Maý aýy­nyň 8–19-y ara­ly­gyn­da ge­çi­ril­jek 71-nji Kann film fes­ti­wa­lyn­da baş baý­ra­ga da­laş­gär film­le­riň hem-de ola­ry saý­la­jak emin­le­riň sa­na­wy mä­lim edil­di. “Al­tyn pal­ma” ug­run­da je­mi 18 film sa­na­wa alyn­dy. Ola­ryň ara­syn­da fran­suz ki­no sun­ga­ty­nyň ägir­di, ha­ly­pa re­žiss­ýor Žan-Luk Go­dar­dyň “Su­ra­tyň ki­ta­by” (Le livre d’ima­ges) fil­mi hem bar. Ame­ri­ka­ly ta­ny­mal re­žiss­ýor Spaýk Li­niň “Gara klan” (BlacKkKlans­man), Eý­ra­nyň os­kar­ly re­žiss­ýo­ry As­gar Far­ha­di­niň is­pan di­lin­dä­ki, şol bir­wag­tyň özün­de-da açy­lyş­da gör­ke­zil­jek “Hem­me­ler bil­ýär” (To­dos lo sa­ben), pol­şa­ly Pa­wel Paw­li­kows­ki­niň “So­wuk sö­weş” (Zim­na woj­na), “Al­tyn ýol­bars”, “Al­tyn aýy” baý­rak­la­ry­nyň eýe­si, eý­ran­ly Ja­far Pa­na­hi­niň “Üç roý” (Se roh) ki­no­la­ry “Al­tyn pal­ma­nyň” esa­sy da­laş­gär­le­ri diý­lip gör­ke­zil­ýär. Bu­lar­dan baş­ga-da rus­si­ýa­ly Ki­rill Se­reb­ren­ni­ko­wyň “To­mus” (Le­to), hy­taý­ly ta­ny­mal re­žiss­ýor Szýa Çžan­ke­niň “Kül reň­ki – iň aras­sa ak” (Jiang hu er nv), ýa­po­ni­ýa­ly Ha­ma­gu­çi Rýu­su­ke­niň “Aso­ko 1 we 2” (Ne­te­mo Sa­me­teo), ita­li­ýa­ly Mat­teo Gar­ro­ne­niň “Dog­man”, Gü­nor­ta ko­re­ýa­ly Li Çhan-do­nuň “Ýan­gyn” (Beo­ning), li­wan­ly akt­ri­sa hem re­žiss­ýor Na­din La­ba­ki­niň “Ka­per­na­um” (Cafar­naum), ita­li­ýa­ly ze­nan re­žiss­ýor Ali­çe Row­ra­he­riň “Şa­dy­ýan Laz­za­ro” (Laz­za­ro Fe­lice), ýa­po­ni­ýa­ly Hi­ro­kad­zu Ko­ree­da­nyň “Dü­kan ogru­la­ry” (Man­bi­ki ka­zo­ku), ame­ri­ka­ly De­wid Ro­bert Mit­çel­liň “Sil­wer Leý­kiň as­tyn­da” (Un­der the Silver La­ke) hem-de mü­sür­li Abu Bakr Şaw­ki­niň “Ýo­med­din” (Yo­med­di­ne) ki­no­la­ry-da sa­na­wa alyn­dy. Şeý­le-de fran­suz re­žiss­ýor­la­ry Kris­tof Ono­re­niň “Ha­ýyş, söý we yl­ga” (Plai­re, ai­mer et cou­rir vite), Ewa Hus­so­nyň “Gü­ne­şiň gyz­la­ry” (Les fil­les du so­le­il), Ste­fen Bri­ze­niň “Baş­ga dün­ýä” (Un Aut­re Mon­de) ki­no­la­ry baş baý­ra­gyň da­laş­gär­le­ri­dir.
Iki hep­dä go­laý do­wam et­jek fes­ti­wa­lyň emin­ler to­pa­ry-da mä­lim edil­di. Gol­li­wu­dyň os­kar­ly akt­ri­sa­sy, awst­ra­li­ýa­ly Keýt Blan­şet­tiň baş­tu­tan­lyk et­jek emin­ler to­pa­ry­na “Bla­de Run­ner 2046” fil­mi­ni su­ra­ta dü­şü­ren ka­na­da­ly De­ni Wiln­ýow, ame­ri­ka­ly ze­nan re­žiss­ýor Awa Du­wer­naý, 2003-nji ýyl­da “Gaý­dyp gel­mek” ki­no­sy bi­len We­ne­si­ýa­da “Al­tyn ýol­bars” baý­ra­gy­ny alan rus­si­ýa­ly Alek­sandr Zwýa­gin­sew hem-de fran­si­ýa­ly Ro­bert Ge­dig­ýan ýa­ly re­žiss­ýor­lar ça­gy­ryl­dy. Şol san­da ar­tist­ler­de­nem fran­si­ýa­ly akt­ri­sa Lea Seý­du, ame­ri­ka­ly akt­ri­sa Kris­ten Stýu­wart, taý­wan­ly akt­ýor Çan Çen hem-de bu­run­di­li aý­dym­çy, sa­zan­da Kad­ža Nin emin­ler to­pa­ry­ny düz­ýär.
Fes­ti­wa­lyň “Baş­ga­ça ga­ra­ýyş” (Un Certain Regard) bö­lü­miň çäk­le­rin­de-de bir­nä­çe film gör­ke­zi­ler. Şol film­le­riň ara­syn­da­ky bäs­le­şi­ge-de Pu­er­to ri­ko­ly akt­ýor Be­ni­sio Del Toro ýol­baş­çy­lyk eder. Şeý­le-de fes­ti­wal­da bäs­le­şik­den da­şa­ry “The Spy Go­ne North”, “So­lo: A Star Wars Sto­ry”, “Arctic”, “Sink or Swim” ýa­ly ki­no­lar hem gör­ke­zi­ler. Fes­ti­wa­lyň açy­lyş hem-de jem­leý­ji da­ba­ra­la­ry­ny fran­si­ýa­ly akt­ýor Eduar Ber alyp ba­rar.
Ber­lin we We­ne­si­ýa bi­len bir ha­tar­da, dün­ýä­niň iň öň­de­ba­ry­jy ki­no fes­ti­wa­ly bo­lan Kann film şü­we­le­ňi il­kin­ji ge­zek 1946-njy ýyl­da ge­çi­ril­di. Ady­ny Fran­si­ýa­nyň gü­nor­ta­syn­da­ky Kann şä­he­rin­den al­ýan fes­ti­wal­da baş baý­rak hök­mün­de “Al­tyn pal­ma” heý­kel­ji­gi gow­şu­ryl­ýar. Fes­ti­wal di­ňe 1948-nji we 1950-nji ýyl­lar­da ge­çi­ril­me­di.

Gyzykly bolup bilerЕЩЕ ОТ АВТОРА