Ady: “Bat­man v Su­per­man: Dawn of Jus­tice”
Re­žiss­ýo­ry: Zek Snaý­der
Keşp­ler­de: Ben Aff­lek, Hen­ri Ka­will, Emi Adams, Jes­si Aý­zen­berg, Da­ýa­na Leýn, Lau­rens Fiş­burn, Je­re­mi Aý­rons, Hol­li Han­ter, Gal Ga­dot, Skot Mak­Nei­ri, Kal­lan Mal­weý, Tao Oka­mo­to
Prod­ýu­ser­le­ri: Çar­les Ro­wen, De­bo­rah Snaý­der
Sse­na­ri­çi­le­ri: Kris Ter­rio, De­wid S. Go­ýer (“DC Comics”-iň ko­miks­le­ri esa­syn­da)
Kom­po­zi­tor­la­ry: Hans Zim­mer, Jun­kie XL
Ope­ra­to­ry: Ler­ri Fong
Mon­taž­çy: De­wid Bren­ner
Ön­dü­ri­ji şe­re­ket­ler: “DC En­ter­ta­in­ment”, “Rat­Pac En­ter­ta­in­ment”, “At­las En­ter­ta­in­ment”, “Cru­el and Unu­su­al Films”
Paý­laý­jy şe­re­ket: “War­ner Bros. Pictu­res”
Do­wam­ly­ly­gy: 151 mi­nut
Gör­nü­şi: su­per gah­ry­man­çy­lyk, uruş­ly, baş­dan ge­çir­me
Ýur­dy: ABŞ
Di­li: iň­lis­çe
Býu­je­ti: 250 mil­li­on $

Soň­ky ýyl­lar­da Gol­li­wu­dyň hy­ýa­ly gah­ry­man­la­ry­ny bir film­de jem­läp, su­ra­ta al­ýan ki­no­la­ry­nyň sa­ny ýyl­sa­ýyn art­ýar. Şeý­le film­le­riň ýe­ne-de bi­ri peý­da bol­dy. Ki­no äle­mi­niň 2 hy­ýa­ly su­per gah­ry­ma­ny Bet­men bi­len Su­per­men il­kin­ji ýo­la bir film­de – “Bet­men Su­per­me­ne gar­şy: ada­la­tyň şa­pa­gy” (Bat­man v Su­per­man: Dawn of Jus­tice) ek­ran ese­rin­de bi­le­lik­de su­ra­ta düş­di. Ola­ryň nä­hi­li eder­men­lik gör­kez­jek­di­gi tas­la­ma­nyň or­ta aty­lan il­kin­ji gü­nün­den bä­ri köp­le­ri iç­gin gy­zyk­lan­dy­ryp baş­lap­dy. Ine-de, ki­no muş­dak­la­ry­nyň sa­byr­syz­lyk bi­len ga­ra­şan bu ägirt tas­la­ma­sy ahy­ry pro­kat­da­ky öz or­nu­ny al­dy. Bu ki­no­ny “300”, “Watchmen”, “Sucker Punch”, “Man of Steel” ýa­ly il­ha­lar ki­no­la­ry ek­ran­laş­dy­ran meş­hur re­žiss­ýor Zek Snaý­der su­ra­ta dü­şür­di. “DC Comics” şe­re­ke­ti­niň ko­miks­le­rin­den ugur al­nyp taý­ýar­la­nan film­de esa­sy keşp­le­ri – Bet­men bi­len Su­per­me­niň keşp­le­ri­ni de­giş­li­lik­de, os­kar­ly Ben Aff­lek hem-de Hen­ri Ka­will jan­lan­dyr­dy. Şeýle-de Emi Adams, Jes­si Aý­zen­berg, Da­ýa­na Leýn, Lau­rens Fiş­burn, Je­re­mi Aý­rons, Hol­li Han­ter, Gal Ga­dot ýa­ly Gol­li­wu­dyň ta­nal­ýan ar­tist­le­ri dür­li keşp­ler­de çy­kyş et­di. 250 mil­li­on dol­lar býu­jet­li fil­miň saz­y­ny meş­hur kom­po­zi­tor­lar Hans Zim­mer bi­len Jun­kie XL ýaz­dy. Kris Ter­rio bi­len De­wid S. Go­ýe­riň bi­le­lik­de ýa­zan sse­na­ri­si esa­syn­da taý­ýar­la­nan ki­no ABŞ-nyň dür­li ştat­la­ryn­da su­ra­ta alyn­dy.
Adam­za­dyň umyt­la­ry­ny tä­ze­den di­kel­den Su­per­me­niň dün­ýä­de ab­ra­ýy diý­seň uly. Ýö­ne şol Su­per­men se­bäp­li dö­rän uruş we how­sa­la­ly ýag­daý adam­lar üçin uly howp bo­lup ug­ra­ýar. Şondan soň, adamlar ha­las­gär hök­mün­de öz­le­ri­ne nä­hi­li gah­ry­ma­nyň ge­rek­di­gi ba­ra­da pi­kir edip baş­la­ýar. Şol bir ta­rap­da­nam, Su­per­me­niň ed­ýän he­re­ket­le­ri onuň haý­sy ta­rap­da­dy­gy ba­ra­da olary oý­lan­dyr­ýar. Onuň adam­za­dyň ýa­nyn­da­my ýa-da onuň gar­şy­sy­na gö­reş alyp bar­ýan­dy­gy ba­ra­da­ky dü­şün­je köp­le­ri gy­zyk­lan­dyr­ýar. Üs­te­si­ne-de, Su­per­me­niň Go­tam şä­he­ri­niň go­raý­jy­sy Bet­men bi­len ur­şup baş­la­ma­gy me­se­lä­ni has-da çuň­laş­dyr­ýar…

Gyzykly bolup bilerЕЩЕ ОТ АВТОРА