PDF
Ýewropanyň “Airbus” kompaniýasynyň peýdasy geçen ýyl 11 göterim pese gaçyp, 3,8 milliard ýewro boldy. Fransiýada we Germaniýada önümçilik kärhanalary bolan kompaniýa geçen ýyl 735 uçary müşderilerine ýetirdi. Kompaniýa 2024-nji ýylda 800 töweregi uçary müşderilerine ýetirmegi maksat edinýär. Kompaniýanyň geçen ýylky peýdasy ozalky ýyldakydan pes hem bolsa iň girjedejili ýyllaryň biri boldy. “Airbus” 2022-nji ýylda 4,2 milliard ýewro peýda gazanyp, bu ugurda rekord goýupdy. Geçen ýyl kompaniýa 2 müň 094 uçar sargydy alyp, 2013-nji ýyldaky rekordy täzeläpdir. Iň köp “A320” hem-de uzak aralyga uçýan “A350” uçarlary sargyt edilipdir. Uçar öndürijisiniň peýdasy azalan hem bolsa, girdejisi ýokarlanypdyr. Geçen ýyl “Airbus”-yň girdejisi 11 göterim artyp, 65,4 milliard ýewro çykypdyr. Täjirçilik uçarlaryndan alýan girdejisi 15 göterim köpelipdir.
“Airbus Helicopters” bölümi bolsa, 2023-nji ýylda 346 dikuçary alyjylara ýetiripdir. Bu bölümiň girdejisi 4 göterim ýokarlanypdyr. Kompaniýa kosmos pudagynda hem iş alyp barýar.
Röwşen Atajanow, Türkmen döwlet mäliýe institutynyň talyby.
