Hor­mat­ly Pre­zi­den­ti­miziň taý­syz ta­gal­la­la­ry bi­len 2017-nji ýy­lyň 17-27-nji sent­ýab­ry ara­ly­gyn­da Aş­ga­bat­da ge­çi­ril­jek Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry äh­li ba­bat­da türk­me­niň mil­li ru­hu­na bes­le­nen­dir. Bu uly ýa­ry­şyň şe­ki­li, tu­ma­ry, ny­şan­la­ry, egin-eşik­le­ri­niň öwüş­gi­ni, be­zeg­le­ri, ýa­dy­gär­lik sy­lag­la­ry, We­pa­ly at­ly ala­ba­ýy mil­li ru­hu­my­zyň be­lent­li­gin­den, ber­ka­rar döw­le­ti­miz­de be­den­ter­bi­ýä we spor­ta uly sar­pa go­ýul­ýan­dy­gyn­dan ny­şan­dyr. Öz mak­sat­na­ma­syn­da spor­tuň 21 gör­nü­şi­ni jem­le­ýän bu iri yk­lym ýa­ry­şyn­da türk­men mil­li gö­re­şi­niň bol­ma­gy bol­sa, aý­ra­tyn buý­sanç­ly­dyr.
Bü­tin­dün­ýä gö­reş fe­de­ra­si­ýa­sy gu­şak­ly gö­reş gör­nüş­le­ri­ni, şol san­da türk­men mil­li gö­re­şi­ni Olim­pi­ýa oýun­la­ry­nyň ýa­ryş me­ýil­na­ma­syna gi­riz­mek ba­bat­da­ky mak­sat­na­ma­la­ýyn iş­le­ri­ni Bü­tin­dün­ýä gö­reş Bir­leş­me­si (UWW) bi­len bi­le­lik­de alyp bar­ýar. Bu ýo­ka­ry de­re­je­li gö­reş bir­leş­me­si­niň ag­za­sy bol­mak bi­len Bü­tin­dün­ýä gö­reş fe­de­ra­si­ýa­sy hä­zir­ki döw­re çen­li bir­nä­çe iş­le­ri dur­mu­şa ge­çir­di. Türk­men mil­li gö­re­şi bo­ýun­ça ge­çi­ri­len bi­rin­ji Dün­ýä çem­pio­na­ty­ny 2014-nji ýyl­da Türk­me­nis­ta­nyň paý­tagty – Aş­ga­bat şä­he­ri ka­bul et­di. Şol çem­pio­na­ta 24 döw­let­den päl­wan­lar gat­naş­dy. 2015-nji ýyl­da Rus­si­ýa Fe­de­ra­si­ýa­sy­nyň Oren­burg şä­he­rin­de ge­çi­ri­len ikin­ji Dün­ýä çem­pio­na­ty­na eý­ýäm 35 döw­let­den päl­wan­lar gat­naş­dy. 2016-njy ýyl­da bol­sa, dün­ýä­niň 40-dan gow­rak döw­letin­den ge­len päl­wan­la­ry Rus­si­ýa Fe­de­ra­si­ýa­sy­nyň Na­be­rež­nyý Çel­ny şä­he­ri ka­bul et­di. Gat­na­şy­jy­la­ry­nyň bu san taý­dan gör­ke­zi­ji­si bol­sa, türk­men gö­re­şi­ni Olim­pi­ýa oýun­la­ry­nyň me­ýil­na­ma­sy­na gi­riz­mek­lik­de no­bat­da­ky şow­ly ga­dam­dyr.
Mer­ke­zi Azi­ýa­nyň mer­jen şä­he­ri Aş­ga­bat ýyl-ýyl­dan hal­ka­ra ýa­ryş­la­ry­nyň mer­ke­zi­ne öw­rül­ýär. 2016-njy ýy­lyň 25-30-njy iýu­ny ara­ly­gyn­da 2017-nji ýy­lyň 17-27-nji sent­ýab­ry ara­ly­gyn­da Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­na taý­ýar­ly­gyň çäk­le­rin­de Aş­ga­bat­da­ky Olim­pi­ýa şä­her­çesiniň 5000 to­ma­şa­ça ni­ýet­le­nen Ba­şa-baş sö­weş sun­gat­la­ry sport top­lu­myn­da türk­men mil­li gö­re­şi we gu­şak­ly gö­reş bo­ýun­ça Azi­ýa­nyň çem­pio­na­ty ge­çi­ril­di. Bu çem­pio­nat yk­ly­myň 14 döw­le­tin­den ýüz­ler­çe tür­gen-päl­wan­la­ry özü­ne jem­le­di.
Türk­me­nis­ta­nyň türk­men mil­li gö­re­şi we gu­şak­ly gö­reş bo­ýun­ça mil­li ýy­gyn­dy to­pa­ry 44 al­tyn, 28 kü­müş we 26 bü­rünç, je­mi – 98 me­dal ga­za­nyp, to­par­la­ýyn bäs­le­şik­de Azi­ýa yk­ly­myn­da bi­rin­ji­li­gi we esa­sy Ku­bo­gy eýe­läp, Ga­raş­syz­ly­gy­my­zyň 25 ýyl­lyk şan­ly baýramçylygyna aja­ýyp sow­gat et­di­ler.
– Mil­li ýy­gyn­dy to­pa­ry­my­zyň ag­za­la­ryn­dan do­gan­lar Tir­keş­gel­di­dir Toý­ly­my­rat Aýa­zow­la­ryň, Jan­gel­di­dir Ro­zy­my­rat Me­dow­la­ryň, Der­ýa Ab­dy­ýe­wiň, Mur­gap­gel­di At­da­ýe­wiň, Me­kan­gel­di Ber­di­ýe­wiň, Aga­my­rat Oraz­sä­he­do­wyň, Seý­di Ba­ty­ro­wyň, ze­nan­la­ry­myz­dan La­çyn Ba­dag­ly­ýe­wa­nyň, Zöh­re Mad­re­ýi­mo­wa­nyň, Gül­nar Ha­ýyt­ba­ýe­wa­nyň her bir tut­lu­şy­gyn­da gör­ke­zen ýerlikli emel­le­ri, owa­dan zy­ňyş­la­ry, gö­ze il­me­ýän çak­gan he­re­ket­le­ri, şeý­di­bem gys­ga wagt­da ga­za­nan aras­sa ýe­ňiş­le­ri to­ma­şa­çy­la­ryň hem-de gö­reş sun­ga­ty­nyň hü­nar­men­le­ri­niň ün­sü­ni özü­ne çek­di. Şeý­le-de şu Azi­ýa çem­pio­na­tyn­da öz ag­ram­lyk de­re­je­le­rin­de äh­li gar­şy­daşyn­dan üs­tün çy­kyp, al­tyn me­dal ga­za­nyp, türk­men Tu­gu­ny al-as­ma­na gal­dy­ryp, Döw­let se­na­sy­ny be­lent­den ýaň­lan­dy­ran Al­la­nur Go­ço­wyň, Şat­lyk Ju­ma­na­za­ro­wyň, Ýa­kup­na­zar Ýa­ku­bo­wyň, Han­gel­di Al­la­ko­wyň, Gu­wanç Ýag­my­ro­wyň, Gar­mäm­met Şa­mäm­me­do­wyň, Me­det Hal­ly­gur­ba­no­wyň, Gy­lyç Ju­ma­ýe­wiň, Öwez­gel­di Ber­di­ýe­wiň, Şyh­my­rat Dur­dy­ýe­wiň, Jep­bar Ata­mäm­me­do­wyň, ze­nan­lar­dan Mak­su­da Egem­ber­di­ýe­wa­nyň, Di­na­ra Hal­ly­ýe­wa­nyň, Na­si­ba Sur­ki­ýe­wa­nyň, Ja­han Mu­ham­me­do­wa­nyň, Şi­rin Ku­ba­ýe­wa­nyň at­la­ry gu­wanç bi­len tu­tul­ma­ga my­na­syp­dyr – di­ýip, sport us­sa­dy, hal­ka­ra de­re­je­li emin, gu­şak­ly gö­reş we türk­men mil­li gö­re­şi bo­ýun­ça Türk­me­nis­ta­nyň mil­li ýy­gyn­dy­sy­nyň baş tä­lim­çi­si, Türk­me­nis­ta­nyň Mil­li sport we sy­ýa­hat­çy­lyk ins­ti­tu­ty­nyň Gö­reş we ba­şa-baş tut­lu­şyk ka­fed­ra­sy­nyň mu­gal­ly­my Set­dar­ber­di Re­jep­ber­di­ýew buý­sanç bi­len gür­rüň ber­ýär.
Azi­ýa çem­pio­na­tyn­da türk­men mil­li gö­re­şi­niň we gu­şak­ly gö­re­şiň her­si bo­ýun­ça hem ýa­ryş­lar iki gör­nüş­de – er­kin we nus­ga­wy usul­lar­da al­nyp ba­ryl­dy. Il­deş­le­ri­miz­den sam­bo­dan we gu­şak­ly gö­reş­den hal­ka­ra de­re­je­li sport us­sa­dy, Türk­me­nis­ta­nyň Döw­let güm­rük gul­lu­gy­nyň har­by gul­luk­çy­sy Zöh­re Mad­re­ýi­mo­wa­nyň bu çem­pio­nat­da al­tyn me­dal­la­ryň dör­dü­si­ni ga­zan­ma­gy bel­le­nil­mä­ge my­na­syp­dyr.
Türk­me­nis­ta­nyň Mil­li sport we sy­ýa­hat­çy­lyk ins­ti­tu­ty­nyň ta­lyp­la­ry, hal­ka­ra de­re­je­li sport us­sat­la­ry, dün­ýä­niň çem­pi­on­la­ry Seý­di Ba­ty­row bi­len Re­je­ba­ly Ora­za­ly­ýe­wiň her­si iki al­tyn, Türk­me­nis­ta­nyň Içe­ri iş­ler mi­nistr­li­gi­niň iş­gä­ri Şat­lyk My­ra­dow iki al­tyn, Tir­keş­gel­di Aýa­zow bi­len Me­kan­gel­di Ber­di­ýew­le­riň her­si bir al­tyn we bir kü­müş, ýo­kar­da ady ag­za­lan ins­ti­tu­tyň ta­ly­by La­çyn Ba­dag­ly­ýe­wa üç al­tyn we bir bü­rünç, ýe­ne-de şol ins­ti­tu­tyň ta­ly­by, hal­ka­ra de­re­je­li sport us­sa­dy Ra­no Uza­ko­wa iki al­tyn, bir kü­müş we bir bü­rünç, Türk­me­nis­ta­nyň Döw­let güm­rük gul­lu­gy­nyň har­by gul­luk­çy­sy Gül­nar Ha­ýyt­ba­ýe­wa iki al­tyn we bir bü­rünç me­dal ga­za­nyp, ýur­du­my­zyň me­dal­lar gaz­na­sy­na sal­dam­ly go­şant goş­du­lar.
Soň­ky ýyl­lar­da türk­men tür­gen­le­ri­niň hal­ka­ra we se­bit ýa­ryş­la­ryn­da ga­zan­ýan ne­ti­je­le­ri, ola­ryň di­ňe şu ýy­lyň ýe­di aýyn­da uly ýa­ryş­la­ryň 91-si­ne gat­na­şyp, 474 me­dal, şol san­da 152 al­tyn, 151 kü­müş, 171 bü­rünç me­dal ga­za­nan­dyk­la­ry ýur­du­myz­da sport ul­ga­my­nyň tä­ze be­lent­lik­le­re bat­ly ga­dam­lar bi­len bar­ýan­dy­gy­na şa­ýat­lyk ed­ýär. Bu aý­dy­lan­lar be­lent hy­juw­ly, ta­ýyn­lyk­ly tür­gen­le­ri­mi­ziň bar­ha go­laý­la­şyp gel­ýän “Aş­ga­bat 2017” oýun­la­ryn­da-da şow­ly çy­kyş et­jek­dik­le­ri­ne ynamy berkidýär.

Aga­my­rat Ata­ny­ýa­zow,
“Be­den­ter­bi­ýe we sport” žur­na­ly.

Gyzykly bolup bilerЕЩЕ ОТ АВТОРА