Ber­ka­rar döw­le­ti­mi­ziň bag­ty­ýar­lyk döw­rün­de eziz Wa­ta­ny­my­zyň te­bi­gy baý­lyk­la­ry­ny we gö­zel­li­gi­ni go­ra­mak, bu gym­mat­ly baý­ly­gy gel­jek­ki ne­sil­le­re ýe­tir­mek hor­mat­ly Pre­zi­den­ti­mi­ziň ýö­red­ýän döw­let sy­ýa­sa­ty­nyň esa­sy ugur­la­ry­nyň bi­ri bo­lup dur­ýar. Ýur­du­myz­da ama­la aşy­ryl­ýan giň ge­rim­li mil­li mak­sat­na­ma­lar eko­lo­gi­ýa ýag­da­ýy bi­len saz­la­şyk­ly ama­la aşy­ryl­ýar. Daş­ky gur­şa­wy go­ra­mak me­se­le­si te­bi­ga­ty go­ra­ma­gyň mil­li stra­te­gi­ýa­sy yk­dy­sa­dy pu­dak­da, dur­muş ul­ga­myn­da we eko­lo­gi­ýa ba­bat­da we­zi­pe­le­ri top­lum­la­ýyn çöz­mä­ge da­ýan­ýar. Ýur­du­my­zyň daş­ky gur­şa­wy go­ra­mak ba­bat­da ka­nun­çy­lyk bin­ýa­dy­nyň ber­ki­dil­me­gi bu ugur­da giň ge­rim­li iş­le­riň ýo­la goý­lan­dy­gy­na şa­ýat­lyk ed­ýär. Ýur­du­my­zyň eko­lo­gi­ýa taý­dan howp­suz we dur­nuk­ly ösü­şe eýer­ýän­di­gi­ne Bir­le­şen Mil­let­ler Gu­ra­ma­sy­nyň te­bi­ga­ty go­ra­ma­ga de­giş­li mak­sat­na­ma­la­ry­na go­şul­ma­gy hem şa­ýat­lyk ed­ýär.
Hä­zir­ki dö­wür­de Di­ýa­ry­my­zyň döw­let Baş­tu­ta­ny­my­zyň baş­lan­gyç­la­ry bi­len ba­gy-bos­sa­nlyga öw­rül­ýän­di­gi, paý­tag­ty­myz Aş­ga­bat şä­he­ri­niň tö­we­re­gin­de we we­la­ýat­lar­da to­kaý zo­lak­la­ry­nyň çäk­le­ri­niň bar­ha gi­ňel­ýän­di­gi bi­ziň her bi­ri­miz­de gu­wanç duý­gu­sy­ny dö­red­ýär. Uzyn­ly­gy 103 ki­lo­metr, ini 18,6 ki­lo­metr, or­ta­ça çuň­lu­gy 69 metr, sy­gy­my 132 mil­liard kub­metr bo­lan “Al­tyn asyr” Türk­men kö­lü­niň zeý suw­la­ry­ny Amy­der­ýa ak­dy­ryl­ma­gy­ny bes et­mek­de, goň­şy çäk­le­re du­zuň we to­za­nyň geç­me­gi­ni azalt­mak­da, su­wuň we top­ra­gyň hi­li­ni go­wu­lan­dyr­mak­da, ýe­ras­ty suw­la­ry iki­lenç peý­da­la­nyp, dür­li ösüm­lik­le­ri ös­dür­mek işin­de tej­ri­be top­la­mak­da, ser­het­ýa­ka ýer­le­riň bio­gör­nüş­le­ri­ni go­rap sak­la­mak­da we baý­laş­dyr­mak­da äh­mi­ýe­ti örän ulu­dyr.
Hä­zir­ki dö­wür­de Türk­me­nis­tan Bir­le­şen Mil­let­ler Gu­ra­ma­sy­nyň köp­san­ly ab­raý­ly hal­ka­ra gu­ra­ma­lary bi­len yzy­gi­der­li hyz­mat­daş­ly­gy alyp bar­ýar. Daş­ky gur­şa­wy go­ra­mak we aýaw­ly sak­la­mak, türk­men te­bi­ga­ty­ny gö­zel­leş­dir­mek we baý­laş­dyr­mak bi­len bag­ly al­nyp ba­ryl­ýan giň möç­ber­li iş­le­re my­na­syp go­şan­dy­my­zy goş­mak bi­ziň her bi­ri­miziň ra­ýat­lyk bor­ju­myz­dyr. Çün­ki daş­ky gur­şa­wy go­ra­mak äh­li­halk işi­dir.

Gyzykly bolup bilerЕЩЕ ОТ АВТОРА