Aý­dym-saz dün­ýä­si­niň ab­raý­ly sy­lag­la­ryn­dan MTV Wi­deo aý­dym-saz baý­rak­la­ry­nyň no­bat­da­ky gow­şu­ry­lyş da­ba­ra­sy bol­dy. Man­het­ten­de ge­çi­ri­len çä­rä aý­dym-saz dün­ýä­si­niň gör­nük­li we­kil­le­ri gat­na­şyp, olar dabaraly ag­şa­myň do­wa­myn­da dür­li-dür­li aý­dym­la­ry ýe­ri­ne ýe­tir­di­ler. 3 sa­ga­da go­laý wagt­lap do­wam eden da­ba­ra­da Ji­den­na, Ri­han­na, Ales­sia Ka­ra, Aria­na Gran­de, Ni­ki Mi­naž, Fu­tu­re, Nik Jo­nas, Be­ýon­se, Brit­ni Spirs, Hal­seý, G-Eazy ýa­ly aý­dym­çy­dyr to­par­lar öz­le­ri­niň söý­gü­li çy­kyş­la­ry bi­len şol ýe­re ýyg­nan­anla­ryň gö­wün­le­ri­ni gal­kyn­dyr­dy. DJ Ha­led bi­len Liz­zo­nyň alyp ba­ran da­ba­ra­syn­da iň köp baý­ra­gy Be­ýon­se ga­zan­dy. Onuň tä­ze­lik­de aýdym-saz muş­dak­la­rynyň dyk­ga­tyna ýe­ti­ren “For­ma­ti­on” at­ly şe­kil­li aý­dy­my ýy­lyň wi­deo­sy diý­lip saý­lan­dy. Owa­dan aý­dym­çy ze­na­nyň bu ese­ri Ade­liň “Hel­lo”, Dreý­kiň “Hot­li­ne Bling”, Jas­tin Bi­be­riň “Sor­ry” hem-de Kan­ýe Wes­tiň “Fa­mo­us” at­ly şe­kil­li aý­dym­la­ryn­dan ta­pa­wut­lan­dy. Bu esa­sy baý­rak­dan baş­ga-da 34 ýaş­ly aý­dym­çy ze­na­nyň “For­ma­ti­on” at­ly şe­kil­li aý­dy­my ýy­lyň pop wi­deo­sy, iň go­wy re­žiss­ýor, mon­taž, ope­ra­tor­lyk işi, ho­re­og­ra­fi­ýa ýa­ly ugur­lar­dan MTV baý­ra­gy­na la­ýyk gö­rül­di. Be­ýon­se­niň baş­ga bir şe­kil­li aý­dy­my bo­lan “Hold Up” ýy­lyň ze­nan wi­deo­sy, şol san­da, “Le­mo­na­de” aý­dy­my-da ýy­lyň ösüş gör­ke­zen ese­ri diý­len ugur­lar­da oňa MTV heý­kel­ji­gi­ni ga­zan­dyr­dy. Kal­win Har­ri­siň Ri­han­na bi­len bi­le­lik­de aýd­ýan “This Is What You Came For” at­ly şe­kil­li aý­dy­my “best male video” baý­ra­gy­na my­na­syp bol­dy. Ol “How De­ep Is Your Love” at­ly şe­kil­li aý­dy­my üçin iň go­wy elekt­ro­ni­ka wi­deo baý­ra­gy bi­le­n hem sy­lag­lan­dy. Ýy­lyň tä­ze sun­gat iş­gä­ri baý­ra­gy DNCE to­pa­ry­na gow­şu­ryl­dy. Dreý­kiň “Hot­li­ne Bling” aý­dy­my iň go­wy hip-hop wi­deo, “Twen­ty One Pi­lots” to­pa­ry­nyň “He­at­hens”-i iň go­wy rok wi­deo diý­lip saý­lan­dy. “Fifth Har­mo­ny” to­pa­ry­nyň “All in My He­ad” at­ly ese­ri tom­suň aý­dy­my diý­len ugur­da ta­pa­wut­lan­dy. Meş­hur aý­dym­çy Ri­han­na mer­hum Maýkl Jek­so­nyň adyn­da­ky ýö­ri­te baý­rak bi­len sy­lag­lan­dy. Şeý­le-de 8 ugur­dan da­laş­gär gör­ke­zi­len Ade­liň “Hel­lo” aý­dy­my da­ba­ra­ny baý­rak­syz ta­mam­la­dy.

Gyzykly bolup bilerЕЩЕ ОТ АВТОРА