Pakistanly sungat işgäri Omar Akil dünýä belli suratkeş Pikassonyň käbir eserlerini özüçe teswirläp, olardan 3 ölçegli eser döretdi. Ol özüniň sungat ýolunda Pikassonyň eserleriniň täsiriniň uly bolandygyny nygtaýar. Akil ispaniýaly suratkeşiň eserlerini hemişe diýen ýaly gyzyklanyp, siňe synlaýandygyny aýdýar. Omar Akil golaýda Pikassonyň “The Black Figure” (1948), “Visage” (1928), “Monument to Spaniard” we beýleki dünýä belli eserleri suratlary esasynda döreden 3 ölçegli eserleriniň sergisini geçirdi. “Mimic” atly bu sergä müňlerçe adam gatnaşdy.
