“Forbes” žurnaly ýylyň iň köp girdeji gazanan zenan aýdymçylarynyň sanawyny mälim etdi. Sanawda 1-nji orny 34 ýaşyndaky Keýti Perri eýeledi. Ol soňky 12 aýyň dowamynda 83 million dollarlyk girdeji gazandy. Onuň girdejisiniň agramly bölegi “Witness: The Tour” atly konsert turuna degişlidir. Perriden 3 million dollar az gazanan Teýlor Swift 2-nji orna mynasyp boldy. Mahmal owazly aýdymçynyň 80 million dollarlyk girdejisiniň esasyny “Reputation” atly täze albomy hem-de “Reputation Stadium Tour” atly konsert turlary düzýär. 60 million dollarlyk gazanjy bilen Beýonse Nowles 3-nji bolup sanawa adyny ýazdyrdy. 52 million dollarlyk girdejisi bilen Pinkiň 4-nji bolan sanawynda Leýdi Gaga 5-nji (50 million $), Jennifer Lopez 6-njy (47 million $), Rihanna 7-nji (37,5 million $) ýeri eýeledi. Helen Fişer (32 million $), Seline Dion (31 million $) hem-de Britni Spirs (30 million $) ilkinji onluga giren beýleki aýdymçylardyr.
