* Ispaniýanyň “La Ligasynda” 33-nji tapgyrda “Barselona” öz meýdançasynda “Walensiýadan” 2–1 hasabynda utuldy. Duşuşykda ýer eýeleriniň ýeke topuny Lionel Messi geçirip, bu onuň karýerasyndaky 500-nji gol diýlip hasaba alyndy. “Barselona” 34-nji tapgyrda myhmançylykda “Deportiwony” 8–0 hasabynda utup, yzly-yzyna gelen 3 ýeňlişiň ahmyryny çykardy. Oýunda Luiz Suares 4 pökgi geçirdi.
* Çempionlyk ýaryşy täzeden güýjän “La Ligada” “Real Madrid” 34-nji tapgyrda “Willarrealyň” torundan jogapsyz 3 pökgi girizdi. Şunlukda, “Realyň” 34 oýunda derwezä salan gollarynyň sany 100-den geçdi (101 gol).
* Angliýanyň “Premier ligasynda” 34-nji tapgyrda “Mançester Ýunaýtedden” utulan “Aston Willa” möwsümiň tamamlanmagyna 4 tapgyr galanda, aşaky liga düşdi. Angliýanyň ýokary ligasynyň iň köp çykyş eden 2-nji topary bolan “Aston Willa” soňky sapar 1988/89 möwsüminde aşaky ligada oýnapdy.
* Russiýanyň çempionatynda tapgyryň merkezi oýnunda Moskwanyň 2 kluby SSKA bilen “Lokomotiw” 1–1 hasabynda deňme-deň oýnady.
* “Kubany” Gaskanyň 81-nji minutdaky ýeke-täk goly bilen utan “Rostow” ýene-de sanawyň 1-nji basgançagyna gaýdyp geldi.
Bassyr 5-nji çempionlygyna barýar
* Italiýada 33-nji tapgyrda “Napoliniň” “Interden” 2–0 hasabynda utulyp, 3 utuk ýitirmeginden soň, “Ýuwentus” çempionlyga ýene-de bir ädim golaýlady. Turinliler 33-nji tapgyrda “Palermony” 4–0, 34-nji tapgyrda-da “Lasiony” 3–0 hasabynda ýeňlişe sezewar etdi.
Nobatdaky tapgyryň esasy oýunlary: “Fiorentina”–“Ýuwentus”, “Roma”–“Napoli”, “Herta”–“Bawariýa”, “Şalke”–“Baýer”, “Trabzonspor”–“Fenerbahçe”, “Rostow”–“Zenit”, “Sewilýa”–“Betis”, “Ewerton”–“M.Ýunaýted”, “Kristal Palas”–“Watford” (FA kubogynyň ýarym finaly), PSŽ–“Lill” (Liga kubogynyň finaly).
