Ýa­po­ni­ýa­da ge­çi­ril­ýän VIII gyş­ky Azi­ýa oýun­la­ryn­da türk­men hok­keý­çi­leri ta­ry­hy ba­şar­nyk gör­kez­di­ler. Bäs­le­şi­giň çäk­le­rin­de “B” di­wi­zi­ýa­da “B” to­par­ça­da çy­kyş ed­ýän il­deş­le­ri­miz 3 du­şu­şy­gyn­da-da ýe­ňiş ga­za­nyp, fi­na­la çyk­ma­gyň höt­de­sin­den gel­di­ler. Baý­ram Al­la­ýa­ro­wyň tä­lim ber­ýän tür­gen­le­ri il­ki Ma­laý­zi­ýa­nyň ýy­gyn­dy to­pa­ryn­dan 9–2 ha­sa­byn­da üs­tün çyk­dy. Bu du­şu­şyk­da ýur­du­my­zyň “Oguz­han” to­pa­ry­nyň ez­ber oýun­çy­sy, 18 ýaş­ly hü­jüm­çi Baý­my­rat Baý­my­ra­dow 4 ge­zek ta­pa­wut­la­nyp, ýy­gyn­dy­my­zyň uly ha­sap bi­len ýeň­me­gi­ne sal­dam­ly go­şant goş­dy. Bu oýun­da Eziz­mu­ham­met Ak­mu­ham­me­dow 3, Ah­met Gur­ba­now 2 gol ge­çir­di. Il­deş­le­ri­miz 2-nji du­şu­şy­gyn­da-da Ma­kao­nyň ýy­gyn­dy­sy­ny 16–0 ha­sa­byn­da ýeň­li­şe se­ze­war et­di­ler. 1-nji we 3-nji döw­ler­de 6, 2-nji döw­de-de 4 top ge­çi­ren mil­li ýy­gyn­dy­myz ynam­ly ýe­ňiş ga­zan­dy. Türk­men hok­keý­çi­le­ri 3-nji du­şu­şy­gyn­da In­do­ne­zi­ýa­nyň mil­li to­pa­ry bi­len güýç sy­na­nyş­dy­lar. Bu oýun hem türk­men hok­keý­çi­le­ri üçin ta­ry­hy du­şu­şyk bol­dy. 1–2-nji döw­ler­de 5 gol­dan ge­çi­ren il­deş­le­ri­miz 3-nji döw­de-de 2 goly öz at­la­ry­na ýaz­dyr­yp, 12–2 hasabynda ýeňiş gazandylar. Umu­my­lyk­da 9 utuk top­lan Türk­me­nis­ta­nyň ýy­gyn­dy­sy fi­na­la çyk­ma­gy ba­şar­dy. Il­deş­le­ri­miz 3 du­şu­şyk­da 34 gol ge­çi­rip, to­ru­na-da ba­ry-ýo­gy 4 gol goý­ber­di­ler. Türk­men hok­keý­çi­le­ri 26-njy few­ral­da bol­jak fi­nal­da “A” to­par­ça­nyň ýe­ňi­ji­si Gyr­gyz Res­pub­li­ka­sy­nyň hok­keý­çi­le­ri bi­len güýç sy­na­ny­şar. Du­şu­şyk ýer­li wagt bi­len 12:30-da baş­la­nar. Bu ar­zy­ly oýun­da türk­men hok­keý­çi­le­ri­ne uly üs­tün­lik ar­zuw ed­ýä­ris.

Gyzykly bolup bilerЕЩЕ ОТ АВТОРА