Böwenjik

Bir bar eken, bir ýok eken. Bir Bö­wen­jik, bir Da­la­jyk, bir Böw­re­jik bar eken. Bu­la­ryň üçü­si dost bo­lup, bir ýa­na gez­mä­ge gi­dip­dir­. Bar­ýar­ka­lar ola­ryň ýol­la­ryn­dan bir suw­ly ýap çy­kyp­dyr. Bu­lar bu ýap­dan bö­küş­me­şek we bök­mek­de yza ga­la­ny iý­me­şek ed­ýär-ler. Öňür­ti Bö­wen­jik bök­ýär, pök edip, hon­da düş­ýär. Yzyn­dan Da­la­jyk bök­ýär. Onuň aýa­gy su­wa deg­ýär. Böw­re­jik bol­sa bö­küp, jülp edip, su­wa gaç­ýar. Bö­wen­jik bu­la­ryň iki­si­ni hem lak–luk atyp gi­di­ber­ýär.
Gi­dip bar­ýar­ka onuň öňün­den bir gar­ga çyk­ýar. Bö­wen­jik oňa:
–Gar­ga­jyk, gar­ga­jyk, se­ni iýä­ýe­ýin­mi?–diý­ýär we­lin, gar­ga:
–Sen me­ni iý­jek bol­saň, çüň­küm bi­len gar–ny­ňy ýa­ra­ryn!–diý­ýär. On­da Bö­wen­jik:
– Tak-tak et­dim, Da­lak iý­dim.
Pök-pök et­dim, Böw­rek iý­dim.
Se­ni iý­män nä­me­jik!–di­ýip, ony hem lak–luk atyp gi­di­be­rip­dir.
Bar­ýar­ka onuň öňün­den eşek­li­je gar­ry­ja ba­ba çy­kyp­dyr. Bö­wen­jik oňa hem:
–Eşek­li­je ba­ba, se­ni iýä­ýe­ýin­mi?–diý­ýär we­lin, ba­ba­jyk:
–Iý­jek bol­saň, eşek ta­ýa­gym bi­len ura­ryn–da, gar­ny­ňy ýa­ra­ryn!–diý­ýär. On­da Bö­wen­jik:
–Tak-tak et­dim, Da­lak iý­dim.
Pök-pök et­dim, Böw­rek iý­dim.
Ga­gyl­dap otu­ran gar­ga­ny iý­dim.
Se­ni iý­män nä­me­jik!–diý­ýär-de, ony hem lak-luk atyp gi­di­ber­ýär.
Bö­wen­jik ýe­ne gaý­şa­ryp gi­di­be­rip­dir. Onuň öňün­den to­rum­ly­ja Ma­ýa çy­kyp­dyr. Bö­wen­jik oňa ga­rap:
–Ma­ýa­jyk, Ma­ýa­jyk, se­ni iýä­ýe­ýin­mi?–di­ýip­dir. On­da Ma­ýa­jyk:
–Sen me­ni iý­jek bol­saň, da­ba­nym bi­len gar­nyň­dan ba­syp ýa­ra­ýa­ryn!–di­ýip­dir.
Bö­wen­jik ýe­ne ki­kir–ki­kir gü­lüp:
–Tak-tak et­dim, Da­lak iý­dim.
Pök–pök et­dim, Böw­rek iý­dim.
Ga­gyl­dap otu­ran gar­ga­ny iý­dim.
Eşek­li­je ba­ba­ny iý­dim.
Se­ni iý­män nä­me­jik!–diý­ýär-de, Ma­ýa­ny lak–luk atyp­dyr.
Ýe­ne bar­ýar­ka, onuň öňün­den aşyk oý­nap ýö­ren og­lan­lar çyk­ýar. Bö­wen­jik ola­ra:
–Og­lan­jyk­lar, og­lan­jyk­lar, si­zi iýä­ýe­ýin­mi? –diý­ýär,
Og­lan­lar bol­sa:
–Eger sen bi­zi iý­jek bol­saň, ke­ne­gi­miz bi­len ura­rys-da, gar­ny­ňy ýa­ra­rys!–diý­ýär­ler. Bö­wen­jik ola­ra hem:
–Tak–tak et­dim, Da­lak iý­dim.
Pök-pök et­dim, Böw­rek iý­dim.
Ga­gyl­dap otu­ran gar­ga­ny iý­dim.
Eşek­li­je ba­ba­ny iý­dim,
To­rum­ly­ja Ma­ýa­ny iý­dim.
Si­zi iý­män nä­me­jik!–di­ýip, bu­la­ry hem lak–luk atyp gi­di­ber­ýär.
Ýe­ne gi­dip bar­ýar­ka, öňün­den su­wa bar­ýan bir­to­par gyz duş gel­ýär. Bö­wen­jik:
–Gyz­lar, gyz­lar, si­zi iýä­ýe­ýin­mi?–diý­ýär. On­da olar:
–Eger sen bi­zi iý­jek bol­saň, küý­zä­miz bi­len urup, gar­ny­ňy ýa­ra­rys!–diý­ýär­ler. Bö­wen­jik:
–Tak–tak et­dim, Da­lak iý­dim.
Pök-pök et­dim, Böw­rek iý­dim.
Ga­gyl­dap otu­ran gar­ga­ny iý­dim.
Eşek­li­je ba­ba­ny iý­dim.
To­rum­ly­ja Ma­ýa­ny iý­dim.
On og­la­ny orup iý­dim.
Si­zi iý­män nä­me­jik! – di­ýip, bu­la­ry hem lak-luk atyp gi­di­ber­ýär.
Ýe­ne gi­dip bar­ýar­ka, öňün­den bir ker­wen çyk­ýar. Bö­wen­jik ola­ra hem:
–Si­zi iýä­ýe­ýin­mi?–diý­ýär. Olar:
–Eger sen bi­zi iý­jek bol­saň, urup öl­dü­rä­ýe­ris!–diý­ýär­ler, Bö­wen­jik ola­ra hem:
–Tak-tak et­dim, Da­lak iý­dim.
Pök-pök et­dim, Böw­rek iý­dim.
Ga­gyl­dap otu­ran gar­ga­ny iý­dim.
Eşek­li­je ba­ba­ny iý­dim.
To­rum­ly­ja Ma­ýa­ny iý­dim.
On og­la­ny orup iý­dim.
Kyrk gy­zy gy­ryp iý­dim.
Si­zi iý­män nä­me­jik!–di­ýip, ola­ry hem lak-luk atyp gi­di­ber­ýär.
Ol gi­dip bar­ýar­ka, bir gar­ry­ja ma­ma­nyň çat­ma­sy­nyň üs­tün­den bar­ýar. Gar­ry­ja ma­ma oňa:
–Wah, wah–eý, og­lum, gaý­sar bo­lup­syň, sen ýa­typ dyn­jy­ňy al, men sa­ňa bir ýag­ly­ja kö­meç bi­şi­rip be­re­ýin!–di­ýip­dir. Bö­wen­jik ýat­ýar. Gar­ry­ja ma­ma bol­sa, ga­za­wa­sy­ny ot­da gyz­dy­ryp, ýag­şy gy­za­ran­soň, Bö­wen­ji­giň gar­ny­na bas­ýar.
Bö­wen­jik “tark” edip, ýa­ryl­ýar we­lin, Bö­wen­ji­giň ýu­wu­dan adam­la­ry­nyň hem­me­si çy­kyp­dyr­lar.
Olar be­ge­ni­şip:
–Sag bol, gar­ry ene, sag bol, gar­ry ene!–diý­şip, çy­kyp gi­di­ber­ýär­ler.
Şeý­dip, gar­ry ma­ma bü­tin jan­ly–jan­da­ry aç­göz Bö­wen­jik­den dyn­da­ryp, ar­ka­ýyn­ja ýa­şa­be­rip­dir.