Bu gün­ler eziz Wa­ta­ny­my­zyň äh­li kün­je­gi­ni gur­şap alan baý­ram­çy­lyk ru­hy äh­li­mi­ziň kal­by­myz­da üýt­ge­şik gal­ky­ny­şy, joş­gu­ny dö­red­ýär. Da­ba­ra­ly açy­ly­şy er­tir bol­jak Aş­ga­bat Azia­da­sy­na taý­ýar­lyk çä­re­le­ri mil­li öwüş­gin­li toý-baý­ra­ma öw­rül­ýär.
Azi­ýa­nyň Olim­pi­ýa Ge­ňe­şi­niň 2010-njy ýy­lyň de­kab­ryn­da 2017-nji ýyl­da Aş­ga­bat­da Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­ny ge­çir­mek ba­ra­da­ky çöz­gü­di ne­ti­je­sin­de, ýur­du­myz­da oýun­la­ra taý­ýar­lyk gör­mek we ge­çir­mek bo­ýun­ça ta­ry­hy iş­ler ge­çi­ril­di. Şu ge­çen 7 ýy­lyň do­wa­myn­da iş­jeň ama­la aşy­ry­lan taý­ýar­lyk iş­le­ri “Aş­ga­bat 2017” oýun­la­ry­nyň üs­tün­lik­li Azi­ýa oýun­la­ry­nyň bi­ri­ne öw­rül­jek­di­gi­ne hem-de ýo­ka­ry gu­ra­ma­çy­lyk de­re­je­sin­de ge­çi­ril­jek­di­gi­ne şa­ýat­lyk ed­ýär. Mil­li Li­de­ri­mi­ziň ýol­baş­çy­ly­gyn­da ýur­du­myz­da köp­çü­lik­le­ýin be­den­ter­bi­ýe-sa­gal­dyş he­re­ke­ti­ni we spor­ty ös­dür­mek, de­giş­li dü­zü­mi dö­ret­mek, be­den taý­dan sag­dyn ýaş ne­sil­le­ri hem-de bi­lim­li adam­la­ry ter­bi­ýe­le­mek­de guwandyryjy üs­tün­lik­ler ga­za­nyl­dy. Mil­li Olim­pi­ýa ko­mi­te­ti­niň baş­ly­gy, Azi­ýa­nyň Olim­pi­ýa ge­ňe­şi­niň ýo­ka­ry sy­la­gy­na – Hor­mat or­de­ni­ne my­na­syp bo­lan hor­mat­ly Pre­zi­den­ti­mi­ziň şah­sy gö­rel­de­si bi­len spor­ty, sag­dyn dur­muş ýö­rel­ge­le­ri­ni wa­gyz et­mä­ge uly üns be­ril­ýär. Ýur­du­my­zyň äh­li kün­je­gin­de mil­li Li­de­ri­mi­ziň baş­lan­gy­jy bi­len bi­na edi­len döw­re­bap sport mer­kez­le­ri, sta­di­on­lar, tä­ze teh­no­lo­gi­ýa­lar bi­len üp­jün edi­len be­den­ter­bi­ýe-sa­gal­dyş top­lum­la­ry he­re­ket ed­ýär. Her ýyl “Türk­me­nis­tan – ru­hu­be­lent­li­giň we sag­dyn­ly­gyň ýur­dy” di­ýen şy­gar as­tyn­da mek­dep okuw­çy­la­ry­nyň, ta­lyp­la­ryň, eda­ra-kär­ha­na­ iş­gär­le­ri­niň ara­syn­da sport ýa­ryş­la­ry ge­çi­ril­ýär. Her ýy­lyň ap­re­lin­de “Sag­dyn­lyk we bag­ty­ýar­lyk” at­ly köp­çü­lik­le­ýin be­den­ter­bi­ýe-sport we sagdyn durmuş-medeni çä­re­si­ni ge­çir­mek asyl­ly dä­be öw­rül­di. Iri möç­ber­li “Aş­ga­bat 2017” tas­la­ma­sy ýur­du­myz­da köp­çü­lik­le­ýin spor­tuň ös­dü­ril­me­gi­ne iter­gi ber­di. Ýur­du­myz­da ýaý­baň­lan­dy­ry­lan be­den­ter­bi­ýe-sport he­re­ke­ti ýaş nes­li ah­lak taý­dan ter­bi­ýe­le­mek­de hem uly äh­mi­ýe­te eýe bol­dy.
Oja­ga hor­mat goý­mak dä­bi hem-de döw­re­bap­ly­ly­gy bir­leş­di­rýän owa­dan gör­nüş bi­len Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­nyň ala­wy­ny ýak­mak da­ba­ra­sy gur­al­dy. Gü­n şöh­le­si ýaý­dan aty­lyp, as­man­da ok­gun­ly uçup bar­ýan peý­ka­myň ujun­da uç­gun dö­red­ýär, onuň ýo­kar­dan ýe­re inip, ak öýüň or­ta­syn­da­ky ojar odun­ly oja­ga düş­me­gi bi­len ojak­da­ky ojar tu­ta­şyp, ataş ýa­nyp baş­la­ýar. Köp halk­lar­da bol­şy ýa­ly, türk­men­ler­de hem öý oja­gy­nyň ody mu­kad­des ha­sap­la­n­ýar. “Aş­ga­bat 2017” oýun­la­ry­nyň ala­wy­nyň müňýyl­lyk­lar mun­dan ozal, dün­ýä si­wi­li­za­si­ýa­sy­nyň mer­kez­le­ri­niň bi­ri­niň gül­läp ösen ýe­ri bo­lan ga­dy­my Mar­guş top­ra­gyn­da ýa­kyl­ma­gy­nyň öz­bo­luş­ly ma­ny­sy bar­dyr. “Ot bol­çu­ly­gyň we aba­dan­çy­ly­gyň ny­şa­ny­dyr. Şo­ňa gö­rä-de, biz ýa­kyn gel­jek­de di­ňe bir ýur­du­myz üçin däl, eý­sem, se­bi­tiň halk­la­ry üçin hem rys­gal-be­re­ket ge­tir­jek dün­ýä­de iň uly “Gal­ky­nyş” gaz oja­gyn­dan Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­nyň ala­wy­ny mil­li däp-des­sur­la­ry­my­za la­ýyk­lyk­da ýak­ma­gy ma­kul bil­dik” di­ýip, hor­mat­ly Pre­zi­den­ti­miz bel­le­di.
Hal­ky­my­zyň şöh­rat­ly ady onuň ta­ry­hyň äh­li dö­wür­le­rin­de-de mil­li gym­mat­lyk­la­ry­ny aýaw­ly sak­lap, asyr­la­ryň jüm­mü­şin­den şu gü­ne alyp ge­len­li­gin­de­dir. Her bir iş­de mil­li­li­ge aý­ra­tyn üns ber­ýän döw­let Baş­tu­ta­ny­my­zyň baş­lan­gy­jy bi­len iri sport bäs­le­şi­gi­niň ge­çi­ril­jek şä­her­çe­si­niň bi­na­gär­lik be­zeg iş­le­ri hal­ky­my­zyň mil­li ru­hu­na go­laý tas­la­ny­lan­dyr. “Aşgabat 2017”-ä gat­naş­jak tür­gen­ler­dir da­şa­ry ýurt­ly myh­man­lar her ädim­de türk­men ru­hu­ny duý­ma­gy, mil­le­ti­mi­ze mah­sus gym­mat­lyk­la­ry gö­rüp bi­ler­ler. Mil­li gym­mat­lyk­la­ry­my­zyň dün­ýä­niň dür­li kün­jek­le­rin­den ge­len myh­man­la­ryň kal­byn­da Ga­raş­syz, he­mi­şe­lik Bi­ta­rap Wa­ta­ny­my­za, as­ly ha­lal hal­ky­my­za hor­mat duý­gu­sy­ny dö­ret­jek­di­gi, ös­dür­jek­di­gi ikuç­suz­dyr. Bu bol­sa, Aş­ga­bat Azia­da­sy­nyň mak­sat­la­ry­na do­ly la­ýyk gel­ýär. Çün­ki bu sport çä­re­si di­ňe bir yn­san­la­ryň be­den sag­dyn­ly­gy­nyň gör­ke­zi­ji­si bol­man, sport ar­ka­ly ru­hu­be­lent­li­giň, dost­lu­gyň da­ba­ra­lan­ýan­dy­gy­nyň-da aý­dyň nus­ga­sy­na öw­rül­me­li­dir. “Aş­ga­bat 2017” oýun­la­ry­nyň şy­ga­ry hök­mün­de “Sag­dyn­lyk. Ru­hu­be­lent­lik. Dost­luk” jüm­le­si­niň saý­la­nyp alyn­ma­gy-da hut şo­nuň üçin­dir.
“Aş­ga­bat 2017” oýun­la­ry­nyň ny­şa­ny hök­mün­de ahal­te­ke be­de­wi­niň kel­le şe­ki­li­niň ka­bul edil­me­gi, Olim­pi­ýa şä­her­çesiniň sta­dio­ny­nyň de­pe­sin­de şol şe­ki­liň go­ýul­ma­gy, şä­her­çä­niň çy­ra sü­tün­le­ri­niň çar­pa­ýa ga­lyp du­ran be­de­we ça­lym et­me­gi, Aşgabat Azia­dasy­nyň ala­wy­ny par­lat­jak ja­myň umu­my gör­nü­şi­niň ahal­te­ke aty­nyň öň aýa­gy­na meň­ze­me­gi ýa­ly ala­mat­lar hem myh­man­lar­da ýa­kym­ly duý­gy dö­re­dip, hal­ky­my­zyň mil­li­li­ge, be­hiş­di be­de­we goý­ýan be­lent sar­pa­sy­nyň aý­dyň ýü­ze çyk­ma­sy­na öw­rül­di. Hor­mat­ly Pre­zi­den­ti­mi­ziň baş­lan­gyç­la­ry bi­len mil­li mi­ra­sy­myz­da öz­bo­luş­ly or­ny bo­lan ala­ja­nyň hem-de ýü­zär­li­giň Aş­ga­bat Olim­pi­ýa sta­dio­ny­nyň esa­sy aý­ra­tyn­ly­gy­na öw­rül­jek be­de­wiň şe­ki­lin­de we Olim­pi­ýa ja­myn­da or­naş­dy­ryl­ma­gy äh­li hal­ky­myz ta­ra­pyn­dan gyz­gyn gol­daw tap­dy. Aý­law­la­ry bag­lan be­dew­le­riň boý­nu­na ala­ja dak­mak hal­ky­my­zyň ga­dym­dan gel­ýän des­sur­la­ry­nyň bi­ri. Aş­ga­bat Olim­pi­ýa sta­dio­ny­nyň aja­ýyp bi­na­gär­lik gur­lu­şyn­dan my­na­syp orun alan be­de­wiň döş­lü­gi­ne ýer­leş­di­ri­len ala­ja mil­li gym­mat­lyk­la­ry­my­zyň ýe­ne bir ýo­la be­len­de gö­te­ril­me­gi­niň ny­şa­ny bol­dy.
Aş­ga­bat Azia­da­sy Wa­ta­ny­myz üçin türk­men hal­ky­nyň myh­man­sö­ýer­li­gi­niň ha­ky­ky ru­hu­ny gör­kez­mä­ge tä­ze müm­kin­çi­lik­dir. Bu iri sport çä­re­si ne­sil­le­riň spor­ta bo­lan hö­wes­le­ri­ni ös­dür­mek­de, jem­gy­ýet­de sag­dyn dur­muş ýö­rel­ge­le­ri­ni ber­kit­mek­de tä­sir­li çä­re­di­gi­ne oňa taý­ýar­lyk gör­me­giň bar­şyn­da hem şa­ýat bol­duk. Mil­li däp-des­sur­la­ry­my­zy, mil­li gym­mat­lyk­la­ry­my­zy ýaý­baň­lan­dyr­mak­da, mil­li ýö­rel­ge­ler bi­len ýaş nes­li ter­bi­ýe­le­mek­de hem Aş­ga­bat Azia­da­sy­nyň tä­sir­li wa­ka bo­lup dur­ýan­dy­gy aý­ra­tyn gu­wan­dy­ry­jy­dyr.

Ba­tyr Ber­di­ýew,
Ma­ry­nyň Hy­dyr Der­ýa­ýew adyn­da­ky
mu­gal­lym­çy­lyk mek­de­bi­niň mu­gal­ly­my.

Gyzykly bolup bilerЕЩЕ ОТ АВТОРА