Italiýanyň çempionatynda soňky çempion “Inter” myhmançylykda “Monza” bilen 1-1 hasabynda deňme-deň oýnap, 2-nji gezek utuk ýitgisine sezewar boldy. “Wenesiýany” 4-0 hasabynda utan “Milan” möwsümdäki ilkinji ýeňşini gazandy. Lukakunyň 1 gol geçirip, 2 goluň pasyny beren oýnunda “Napoli” myhmançylykda “Kaliariniň” derwezesinden jogapsyz 4 pökgi girizdi. “Empoli” bilen utuklary paýlaşan “Ýuwentus” bassyr 2-nji gezek golsuz deňme-deň oýnady. Myhmançylykda “Jenoa” bilen duşuşan “Roma” täze transfer Dowbygyň goly esasynda öňe geçse-de, 90+6-njy minutda De Winteriň goluna çäre tapyp bilmedi. “Parma” – “Udineze” duşuşygynda ýer eýeleri 1-nji ýarymda Del Prato hem-de Bonniniň gollary bilen 2-0 öňe saýlandy. Ýöne 2-nji ýarymda Lukka we Toweniň (2) gollary esasynda ýeňiş gazanan “Udineze” 10 utuk bilen sanawyň 1-nji basgançagynda barýar.
Komo – Bolonýa: 2-2 (Kasale ö.d., Kutrone 53 – Kastro 76, Aýling 90+1),
Empoli – Ýuwentus: 0-0,
Milan – Wenesiýa: 4-0 (Hernandes 2, Fofana 16, Pulişiç 25 p, Abraham 29 p),
Jenoa – Roma: 1-1 (De Winter 90+6 – Dowbyk 37),
Atalanta – Fiorentina: 3-2 (Retegi 21, De Ketelare 45, Lukman 45+1 – Kuarta 15, Ken 32),
Torino – Leççe: 0-0,
Kaliari – Napoli: 0-4 (Di Lorenzo 18, Kwarasheliýa 66, Lukaku 70, Buonžorno 90+3),
Monza – Inter: 1-1 (Mota 81 – Dumfris 88),
Parma – Udineze: 2-3 (Del Prato 2, Bonni 43 – Lukka 49, Towen 68, 77),
Lasio – Werona: 2-1 (Dia 5, Tengstedt 7 – Kastelýanos 20)
