Iň köp golly Tapgyr

Fut­bol klub bäs­le­şik­le­ri­niň iň ab­raý­ly­sy UEFA Çem­pi­on­lar li­ga­syn­da 2-nji tap­gy­ryň ýa-da 1/8 fi­na­lyň 1-nji oýun­la­ry ge­çi­ril­di. Oý­na­lan 8 du­şu­şyk­da je­mi 34 gol (or­ta­ça al­nan­da, 4,25 pök­gi) ha­sa­ba al­nyp, bu gör­ke­zi­ji re­korda deň bol­dy. Mun­dan öň iň köp gol 2013/14 möw­sü­min­de ge­çi­ri­lip­di. Şon­da 8 du­şu­şyk­da 26 top der­we­zä gi­ri­zi­lip­di.
Il­ki bilen, bu hep­de­de oý­na­lan oýun­lar ba­ra­da aýt­sak, “Man­çes­ter Si­ti” öz meý­dan­ça­syn­da yk­ly­myň hä­zir­ki wagt­da iň gol­çy klu­by “Mo­na­ko­ny” ka­bul et­di. Du­şu­şyk­da jan­kö­ýer­ler 8 go­la şa­ýat­lyk et­di­ler we bu­lam 1-nji oýun­lar­da­ky iň ýo­ka­ry ne­ti­je diý­lip bel­len­di. 26-njy mi­nut­da ýer eýe­le­rin­den Ra­him Ster­ling ha­sa­by aç­dy. Soň­ra “Mo­na­ko” 32-de Ra­da­mel Fal­kao, 40-da Mbap­pe­niň gol­la­ry bi­len öňe saý­lan­dy. 50-nji mi­nut­da fran­suz klu­by ha­sa­by 3–1-e ýe­ti­rip bi­ler­di. Ýö­ne Fal­kao­nyň uran pe­nal­ti ur­gu­sy­ny der­we­ze­çi Ka­bal­ýe­ro sow­ma­gy ba­şar­dy. 58-nji mi­nut­da Ser­jio Ague­ro ha­sa­by deň­le­se-de, 61-de Fal­kao ýe­ne-de myh­man­la­ry öňe çy­kar­dy. Ruh­dan düş­me­dik şä­her­li­ler 71-nji mi­nut­da Ague­ro­nyň, 77-nji mi­nut­da Stoun­syň, 82-nji mi­nut­da-da Sa­ne­niň gol­la­ry bi­len 5–3 ha­sa­byn­da ýe­ňiş ga­zan­dy.
Şol gün­ki beý­le­ki oýun­da “Ba­ýer” bi­len “At­le­ti­ko Mad­rid” Ger­ma­ni­ýa­da du­şuş­dy. Bu ola­ryň Ýew­ro­ku­bok­la­ryn­da­ky 5-nji oý­ny bo­lup, öň­ki 4 oýun­da her­si öz meý­dan­ça­syn­da 1 ge­zek­den 1–0 ha­sa­byn­da ýe­ňip­di­ler. Ýew­ro­pa li­ga­sy­nyň to­par­ça­la­ryn­da oý­na­lan beý­le­ki 2 du­şu­şy­gam deň­lik­de gu­ta­ryp­dy (1–1). Ýö­ne bu ge­zek baş­ga­ça bol­dy. Ju­da taý­ýar­lyk­ly ge­len is­pan klu­by 4–2 ha­sa­byn­da gar­şy­da­şyn­dan üs­tün çy­kyp, çär­ýek fi­nal ug­run­da diý­seň uly müm­kin­çi­lik ga­zan­dy. Mad­rid­li­le­riň gol­la­ry­ny Sa­ul Ni­gu­es (17), An­tu­an Griz­mann (25), Ke­win Ga­mei­ro (59, pen.), Fer­nan­do Tor­res (86), ýer eýe­le­rin­de­nem Bel­la­ra­bi (48) bi­len Sa­wiç (68, ö.d.) ge­çir­di.
Çar­şen­be­de oý­na­lan duşuşyk­lar­da-da “Ýu­wen­tus” “Por­to­ny” oý­na soň­dan go­şu­lan 2 oýun­çy­sy­nyň gol­la­ry bi­len 2–0 ha­sa­byn­da ýeň­li­şe se­ze­war et­di we çär­ýek fi­na­lyň bo­sa­ga­syn­dan il­kin­ji ädi­mi­ni ät­di. Tu­rin­li­le­riň gol­la­ry­ny 72-nji mi­nut­da Mar­ko Pýa­sa bilen 74-nji mi­nut­da Da­ni Al­wes ge­çir­di. Pýa­sa 67-nji, gi­ren des­si­ne il­kin­ji ur­gu­sy gol bo­lan Al­we­sem 73-nji mi­nut­da oý­na go­şu­lyp­dy. 27-nji mi­nut­da “Por­to­nyň” bra­zi­li­ýa­ly çep gy­ra­ky go­rag­çy­sy Aleks Tel­le­siň 2-nji sa­ry­dan gy­zyl pe­tek alan­dy­gy­ny-da ýat­lad­ýa­rys. “Ýu­wen­tus” “Por­to­ny” 4-nji oý­nun­da 3-nji sa­par ýeň­me­gi ba­şar­dy.

RA­NIE­RI WE­ZI­PE­SIN­DEN BO­ŞA­DYL­DY
Öza­ra il­kin­ji ge­zek du­şu­şan “Se­wil­ýa” bi­len li­ga­nyň deb­ýu­tan­ty “Les­ter Si­ti­niň” oý­nun­da ýer eýe­le­ri 2–1 ha­sa­byn­da ýe­ňiş ga­zan­dy. 14-nji mi­nut­da “se­wil­ýa­ly” Kor­rea pe­nal­ti­ni ge­çi­rip bil­me­di. 25-nji mi­nut­da Es­ku­de­ro­nyň be­ren pök­gü­si­ni kel­le­si bi­len uran Sa­ra­bia ha­sa­by aç­dy. 62-nji mi­nut­da pe­nal­ti­ni sa­lyp bil­me­dik Kor­rea ha­sa­by ha­sam art­dyr­dy. 73-nji mi­nut­da-da Jeý­mi War­di jo­gap du­şu­şy­gy üçin uly umyt bol­jak go­ly öz ady­na ýaz­dyr­dy (2–1). Bu du­şu­şyk­dan 1 gün ge­çen­den soň, “Les­ter Si­ti” klu­bu­nyň ýol­baş­çy­la­ry to­pa­ryň tä­lim­çi­si Klau­dio Ra­nie­riň we­zi­pe­sin­den bo­şa­dy­lan­dy­gy­ny ha­bar ber­di. Bu ba­ra­da klu­buň res­mi in­ter­net saý­tyn­da “Kyn hem bol­sa, bi­ze ta­ry­hy ba­şar­nyk ga­zan­dy­ran tä­lim­çi bi­len ýo­lu­my­zy aýyr­ma­ly bol­ýa­rys. Se­bä­bi klu­buň çem­pio­nat­da­ky hä­zir­ki ýag­da­ýy öwer­lik­li däl. To­pa­ra tä­ze li­de­riň gerek­di­gi me­se-mä­lim du­ýul­ýar” diý­lip bel­le­nil­ýär.

PSŽ—“BAR­SE­LO­NA”: 4–0
Baş­da-da bel­leý­şi­miz ýa­ly, 8 du­şu­şyk­da ge­çi­ri­len 34 go­luň hiç bi­ri­niň-de “Bar­se­lo­na” de­giş­li däl­di­gi­ni aýt­sak, köp­ler ynan­maz. Ýö­ne bu ha­ky­kat. Olar myh­man­çy­lyk­da PSŽ-den 4–0 ha­sa­byn­da utu­lyp, çär­ýek fi­na­la çyk­mak müm­kin­çi­li­gi­ni, mu­ny aýt­mak üçin en­tek ir hem bol­sa, ýi­tir­di­ler diý­se bo­lar. Se­bä­bi mun­dan öň Çem­pi­on­lar li­ga­syn­da 4 pök­gi ara­ta­pa­wu­dy bi­len utu­lyp, 2-nji oýun­da özü­ne ge­rek bo­lan ne­ti­jä­ni ga­za­nan klub ýok. Ýö­ne mu­ny ba­şar­sa, “Bar­se­lo­na­nyň” ba­şa­ryp bil­jek­di­gi­ni-de bel­lä­liň. Şunlukda, PSŽ to­pa­ry “Mi­lan”, “Di­na­mo K.”, “Wa­len­si­ýa”, “Çel­si” we “Ba­wa­ri­ýa” ýa­ly “Bar­se­lo­na­nyň” to­run­dan Çem­pi­on­lar li­ga­syn­da 4 gol ge­çi­ren klub­la­ryň ha­ta­ry­na go­şul­dy. Bas­syr 20-nji ge­zek 2-nji tap­gy­ra çy­kyp, mu­ny ba­şa­ran il­kin­ji klub bo­lan “Re­al Mad­rid” öz meý­dan­ça­syn­da “Na­po­li­ni” 3–1 ha­sa­byn­da ýeň­di. Oba­me­ýan­gyň pe­nal­ti sa­lyp bil­me­dik oý­nun­da-da Dort­mun­dyň “Bo­rus­sia­sy” myh­man­çy­lyk­da “Ben­fi­ka­dan” 1–0 ha­sa­byn­da as­gyn gel­di. “Ba­wa­ri­ýa” bi­len “Ar­se­nal” eý­ýäm te­lim ge­zek du­şuş­ýar­lar we ola­ryň hem­me­sin­de-de ne­mes klu­by gar­şy­da­şy­ny ýa­ryş­dan çy­kar­ma­gy ba­şar­dy. Bu sa­pa­ram şeý­le bol­ja­ga meň­ze­ýär. Mün­hen­de 5–1 ha­sa­byn­da utu­lan lon­don­ly­lar 6 ýyl­dan bä­ri çy­kyp bil­me­ýän çär­ýek fi­na­lynyň pe­te­gi­ni al­mak­çy bol­sa­lar, on­da olar “Emi­ra­tes” sta­dio­nyn­da garşydaşlarynyň torundan jo­gap­syz 4 pök­gi ge­çir­me­li bo­lar­lar. Bi­ler­men­le­riň pi­ki­ri­ne gö­rä-de, mu­ny “Ar­se­na­lyň” ba­şar­ma­gy o di­ýen müm­kin däl. “Ar­se­nal” Çem­pi­on­lar li­ga­syn­da 2-nji ge­zek 1 oýun­da “ba­wa­ri­ýa­ly” fut­bol­çy­la­ra 5 gol ge­çird­ýär.

UEFA Ýew­ro­pa li­ga­sy
UEFA Ýew­ro­pa li­ga­syn­da 2-nji oýun­lar­da ga­ra­şyl­ma­dyk ne­ti­je­ler ha­sa­ba alyn­dy. 1-nji oýun­da 2–0 ha­sa­byn­da utu­lan “Ze­nit” öz meý­dan­ça­syn­da “An­der­leh­ti” 3–1 ha­sa­byn­da ýeň­se-de, 1/8 fi­na­la çy­kyp bil­me­di. Giu­lia­no (24, 78) we Dzýu­ba­nyň (72) gol­la­ry bi­len öz­le­ri­ne ge­rek bolan ha­sa­ba ýe­ten “Ze­nit” 90-njy mi­nut­da Ki­es­se Te­li­niň to­pu­na çä­re ta­pyp bil­me­di. 1-nji duşuşykdan 1–0 ha­sa­byn­da ýe­ňiş bi­len do­la­nan “Şaht­ýor” öz meý­dan­ça­syn­da “Sel­ta­dan” 2–0 ha­sa­byn­da as­gyn gel­di. As­pa­syň 90+1-nji mi­nut­da bel­le­nen pe­nal­ti­ni dürs ýe­ri­ne ýe­tir­me­gin­den soň, oý­na 30 mi­nut goş­ma­ça wagt be­ril­di. On­da-da 108-nji mi­nut­da Kab­ral is­pan klu­bu­nyň 2-nji go­lu­ny sal­dy we to­pa­ry­na 1/8 fi­na­lyň pe­te­gi­ni ga­zan­dyr­dy. Bel­gi­ýa­da 1–0 ha­sa­byn­da as­gyn ge­len “Tot­ten­ham” Lon­don­da-da “Gen­ti” ýe­ňip bil­me­di. 10-njy mi­nut­da Erik­sen ýer eýe­le­ri­ni öňe saý­la­dy. 10 mi­nut­dan soň, ge­çen ku­bok ýa­ry­şyn­da het-trik eden Har­ri Keýn bu ge­zek ýal­ňyş­lyk bi­len to­py öz der­we­ze­sin­den ge­çir­di. 61-de “Tot­ten­ham­dan” Wan­ýa­ma, 82-de myh­man­lar­dan Per­bet ta­pa­wut­lan­dy we oýun 2–2 ha­sa­byn­da deň­lik­de ta­mam­lan­dy. “Wemblide” oýnalan bu 80465 janköýer oýna gatnaşdy. Bu görkeziji ýaryşyň rekordyna deň boldy. Ger­ma­ni­ýa­dan 1–0 ha­sa­byn­da ýe­ňiş bi­len do­la­nyp, az-ow­lak arkaýynlaşan “Fio­ren­ti­na” öz meý­dan­ça­syn­da “Bo­rus­sia M.” to­pa­ry­nyň to­run­dan en­tek 30 mi­nut dol­man­ka 2 pök­gi ge­çir­di (Ka­li­niç 16, Wa­le­ro 29). Bu ýag­daý ital­ýan klu­bu­nyň oýun­çy­la­ry­ny ar­ka­ýyn­laş­dy­ra­n ýaly. Ýöne munuň tersine, myh­man­çy­lyk­da­ky to­pa­ry ruh­dan dü­şür­me­di. 16 mi­nut­da 4 gol ge­çi­ren “Bo­rus­sia M.” to­pa­ry 1/8 fi­na­lyň pe­te­gi­ni al­dy. Gol­la­ryň 3-si­ni Lars Ştindl (44 p, 47, 55), beý­le­ki­si­ni-de Kris­ten­sen (60) sal­dy. 1-nji oýun­da 4–1 ha­sa­byn­da ýe­ňiş ga­za­nan “Li­on” öz meý­dan­ça­syn­da “AZ Alk­maa­ry” 7–1 ha­sa­byn­da ýeň­li­şe se­ze­war et­di. Oýun­da Na­bil Fe­kir het-trik edip, to­pa­ry­nyň uly ha­sap­ly ýe­ňiş ga­zan­ma­gyn­da esa­sy ro­ly oý­na­dy.

“Rostow”–“M. Ýunaýted”
Düýn UEFA Ýewropa ligasynda 1/8 finalyň bijeleri atyldy. Bijä laýyklykda tapgyryň iň esasy duşuşygynyň “Lion” bilen “Romanyň” arasynda bolmagyna garaşylýar. Russiýanyň “Rostowy-da” dünýäniň öňdebaryjy klublaryndan “Mançester Ýunaýted” bilen bije atyşdy. 8 duşuşygyň 2-si ýerli derbi bolup, Germaniýanyň 2 kluby “Şalke”–“Borussia M.” hem-de Belgiýanyň 2 topary “Gent” bilen “Genk” özara duşuşarlar. 1/8 finalyň duşuşyklary 9-njy we 16-njy martda oýnalar.