Ame­ri­kan aý­dym-saz baý­rak­la­ryn­da esa­sy sy­lag­la­ry bel­li aý­dym­çy Teý­lor Swift ga­zan­dy. 28 ýa­şyn­da­ky ze­nan aý­dym­çy ýy­lyň sun­gat iş­gä­ri diý­len ugur­da Dreýk, Ima­gi­ne Dra­gons, Post Ma­lo­ne, Ed Şi­ran da­gy­dan öňe saý­lan­dy. Owa­dan aý­dym­çy ýy­lyň tu­ry, pop/rok ug­run­da iň go­wy ze­nan sun­gat iş­gä­ri hem-de şol ugur­dan iň go­wy al­bom baý­rak­la­ry­na-da la­ýyk gö­rül­di. Şeý­le­lik­de, 46-njy ge­zek ge­çi­ri­len Ame­ri­kan aý­dym-saz baý­rak­la­ryn­da ga­za­nan 4 heý­kel­ji­gi bi­len onuň sy­lag­la­ry­nyň sa­ny 23-e ýet­di. Ol bu ugur­da 21 baý­rak­ly Wit­ni Hýus­ton­dan öňe saý­la­nyp, Ame­ri­kan aý­dym-saz baý­rak­la­ryn­da iň köp ýe­ňi­ji bo­lan ze­nan aý­dym­çy ady­ny al­dy.
As­ly ku­ba­ly ame­ri­kan aý­dym­çy­sy Ka­mi­la Ka­bel­lo ýy­lyň tä­ze sun­gat iş­gä­ri diý­len ugur­da baý­ra­gyň eýe­si bol­dy. Onuň “Havana” at­ly şekilli aýdymy iň go­wy şä­rik­deş­lik, ýy­lyň wi­deo­sy, iň go­wy pop/rok aý­dym baý­rak­la­ry­ny-da eýe­le­di. “Ga­ra pan­te­ra” fil­mi­niň saz­la­ry-da iň go­wy saundt­rek baý­ra­gy­na la­ýyk gö­rül­di. Ri­han­na, Kha­lid, Şawn Men­des, Kar­di B, Ka­ne Brown, Ker­ri An­der­wud ýa­ly aý­dym­çy­lar hem dür­li ugur­lar­da Ame­ri­kan aý­dym-saz baý­rak­la­ry­nyň heý­kel­jik­le­ri bi­len sy­lag­lan­dy.
Los An­je­les­dä­ki “Micro­soft” te­at­ryn­da ge­çi­ri­len da­ba­ra­ny Treý­si El­lis Ross alyp bar­dy. Şat­lyk-şow­huna bes­le­nen da­ba­ra­da Teý­lor Swift, Ma­ri­ah Ka­reý, Şawn Men­des, Kar­di B, Kha­lid, Dua Li­pa, Jen­ni­fer Lo­pez, Ka­mi­la Ka­bel­lo, Sia­ra, Kar­ri An­der­wud, Post Ma­lo­ne ýa­ly hä­zir­ki za­man aý­dym-saz sun­ga­ty­nyň ägirt­le­ri öz­le­ri­niň il­ha­lar aý­dym­la­ry bi­len çy­kyş edip, şol ýe­re ýyg­nan­la­ryň gö­wün­le­ri­ni gal­kyn­dyr­dy.

Gyzykly bolup bilerЕЩЕ ОТ АВТОРА