77-nji gezek geçirilýän Wenesiýa film festiwalynyň emin agzalary kesgitlendi. Esasy ýaryşa Keýt Blanşett, Kristian Petzold, Kristi Puýu, Ioanna Hogg, Weronika Franz, Lýudwin Sanýe we Nikola Lagýoýa dagy eminlik ederler. Emin agzalaryna awstraliýaly halypa aktrisa Keýt Blanşett ýolbaşçylyk eder. 1932-nji ýyldan bäri Italiýanyň Wenesiýa şäherinde geçirilýän festiwalyň açylyşynda Daniýel Luçettiniň “The Ties” filmi görkeziler. Halkara festiwal 2-12-nji sentýabr aralygynda geçiriler.
