“Samsung” “Media Forum” atly çäresiniň çäklerinde täze telewizorlaryny we ekran tehnologiýalaryny görkezdi. Kompaniýa 11 ýyldan bäri öz harytlaryny aýratyn çärede köpçülige görkezýär. Kompaniýanyň bu ýylky çäresi 11-nji aprelden 16-njy maý aralygynda geçirilýär. “Samsung” telewizor tehnologiýasynda öňdebaryjy kompaniýa hasaplanýar. Koreý brendi häzire çenli öndürilen iň ýokary durulykdaky “Neo QLED 8K” telewizorlaryny, “Quantum Mini” LED çyralaryny we “Neural Quantum 8K” prosessoryny tanyşdyrdy. Şeýle hem kompaniýa “Smart Hub” atly applikasiýasy arkaly ulanyjylaryna telewizorlary we beýleki ekranlary dürli maksatlar bilen ulanmaga mümkinçilik berýär. Bu applikasiýalar arkaly ekranlary multimediýa hökmünde ulanyp bolýar.
Kompaniýanyň telewizorlary ses durulygy bilen hem öňdeligi eýeleýär. Şeýle hem kompaniýa öz harytlarynyň önümçiliginde daşky gurşawa ýetirilýän zyýany azaltmak, harytlaryň gaýtadan işlenmegini aňsatlaşdyrmak ýaly durnuklylyk maksatnamasyny hem durmuşa geçirýär.
Ýagşymyrat Baýramow, Türkmen döwlet maliýe institutynyň talyby
