka­maz” 2000-nji ýyl­dan bä­ri ge­çi­ri­len 17 bäs­le­şik­de 13 sa­par 1-nji ýe­ri eýe­le­di. Di­ňe 4 ge­zek beý­le­ki to­par­la­ryň we­kil­le­ri “Iwe­ko” (2), MAN we “Tat­ra” ýe­ňiş ga­zan­dy. Bu ge­zekki bäs­le­şik­de-de “Ka­maz” toparyndan Eduard Ni­ko­la­ýew we ýol­daş­la­ry ýo­ka­ry ne­ti­je gör­kez­di. 2013-nji ýyl­da-da çem­pi­on­lyk ga­za­nan Eduard Ni­ko­la­ýew we ýol­daş­la­ry­nyň gör­ke­zen ne­ti­je­si 27 sa­gat 58 mi­nut 24 se­kun­da deň bol­dy. 2-nji or­ny “Ka­ma­zyň” baş­ga bir sü­rü­ji­le­ri – Dmit­riý Sot­ni­ko­wyň ýol­baş­çy­ly­gyn­da­ky to­par eýe­le­di. Ýük ulag­la­ryň ara­syn­da­ky ýa­ryş diý­seň çe­ke­le­şik­li ge­çip, 3-nji ýe­re gol­lan­di­ýa­ly Je­rard de Ro­oýyň ýol­baş­çy­ly­gyn­da­ky to­par my­na­syp bol­dy. “Iwe­ko” to­pa­ry­nyň sü­rü­ji­si 2012-nji we 2016-njy ýyl­lar­da çem­pi­on­lyk ga­za­nyp­dy.
Da­kar Ral­li­si Gü­nor­ta Ame­ri­ka­da ge­çi­ri­lip baş­la­na­ny bä­ri ýa­ry­şa go­şu­lan ku­ad­ra­sikl ug­ry boýunça ýe­ne-de “Ýa­ma­ha­nyň” sü­rü­ji­si ýe­ňi­ji bol­dy. Bu ge­zek il­kin­ji ýo­la rus­si­ýa­ly pi­lot mün­be­riň iň ýo­ka­ry bas­gan­ça­gy­na çyk­dy. Ser­geý Kar­ýa­kin 39 sa­gat 18 mi­nut 52 se­kunt­lyk ne­ti­je bi­len 1-nji ýe­ri eýe­le­di. 2014-nji ýy­lyň çem­pio­ny, çi­li­li Ig­na­sio Ka­sa­le 2-nji, bu ugur­da 5 sa­par ýe­ňiş ga­za­nan Ar­gen­ti­na döw­le­ti­niň we­ki­li Pab­lo Ko­pet­ti 3-nji or­na my­na­syp bol­dy.
Il­kin­ji ge­zek şu ýyl sa­na­wa al­nan öz­bo­luş­ly UTV ulag­la­ry bo­ýun­ça bra­zi­li­ýa­ly sü­rü­ji­ler – Leand­ro Tor­res bi­len Lou­ri­wal Rol­dan (“Po­la­ris”) iki­si 1-nji ýeri eýe­le­diler. Il­kin­ji tap­gyr­lar­da 2–3-nji bo­lan bra­zil pi­lot­la­ry 5-nji tap­gyr­dan bi­rin­ji­li­ge geç­diler we ýa­ryş ta­mam­lan­ýan­ça-da orun­la­ry­ny sak­la­ma­gy ba­şar­dy­lar. Ola­ryň gör­ke­zen ne­ti­je­si 54 sa­gat 01 mi­nut 50 se­kun­da deň­dir. Hy­taý­ly Wang Fu­žiang bi­len Li Wei 2-nji, rus­si­ýa­ly Ra­wil Ma­ga­now bi­le­n Ki­rill Şu­bin 3-nji ýeri eýe­le­di.