Mil­li ba­har baý­ra­my­na ga­bat­la­nyp, “At – my­rat” at­ly film ýur­du­myz­da gör­ke­zi­lip baş­la­n­dy. Fil­miň paý­tag­ty­my­zyň “Aş­ga­bat” ki­no mer­ke­zin­de we “Türk­me­nis­tan” ki­no­kon­sert mer­ke­zin­de, Ma­ry­nyň Ke­mi­ne adyn­da­ky Döw­let dra­ma te­at­ryn­da gör­ke­zi­li­şi bol­dy. Mil­li te­le­wi­de­ni­ýä­niň ýaý­lym­la­ryn­da hem “At – my­rat” fil­mi­niň il­kin­ji gör­ke­zi­li­şi bol­dy. Film­de Mer­dan at­ly on­ki ýaş­ly og­lan ha­kyn­da gür­rüň be­ril­ýär, ol ata­sy, bel­li se­ýis Çer­kez aga­nyň ýa­nyn­da bo­lup, di­ňe bir at­şy­nas­lyk bi­len ta­nyş­mak bi­len çäk­len­män, eý­sem, se­ýis­çi­li­giň in­çe syr­la­ry­ny hem öw­ren­ýär.
On­da be­hiş­di be­dew­le­re ha­ky­ky söý­gi dö­re­ýär. Be­dew­ler bi­len ýa­kyn­dan ta­nyş­dy­gy­ça, onuň daş­ky gur­şa­wa ga­raý­şy üýt­ge­ýär, onuň gö­zel­li­gi we saz­la­şyk­ly hä­si­ýe­ti ba­ra­da dü­şün­je al­ýar. Ýet­gin­jek ýel­den ýüw­rük be­dew­ler bi­len söh­bet­deş bo­lup, asyl­ly­lyk, we­pa­dar­lyk, gaý­duw­syz­lyk we buý­sanç, mer­te­be hem-de eder­men­lik ýa­ly mü­di­mi­lik gym­mat­lyk­la­ryň ma­ny-maz­mu­ny­na göz ýe­tir­ýär, us­sat türk­men se­ýis­le­ri ahal­te­ke be­dew­le­rin­de şeý­le hä­si­ýet­le­ri ke­ma­la ge­tir­ipdir­ler.
Mer­dan meş­hur ça­pyk­su­war bol­mak ýa­ly asyl­ly mak­sa­dy öň­de goý­ýar, fil­miň “At – my­rat” at­lan­dy­ryl­ma­gy hem şun­dan ge­lip çyk­ýar. Fil­miň gur­lu­şy ne­sil­le­riň aý­ryl­maz ru­hy bag­la­ny­şy­gy­na esas­lan­ýan çuň­ňur ta­ry­hy wa­ka­la­ra hem-de ga­ra­ýyş­la­ra da­ýan­ýar. Res­mi­na­ma­la­ýyn hä­si­ýet­li wi­deo­şe­kil­le­riň peý­da­la­nyl­ma­gy at­şy­nas­lyk, onuň gaý­ta­dan di­kel­dil­me­gi hem-de hä­zir­ki dö­wür­de ös­dü­ril­me­gi bi­len bag­la­ny­şyk­ly mil­li däp-des­sur­lar ba­ra­da dü­şün­je al­ma­ga ýar­dam ber­ýär.
Fil­miň gah­ry­ma­ny özü­niň uly sar­pa goý­ýan ha­ly­pa­sy­nyň at ça­py­şyk­la­ryn­da ýe­ňiş ga­za­ny­şy­na, şeý­le hem onuň ag­ty­gy­nyň ahal­te­ke be­de­win­de ça­py­şyna tol­gun­mak bi­len syn ed­ýär. Mer­dan hem ça­py­şyk­la­ryň ýe­ňi­ji­si bol­ma­gy ar­zuw ed­ýär, öz us­sat­ly­gy­ny we ba­tyr­ly­gy­ny, ahal­te­ke be­dew­le­ri­niň güý­jü­ni, gö­zel­li­gi­ni, çe­ýe­li­gi­ni gör­kez­mek is­le­ýär. Onuň bu ar­zu­wy ha­syl bol­ýar, ol ýet­gin­jek ça­pyk­su­war­la­ryň ara­syn­da ge­çi­ri­len ýa­ryş­lar­da ýe­ňiş ga­zan­ýar.
“At-my­rat” at­ly film Oguz­han adyn­da­ky “Türk­men­film” bir­le­şi­gin­de re­žiss­ýor K.An­na­no­wyň ýol­baş­çy­lyk ed­ýän to­pa­ry ta­ra­pyn­dan dö­re­dil­di. Film­de keşp­le­ri dö­ret­mä­ge gat­na­şan bel­li ar­tist­ler bi­len bir ha­tar­da, og­la­nyň we onuň ata­sy­nyň keş­bi­ni sun­gat bi­len yk­ba­ly­ny bag­la­ma­dyk, em­ma at­şy­nas­lyk bi­len meş­gul­lan­ýan hö­wes­jeň ar­tist­ler ýe­ri­ne ýe­tir­di­ler. Mu­nuň özi film­de öňe sü­rül­ýän esa­sy pi­ki­ri to­ma­şa­çy­la­ra ta­kyk ýe­tir­mä­ge ýar­dam ber­di.

Gyzykly bolup bilerЕЩЕ ОТ АВТОРА