“Beatles” saz toparynyň öňki agzasy Pol Makkartniniň 1972-nji ýylda ýitiren gitarasy tapyldy. Bu barada “Telegraf” web saýty habar berýär.
“Höfner” kompaniýasynyň öndüren gitarasyny Londonyň ýaşaýjylarynyň biri tapyp, soňra ony “Notting Hill” etrabyndaky ýerli klubyň eýesine satypdyr. 50 ýyldan gowrak wagtdan soň, gural klubyň eýesiniň jaýynyň üçeginden tapyldy. Gitaranyň häzirki wagtda bahasy 10 million funt sterlinge deňdigi tassyklandy. Makkartniniň özi bu gitarany 1961-nji ýylda 30 funt sterlinge satyn alan eken.
