“Forbes” žurnaly amerikaly meşhur işewür Worren Baffettiň haýyr-sahawat guramalaryna rekord derejede pul serişdesini bagyş edendigini ýazdy. 128,4 milliard dollarlyk baýlygy bolan Baffett dünýäniň 10-njy baý adamy hasaplanýar. Işewür nagt pul däl-de, umumy gymmaty 5,3 milliard dollar bolan “Berkshire”
paýnamasyny bagyş etdi. Şeýlelikde Baffett 2006-njy ýylda başyny başlan haýyr-sahawata pul geçirmek işinde rekord goýdy.
“Berkshire Hathaway” konglomeratyna ýolbaşçylyk edýän Baffet “Bill & Melinda Gates” gaznasyna we ýene-de dört maşgala degişli haýyr-sahawat guramasyna ýardam etdi. Häzire çenli işewür jemi 57 milliard dollary haýyr-sahawat guramalaryna beripdir.
93 ýaşly Baffet 1965-nji ýyldan bäri ýolbaşçylyk edýän “Berkshire”-dan gazanan pulunyň 99 göteriminden gowragyny haýyr-sahawata geçirmegi meýilleşdirýär. Onuň wesýetini ölenden soňra çagalary ýerine ýetirer.
