Soň­ky ýyl­lar­da gir­de­ji­si­ni mil­liard dol­lar­dan ge­çir­ýän film­le­riň sa­ny bar­ha art­ýar. Ozal­ky hep­dä­niň ahy­ryn­da “Marvel”-iň “Ar aly­jy­lar: oý­nuň so­ňy” (Aven­gers: End­ga­me) fil­mi gir­de­ji­si­ni 2 mil­liard 790 mil­li­on dol­la­ra ýe­ti­rip, meş­hur “Awa­tar” (Avatar) fil­mi­niň 10 ýyl­lyk re­kor­dy­ny tä­ze­lip­di we äh­li dö­wür­le­riň iň köp gir­de­ji ga­za­nan fil­mi bo­lup­dy. Ine, şu hep­dä­niň ba­şyn­da-da ýe­ne 3 fil­miň pro­kat­lar­dan top­la­ny 1 mil­liard dol­lar­dan geç­di. Iýul aýy­nyň ba­şy­na gör­ke­zi­lip baş­la­nan “Möý adam: öý­den uzak­da” (Spi­der Man: Far From Ho­me), maý aýy­nyň ahyr­la­ry­na pro­ka­ta çy­kan “Alad­din” (Alad­din) film­le­ri bi­len bir ha­tar­da, mun­dan 2 hep­de öň ek­ran­la­ra çy­kan “Şa ýol­bars” (The Li­on King) ani­ma­si­ýa­sy gir­de­ji­le­ri­ni 1 mil­liard dol­lar­dan ge­çi­rip, de­giş­li­lik­de, 40-njy, 41-nji hem-de 42-nji ek­ran eser­le­ri bol­dy. “Möý adam: öý­den uzak­da” fil­mi 5 hep­dä­niň do­wa­myn­da 1 mil­liard 42 mil­li­on 571 müň, “Alad­din” 9 hep­de­den soň 1 mil­liard 11 mil­li­on 925 müň, “Şa ýol­bars” mult­fil­mi-de 2 hep­de­den soň, 1 mil­liard 14 mil­li­on 772 müň dol­lar top­la­dy. Hä­zir­ki wagt­da ki­no­teatr­lar­da gör­ke­zil­me­gi do­wam et­di­ril­ýän bu film­le­riň ýe­ne-de az-ow­lak hem bol­sa, ga­zanç­la­ry­nyň art­ma­gy­na ga­ra­şyl­ýar. Hä­zir­ki wagt­da umu­my sa­naw­da “Möý adam: öý­den uzak­da” fil­mi 32-nji, “Şa ýol­bars” mult­fil­mi 40-njy, “Alad­din” ki­no­sy-da 41-nji ha­tar­da bar­ýar.
Umu­man, şu ýy­lyň do­wa­myn­da hä­zir­lik­çe 5 fil­miň pro­kat­lar­dan ýyg­na­ny mil­liard dol­lar­dan geç­di. Ýo­kar­da ady ag­za­lan 2 film­den ozal “Ar aly­jy­lar: oý­nuň so­ňy” hem-de “Ka­pi­tan Mar­wel” (Cap­ta­in Marvel) ki­no­la­ry sa­na­wa at­la­ry­ny ýaz­dy­ryp­dy­lar. Öňü­miz­dä­ki hep­de­ler­de ýe­ne-de 1 ek­ran ese­ri­niň, has ta­ky­gy, “Oý­na­waç­la­ryň he­ka­ýa­sy – 4” (Toy Sto­ry 4) mult­fil­mi­niň hem gir­de­ji­si­niň 1 mil­liard dol­lar­dan ge­çir­me­gi­ne ga­ra­şyl­ýar. Hä­zir­ki wagt­da “Oý­na­waç­la­ryň he­ka­ýa­sy – 4” ani­ma­si­ýa­synyň gazanjy 920 mil­li­on dol­lar­dan geç­di.

Gyzykly bolup bilerЕЩЕ ОТ АВТОРА