Stokgolmda we Osloda 4-nji oktýabrdan 11-nji oktýabr aralygynda fiziologiýa we lukmançylyk, fizika, himiýa, edebiýat, şeýle hem Şwesiýanyň Döwlet bankynyň ykdysadyýet baýragy boýunça Nobel baýragynyň eýeleri yglan edilip başlandy.
2021-nji ýylyň fiziologiýa we lukmançylyk ugry boýunça baýraklaryna Dewid Julius we Ardem Pataputýan mynasyp boldy. Alymlar bu abraýly baýraga temperatura we duýgurlyga jogap berýän reseptorlary tapandygy üçin berildi.
1955-nji ýylda Nýu-Ýorkda dünýä inen Juliusyň baýrak almaga degişli işleri ýerine ýetiren döwründe San-Fransiskodaky Kaliforniýa uniwersitetinde, 1967-nji ýylda Liwanyň Beýrut şäherinde dünýä inen Pataputýanyň Kaliforniýa ştatynyň San-Diego şäherindäki Skripps barlag merkezinde hem-de Merilend ştatyndaky Goward Hýuzuň adyny göterýän Lumançylyk merkezinde zähmet çekendigi bellenildi.
Geçen ýyl bu baýraga Harwi Olter, Çarlz Raýs we Maýkl Hafton dagy gepatit C wirusyny tapandyklary üçin mynasyp bolupdylar.
Nobel baýragyna mynasyp bolanlar medal bilen bir hatarda 10 million şwed krony (takmynan 1 million 145 müň dollar) pul baýragyna mynasyp bolýarlar. Adatca baýraklary dekabr aýynda Oslo şäherinde geçirilýän dabarada gowşurylýan hem bolsa, pandemiýa sebäpli geçen ýyldan bäri, baýraklar laureatlaryň ýaşaýan ýurduna iberilýär.
