Hin­di ki­no dün­ýä­si­niň iň ab­raý­ly sy­lag­la­ryn­dan bo­lan “Film­fa­re” baý­rak­la­ry­nyň 64-nji gow­şu­ry­lyş da­ba­ra­sy Mum­baý şä­he­rin­de ge­çi­ril­di. Şah­ruh Han, Raj­ku­mar Rao hem-de Wi­ki Kau­şa­lyň bi­le­lik­de alyp ba­ran da­ba­ra­sy­na hin­di ki­no sun­ga­ty­nyň ýyl­dyz­la­ry, ar­tist­le­ri, re­žiss­ýor­la­ry gat­naş­dy­lar. Da­ba­ra­da iň go­wy film baý­ra­gy­na “Jan­syz ze­nan” (Raa­zi) ki­no­sy la­ýyk gö­rül­di. “Dhar­ma Pro­ductions” kom­pa­ni­ýa­sy­nyň önü­mi bo­lan bu ek­ran ese­ri “Pad­ma­wa­ti” (Pad­maavat), “San­ju” (San­ju), “Ze­nan” (Stree), “Ja­dy­laý­jy saz” (And­had­hun), “Ýa­şy uzyn bol­sun!” (Bad­haai Ho) ýa­ly ýy­lyň şow­ly çy­kan film­le­rin­den öňe saý­lan­dy. Ki­no­ny su­ra­ta dü­şü­ren Meg­na Gul­zar bol­sa, iň go­wy re­žiss­ýor baý­ra­gy bi­len sy­lag­lan­dy. Film­de baş keş­bi jan­lan­dy­ran owa­dan akt­ri­sa Alia Batt iň go­wy akt­ri­sa baý­ra­gy­na my­na­syp bol­dy. Bol­li­wu­dyň gop­gun­ly, meş­hur ar­tist­le­rin­den San­jaý Dut­tuň dur­mu­şy ba­ra­da söh­bet aç­ýan “San­ju” fil­mi­niň ýyl­dy­zy Ran­bir Ka­pur iň go­wy akt­ýor diý­lip saý­lan­dy. Bu film­de su­ra­ta dü­şen Wi­ki Kau­şal bi­len “Ýa­şy uzyn bol­sun!” ki­no­sy­nyň ar­tis­ti Gaj­rao Rao ikin­ji plan­da­ky iň go­wy akt­ýor baý­ra­gy­ny paý­laş­dy­lar. “Ýa­şy uzyn bol­sun!” ki­no­syn­da­ky keş­bi üçin we­te­ran ar­tist Su­rek­ha Sik­ri ikin­ji plan­da­ky iň go­wy akt­ri­sa baý­ra­gy­ny eýe­le­di. “Pad­ma­wa­ti” fil­mi­niň saz­la­ry­ny ýa­zan San­jaý Li­la Bhan­sa­li iň go­wy saz, “Jan­syz ze­nan” fil­min­de Gul­za­ryň ýe­ri­ne ýe­ti­ren “Ae wa­tan” aýdymy bol­sa, iň go­wy aý­dym diý­lip saý­lan­dy. Iň go­wy pleý­bek (er­kek) baý­ra­gy Ar­jit Sin­he (“Ae wa­tan” – “Ra­zy” fil­mi), iň go­wy pleý­bek (ze­nan) baý­ra­gy-da Şre­ýa Gho­şa­la (Ghoo­mar” – “Pad­ma­wa­ti” fil­mi) gow­şu­ryl­dy. Şeý­le-de çä­re­de baş­ga-da bir­nä­çe ugur­lar bo­ýun­ça “Film­fa­re” heý­kel­jik­le­ri öz my­na­syp­la­ry­na be­ril­di.
Da­ba­ra­nyň do­wa­myn­da ge­çen ýyl ara­dan çy­kan meş­hur akt­ri­sa Sri­de­wi ki­no sun­ga­ty­na go­şan go­şan­dy üçin “Li­fe­ti­me Achievement”, meş­hur akt­ri­sa He­ma Ma­li­ni ki­no sun­ga­tyn­da 50-nji ýy­ly­ny ta­mam­lan­dy­gy üçin ýö­ri­te baý­rak bi­len sy­lag­lan­dy.

Gyzykly bolup bilerЕЩЕ ОТ АВТОРА