PDF
UEFA 20-30-njy maý aralygynda geçiriljek 4 klub ýaryşynyň final oýunlarynyň eminlerini mälim etdi. Futbol janköýerleriniň sabyrsyzlyk bilen garaşýan duşuşygy – PSŽ bilen “Arsenalyň” arasyndaky UEFA Çempionlar Ligasynyň finala germaniýaly Daniel Sibert eminlik eder. Oňa watandaşlary Ýan Seidel bilen Rafael Foltyn ýardam berer. Şweýsariýaly Sandro Şerer oýnuň 4-nji emini bolsa, Bastian Dankert bilen Robert Şröder VAR-da oturar. Aşgabat wagty bilen 21:00-da başlanjak duşuşyk 30-nji maýda Budapeştde geçiriler.
20-nji maýda geçiriljek Ýewropa Ligasynyň finalynda fransiýaly Fransua Leteksie jürlewük çalar. “Fraýburg” bilen “Aston Willanyň” arasyndaky oýunda Stambuldaky “Beşiktaş” stadionynda oýnalar.
23-nji maýda UEFA Zenanlar Çempionlar Ligasynyň finaly geçirilip, Norwegiýanyň paýtagty Oslodaky “Ullevaal” stadionyndaky “Barselona” bilen “Lionyň” arasyndaky oýna şwesiýaly Tess Olofsson eminlik eder.
27-nji maýda UEFA Konferensiýa Ligasynyň finalynda “Kristal Palas” bilen “Raýo Wallekano” duşuşar. Germaniýanyň Leipsig şäherindäki Red Bull Arena-da oýnaljak finalyň emini diýlip, italiýaly Maurizio Mariani bellenildi.
20-nji maý (çarşenbe) – UEFA Ýewropa Ligasynyň finaly
Fraýburg – Aston Willa (00:00) – Fransua Leteksie (Fransiýa) – Beşiktaş stadiony, Stambul
23-nji maý (şenbe) – UEFA Zenanlar Çempionlar Ligasynyň finaly
Barselona – Lion (21:00) – Tess Olofsson (Norwegiýa) – Ullevaal stadiony, Oslo
27-nji maý (çarşenbe) – UEFA Konferensiýa Ligasynyň finaly
Kristal Palas – Raýo Wallekano (00:00) – Maurizio Mariani (Italiýa) – Red Bull Arena, Leipsig
30-njy maý (şenbe) – UEFA Çempionlar Ligasynyň finaly
Pari Sen-Žermen – Arsenal (21:00) – Daniel Sibert (Germaniýa) – Puskas Arena, Budapeşt
